Ermiyaas 48:17 - NABUWWA KEE MALIKWA

¹⁷ Mooyab rasu aaxaguk yeneeh teetik cuggaaneh yen maraw, teetih rookita! Mooyab duma luk sugte migaq-gexxo yaaxige maraw, teetih weeqa! ‹Mooyab rasul ten cayla le xinto a saaku matan. Tet nabna kee qande gaba kalteh› teetik inxicay teetih boogisa.

Ermiyaas 48:17 ပူးပေါင်းရင်းမြစ်များ

Yasaqya 10:5

YALLI iyyeemih: «Woyyow, Assuuriyat takku waytaama! Inqibe mara edde digaalu waa caxxih aftoh Assuuriya liyo. Yi bagcarra, gabat le caxxa keenik tan.

Yasaqya 14:6

Ken malik ummattat naqabut xukkutak sugeh, akak yeyse baaxoh mara xakaake kalaamak maadayinna.

Yasaqya 16:8

Cesbon garit tan buqre kee qinab-buqrey Sibma deqsitta kafte. Mango baaxooxah abbobti woo qinab-cooxut teeqete. Woo qinab-coox duma yan saaku Yaqder deqsitta magaala fan gufak sugeeh, ayrô-mawqa le kabuk bacarih tan baaxo fan gufak sugeeh, ayrô-culma le kabuk kaadu, tonnah, Rabe Bad deqsita bad taturak sugen.

Yasaqya 9:4

Woh akah kinnim, luk sugen quuka keenik kalettooh, sunku keenik edde aagaruk sugen caxxa aggilele. Keenit xukkutak sugeeh ken adlumuk suge mara duma Miidiyan mara elle bayisse innal baysele.

Ermiyaas 48:39

Mooyab mari finqiteeh, bala ken tibbixeh. Edde yaniinim, booge! Qaybi ken yibbixeh. Sahda elle anqassa mara yekken. Keenil xayi baaxoh mari ken yable way, kaxxa wariggah wariggitaanaah, anqaasah keenil raban. Tahat yabtam yoo YALLA» iyye.