Ermiyaas 48:27 - NABUWWA KEE MALIKWA

²⁷ Mooyab maraw, isin duma Israayil maral af reqeeqisak sugteenim kassa haa. Ken giddinaamat yaabinnaan waqdi, garqot yibbixen marih innah, amo keenil kax haak sugten.

Ermiyaas 48:27 ပူးပေါင်းရင်းမြစ်များ

Ermiyaas 18:16

A baaxo akak meysitan baaxo akkele. Teetit tekkem yabalu waa mari ken sabbatah tet burtele. Gitah teetik xaqu gaceh gexu waa mari ah yable waqdi wariggitele. Ahamal qagabsiteloonuuh, namma xabanal gaba hayya heenih ‹A baaxot tekkem, gibdiimik tanih tan!› axcelon.

Ermiyaas 2:26

«Anu siinik axceemih: Garqi, garqot kaa yabbixen waqdi, qaybit elle rada'nnal, Israayil maraw, isin kaadu takkeenimik qaybit radetton. Sin kee sin malikiiy sin doolatak kaxxa mara kee sin seekaay sin nabuwwa inkih qaybit radele.

Yacedkel 25:8

YALLAY Mulki lehiyya qagseh iyyeemih, «Mooyab kee Edom mari, ‹Yuudâ mari gersi marak edde yayseenimih loonum malon› 'yaanam iyyeeniih; tohih sabbatah,

Yacedkel 36:4

Tonna-leemiik dariifal yan mari elle anqaasaah buuben qaleelaay koomaamiiy, daqooruuy, gololwa kee abuuruh raqte aroocaay, tonnah kaadu, abur aben magaalooliy, takkeenimiik, yoo YALLAY Mulki lehiyya siinik axcem oobbeya.

Xafanya 2:10

Xafanya kaadu iyyeemih, «Mooyab kee Qammon mari elle bayu waam tama'nnaay; too baatih ken bayissam, ken kaxxiina kee YALLAY Nabaamak Nabahiyya doore ummatat aban bura kee xaafu.

Xafanya 2:8

YALLAY Nabaamak Nabahiyya iyyaamah, «Mooyab kee Qammon deqsitta kedoh yooboke mari ummat yok xaafaah; oson anqibinnaanim iyyaanam keenik aabbeh an. ‹Baaxo siinik beenno› axcuk keenil tirtirisan.