Ermiyaas 48:41 - NABUWWA KEE MALIKWA

⁴¹ Ken magaalooli kee megdebih lon arooca inkih antixibbixele. Too saaku Mooyab mari cunxoh, lacawat tan barrah inna assaallelon.

Ermiyaas 48:41 ပူးပေါင်းရင်းမြစ်များ

Yasaqya 13:8

Yakkeenimiik wariggiteloonuuh; biyak ken abbixele. Xalay edde xayyoowe barrah innah emreqeeqedelon. Wariggah mariiy mara keenik wagga heeleeh wacarriyih fooci keenik gombod ceelele.

Yasaqya 21:3

Taham acsube waqdi, xagar yok kaxxa biyaakah biyaakita. Lacawat tan barrah innah biyaakita. Aytik oobbeemik meysi yoo tibbixeeh; intih ubleemik cunxita.

Ermiyaas 30:6

‹Ah macah takkeemiiy?› inxicay esseray, kinnim cubbusa. Labhayti maay yaadiqeeh? Labhayti aadiqe week, hay, celeemah tan labha, lacawah iihissa barrah innah, bagul gaba akah lem macaa? Sahdak fooci inkih gombod akah ceelam macaa?

Ermiyaas 4:31

Lacaw edde yemeete barrah xongoloh innah tanim yol radda. Naharsi-baxa xalta barra abta xongoloh bis le xongolo yol radda. Toh Yarusalaam mari abah yan weqweqsinto. Gaba deerih loonuuh, ‹Baati net tekkeh, bayneh nan! Nee selu waa mari mamaatat yan› iyyan».

Ermiyaas 4:9

YALLI kaadu qagseh iyyaamah, «Too ayro malik kee doolat mari giliicih abam waagisele. Seekat meysih axaxo heele. Nabuwwa kaadu ibak-gibda-cunxo abbixele» 'yaanam siinik iyya.

Ermiyaas 48:24

Karyot kee Bosra deqsitta magaaloolih marak, xer ikkel tanim kee xayi'kkel taniimil inkih, Yalli cokmi edde abu waa wakti yemeeteh yan.

Ermiyaas 49:22

Bosrâ-magaalal yan marat ken naqboytit, qawi galwa fakka hayteh tamaate way sahdak gital duyye elle qawta'nnal, ken qawelon. Too saaku Edom qaskar meysih lacawat tan barrah innah gacelon» 'yaanam Yalli iyye.

Ermiyaas 49:24

Damaskoh mari boolaateeh; abeh yan meysih kudam faxa. Lacawat tan barrah innah, edde yaniinim, uma biyaaka.

Ermiyaas 50:37

Oson edde gexan faaris kee faras-gaari selaanama! Marin baaxok qeebih baahen qaskar keenik baysaanama! Too qaskar qeebih gaba marubtaay, agbi innah amuggurelon. Ken gadda selaanama! Luk sugeenim keenik beelon.

Ermiyaas 50:43

Baabelon malik a xaagu geeh, tohuk gexxaamah gaba kaak meysih kafteh matangayya. Kaxxa cunxo kaat raddeh taniih, lacawat tan barrah innah araadaqisa» iyye.

Ermiyaas 51:30

Baabelon qaskaray agiirah tenehiyya qeebih gaba marubta. Isi megdebil elle soolak raaqele. Niya keenik addigilleleeh, agbi innah qeebik soolak raaqelon. Cayli keenik boolaatele. Baabelon magaalah culmay birtak bicseeni addigillele. Qarwat gira ruubelon.

Ermiyaas 6:24

Too waqdi Yarusalaam mari iyyemii, «Woo xaagu noobbeh cisabbootiyyah namma xabanal gaba lino. Edde nanim, cunxooy; lacawat tan barrah innah, biyaakat nan.

Qaamus 2:2

Tohuk gexxaamah, Mooyab rasut gira ruubeyyo. Karyot deqsitta magaalal tan megdebittet gira ruubeyyo. Mooyab-mari baantay tamugguree kee carbi addat takke tirtirah addat ambaxelon.