Ermiyaas 48:35 - NABUWWA KEE MALIKWA

³⁵ Mooyab mari yallah le duyye elle yaqbuden aracal aban sadgat kee, too duyyeh qibaadah ruuban qaydarus ahak wadir ayseedeyyo. Tahat yabtam yoo YALLA» 'yaanam iyye.

Ermiyaas 48:35 ပူးပေါင်းရင်းမြစ်များ

Yasaqya 15:2

Dibon mari qibaada-elle-aban-qale yewqeenih, sadgat elle aban aracih garil weeqan. Mooyab mari, Nabo kee Medabâ-magaalah-marah boogisaanaah rookitan. Rookah amo kee deben isinnik mooleenih.

Yasaqya 16:12

Mooyab mari dooqa elle aba'gidih, fayyat raqta aroocay qibaada elle abaanahiyya gexot taqbeloonu'mmay, tu edde mageyan.

Ermiyaas 11:13

Yuudâ-mari yalla 'yeenih yaqbuden duyyek mangah ken magaalooli tikki 'tah gide lon. Yarusalaam mari kaadu umâ-yabulih taniimiy Baqal akak iyyaanahiyyah sadgat elle abaana'gidih bicsen arooca, mangah ken magaalah gititte takkeh gide takke.

Ermiyaas 48:7

Mooyab maraw, isinni taama kee gaddaliinot kaxxam tekkeleeni'mmay, a saaku wohim siinih xiqtam maliiy; qeebil gacetton. Kamos akak intaanamay yallah litoonuhiyya kee, kay seeka kee kay makaabon inkih seewah orbiselon.

Ermiyaas 7:9

Garqa abtaanaah, sahda qiddaanaah, dalwa abtaanaah; diraabay taceenihiyya numma sinaamat celsissaana'gidih, xiibittaanah. Baqal akak intan gabak bicissen ceeloh dooqa axcuk qaydarus rubtan. Duma aaxige waak sugten duyyeeya Yalla axcuk taqbuden.