Ermiyaas 48:15 - NABUWWA KEE MALIKWA

¹⁵ Mooyab kee Mooyab magaalooli finqitele. Qax-meqe furrayna keenik qeebit rabele. Tahat yabtam yoo Malikiy Nabaamak Naba YALLA kinnihiyya» 'yaanam iyye.

Ermiyaas 48:15 ပူးပေါင်းရင်းမြစ်များ

Ermiyaas 46:18

«Malik akak 'yaanam, yoo YALLAY Nabaamak Nabahiyya. Waara Yalli yoo immay siinik axcemii: Taabor qale qaleelak xeeruk elle raqtaah, Karmel qale kaadu badak fayya luk elle raqta'nnah, siinit carbi aba numih qande kulsah too bis luk siinik raaqele.

Ermiyaas 48:4

Mooyab marat baati tekke. Mooyab marih xayloy qunxahiyyah weeqa naabbeh nan.

Ermiyaas 50:27

Qaskar keenik sela. Saqi innah ken usguuda. Baabelon mari bayele. Keenit digaala edde takku wayta wakti yemeeteh» iyye.

Ermiyaas 50:34

Takkay immay ken cattu waytam, inki celemi. Maa celemiiy inteenik, YALLAY Nabaamak Nabahiyya. Keenit tekkeemih adda isih wagtele. Baabelon mara amaan waysiisele'mmay, gersi mara inkih amaanah xiinisele» iyye.

Ermiyaas 51:40

Anaqti innah, ken elle yasguudoonu waan arac ken beeyyo. Wadar innah, ken elle yarciidoonu waan arac ken beeyyo. Illi innah, niyya keenit elle aboonu waan arac ken beeyyo. Tahat yabtam yoo YALLA» 'yaanam iyye.

Ermiyaas 51:57

YALLI iyyemii, «Abbobtih yan mara kee kasloytitiiy, xintoh abbobti kee doolatak saqoltih yan mara kee, agiirah tan qaskaray Baabeloonul tanihiyya askiriseyyo. Woo sikratat aboonu waan xiinik way muugutan. Tahat yabtam yoo Maliki. Anu YALLAY Nabaamak Nabahiyya kinniyo» iyye.

Daaniyel 4:37

Tonna leemiik yoo Nabkadnessar qaraanal yan Malik faylisaah kaa assakaxxeh. Usuk le nabnat yaabah, usuk abba heem inkih cakkik taniimiiy, kay giti cakki gita. Kaxxiina le marak kaxxiina kalu dudda le» 'yaanam iyye.

Qaamus 4:10

«Duma Masrit ruube bala siinit ruube. Labha siinik carbit akah rabta'nnah abeeh, ken raysay baaxot qideenihiyya elle tiffidigen aracal uma'nnah abicte. Qeebi edde abtan faaris qeebi addat akah yabbixen innah abe. Hay, toh ubulla hayteenih yol maaduurinniton.

Zakariyya 14:9

Tohuk lakal YALLI, inkih yan baadal malikih anuk, baaxo xiinisele. YALLAK sah yaqbudeenim ane waytam kulli num aaxigele. Kaak sah tu mayaqbudan.

Malaaki 1:14

Yi sadgatah yaguude nagay yan lac allih, ‹Too lac sadgatah aceeyyo› axcuk, xagana yoh culek sarra, ayma le saq baahaah yoo duquurusam yakkale numul yi abaaro oobele. Addunyâ-malik yooy; baadal tan ummat inkih yok meysitta. Tah intam yoo YALLAY Nabaamak Nabahiyya» iyye.