Ermiyaas 48:38 - NABUWWA KEE MALIKWA

³⁸ Mooyab marih qarwah amoy elle daffeyaanahiyya kee, sinam elle gaabowta aroocal, a saaku rookak sah yaabben xongolo matan. Anu Mooyab mara ahaysa yiddigille galqiy baaxot qideenihiyya ken abeh an.

Ermiyaas 48:38 ပူးပေါင်းရင်းမြစ်များ

Yasaqya 15:3

Woo mari, gititteh addal, sartanah *qabuddat gaca. Magaalak maglallah yan arac kee qarwah amol yan mari weeqaah rookita.

Yasaqya 22:1

Yalli, Sirri-goloh giddinaamak ruube farmo ah teeti. Sugay isin inkih qarwah amo akah tawqeenim macaay?

Yasaqya 30:14

Raddoonu waytan waqdi, uma'nnah yiddigille buutih innah akketton. Too buutik raaqe galqi yiddigillek wadir xiqam mali. Gombod edde weeraanam luk maraaqa. Lee edde kumsan mingil mayakka» iyye.

Ermiyaas 19:10

Qagseh yok iyyemii, «Too yaabak gaba kalta waqdi, tama ko'lih yan marak foocal ama buuti iggil.

Ermiyaas 19:11

Sarrak keenik intamaa, ‹YALLAY Nabaamak Nabahiyya siinik iyyamaa, A mara kee a magaala tama buuti elle yiddigille innal aggileyyo. Yiddigille buuti wadir bicsaanam mabictaay; tonnah kaadu ta mari sarrah sinam akah akke waan innah keenik abeyyom keenih waris. Rabe mara elle yaaguqen arac wayya heenih Toofet bagul aaguqelon.

Ermiyaas 22:28

«Yahoyaasin yiddigille galqiy num tu edde wee waah, baaxot qideenihiyya yekkeh mayanaa! Kaa kee kay buxah mara num ken elle aaxige waa baaxo seewah ken akah beenim, wohuk tanih matanaa!»

Ermiyaas 25:34

Baaxoh abbobtih yan maraw, weeqa boogisa. Rookitaay gombod bagul ubruka. Sin edde yasguudoonu waan uddur yemeeteh. Yasguuden maruwih innah maasayya maasayyah sin kuramkurelon.

Hosiqa 8:8

Gersi rasih mari Israayil yunxuqe. Israayil mari gersi rasih marih innal gaceemih, kallak bicsen buutiy yiddigille yekken.