Ermiyaas 49:13 - NABUWWA KEE MALIKWA

¹³ Bosrâ-magaalat baati akkeleemih inni migaaqal xiibita. Umâ-yabulih tanim teetit akkeleeh, num sinniih lac sinni abuuruh raaqele. Sahda teetil anqaasele. ‹Bosrat tekkem siinit takkay› axcuk abaaroh tet haysitelon. Tet dariifal tan gaandoodi abur akkele. Kulli waqdi abuuruh raaqele. Tahat yabtam yoo YALLA» 'yaanam iyye.

Ermiyaas 49:13 ပူးပေါင်းရင်းမြစ်များ

1 Aydaad 1:44

Belaq rabe saaku, Bosra deqsitta magaalal yooboke Derac deqsita numih baxay migaaqah Yobab deqsitahiyya kay lakal dardaare.

Yasaqya 34:6

Sadgatah qidan saqa edde yasguuden gilel, qabala kee xayti elle raaqa gurrah, YALLI a mara edde qidu waa seefih bagul, qabal kee xaytak mangom raaqele. Macaay inteenik, YALLI Bosrâ-magaalal sadgatah ken qideleeh; Edom baaxol ken asguudeleeh, selele.

Yasaqya 45:23

Anu abeyyo axcuk, culeemik kora Dagelta hinniyo. Akkele excem takkeeh, abeyyo excem abah: ‹Kulli num yi foocal gommoh yoh radeleeh, Kok sa tu manaqbuda 'yaanam axcuk qahdi culelon› inni migaaqal akah xiibitem, duuduse'kkal wadir maxca.

Yasaqya 63:1

Edom-rasuk Bosrâ-magaalak tamaatem iyyay? A qajaaqibih yan sartanay xarbat qassoowehiyyat gacteh, fooca fan annah nabna kee kaxxa qande luk tamaatem iyyaay? «Tah, yooy sahda waduh qande leeh, qadaalat luk yaabak yamaatehiyya kinni.»

Ermiyaas 18:16

A baaxo akak meysitan baaxo akkele. Teetit tekkem yabalu waa mari ken sabbatah tet burtele. Gitah teetik xaqu gaceh gexu waa mari ah yable waqdi wariggitele. Ahamal qagabsiteloonuuh, namma xabanal gaba hayya heenih ‹A baaxot tekkem, gibdiimik tanih tan!› axcelon.

Ermiyaas 19:8

Yarusalaam magaala kaxxa baatih bayseyyo. Tet yabalu waa mari teetik akah sakkitta 'ya biyaakah tet biyaakeyyo. Gari akak gaceh gexa mari, «A magaalat tekkem gibdiimih taniimi» akak inxicca 'yan baati teetit abeyyo.

Ermiyaas 44:26

Duudusa'mmay, Masril yan Yuudâ-maraw, toh abteenik, anu siinik abeyyom siinih warisu waa. Masri addal enna 'ya Yuudâ-marak tahak wadir, Waara YALLAY Mulki lehiyya, axcuk yol xiibita num cabe waamah, inni migaaqay nabahiyyal siinih xiibita.

Ermiyaas 48:24

Karyot kee Bosra deqsitta magaaloolih marak, xer ikkel tanim kee xayi'kkel taniimil inkih, Yalli cokmi edde abu waa wakti yemeeteh yan.

Ermiyaas 49:22

Bosrâ-magaalal yan marat ken naqboytit, qawi galwa fakka hayteh tamaate way sahdak gital duyye elle qawta'nnal, ken qawelon. Too saaku Edom qaskar meysih lacawat tan barrah innah gacelon» 'yaanam Yalli iyye.

Ermiyaas 51:14

YALLAY Nabaamak Nabahiyya isi migaaqal xiibiteeh, iyyemii, «Baabelon rasow, mangah qanayti innah ixxima akak amixxige waa mara baaxot siinik ruubeyyo. Too mari qanayti innah inkih yan Baabelon rasu bulla heele; Baabelon ken gubat gacteemih qililiselon» 'yaanam iyye.

Ayyuqel 3:19

Masri bacarih tan baaxo akkeleeh; Edom tu elle aabuke wayta foyyah tan baaxo akkele. Toh akah takku waytam, oson Yuudâ rasu yibbixeenih, teetil sugte masaakiinah yan mara qiden.

Qaamus 1:12

Tonna-leemiik Teman deqsitta magaalat gira ruubeyyo. Bosra deqsitta magaalal tan megdebitte kaadu carariseyyo› iyya» 'yaanam iyye.

Qaamus 6:8

Qaamus kaadu iyyemii, «YALLAY Mulki leh Nabaamak Naba Dagelta kinnihiyya isi migaaqal xiibiteeh iyyemii, ‹Israayil mari abah yan kaxxiina nabam inqibeh an. Oson dabaaqah edde yanin kaxxa qarwa ablem sakkih yol tan. A saaku dabaaqah elle yanin inaytah tan magaala kee tet addal enna 'tam inkih, naqboytit gabal keenik heeyyo› 'yaanam iyye» keenik iyye.

Qobadya 1:18

Yuuda kee Israayilih yooboke mari girah innah sahda cararisele. Qiisok rade mara, caffat gexxe girah innal, carariselon. Qiisok rade marak num maraaqa. Tahat yabtam yoo YALLA» iyye.