Ermiyaas 49:12 - NABUWWA KEE MALIKWA

¹² Digaala akah aguude wayta mari diggalsimelek, siiniy umaanet asehiyya cattiimelem mannal takkaleenih? Digaala siinit akkelem taaxigeenimi.

Ermiyaas 49:12 ပူးပေါင်းရင်းမြစ်များ

Ermiyaas 25:15

Ermiyaas qagissa heeh iyyeemih, YALLAY Israayil doore Dagelta kinnihiyya, «Ermiyaasow! Ayka, a kobbaaya beyay anu koo elle ruuba maral ucuy. Ama kobbaaya kibuk akak tanim yi naqabu'mmay, tama naqabuk ken afqetto.

Ermiyaas 30:11

Anu sin lih aniih, siinit takkeemik sin wadeyyo. Ama fixixih sin elle abbixe baaxooxah mara inkih bayseyyo'mmay, sin inkitanuuk mabaysa. Adabi akak geytan digaalah sin digaaleyyo. Celta digaala siinit abeyyooh; annaak gexxoonay sin maxca. Tahat yabtam yoo YALLA» iyye.

Ermiyaas 46:27

«Yaqkuub xayloy, yi naqoosay, mameysitina. Israayil ummatey, niya siinik addigille waytay. Ama xer baaxoy elle taniinik sin ayyaaqeyyo. Casbi gurral elle tanin baaxok siinik radu waa mara ayyaaqeyyo. Isinni baaxo aduurettoonuuh, amaanah sin xiiniseyyo. Num sin maxagaay sin mameysiisa.

Qobadya 1:16

«Yuudâ-maraw, isin yi digaalay qeero lehiyya, kamri innah, yi qaley taahirik tanil tooqobeeni'mmay, sin dariifal enna 'ta doolatwa qeeroh tohuk gibdi digaala kamri innah aaqubelon. Yi digaalay qeero le aaqubeloonuuh, bayelon.