Ermiyaas 48:11 - NABUWWA KEE MALIKWA

¹¹ YALLI iyyeemih, «Mooyab mari dumah yan saaku amaanah sugeeh, seewah ahaydumah ken orbiseenih masuginnon. Ken tesgeyyem masuginnaay; qibnah innah isinni buxak yewqeenih masuginnon. Tohuk gexxaamah massaamma yubleenih masuginnon.

Ermiyaas 48:11 ပူးပေါင်းရင်းမြစ်များ

Yasaqya 16:6

Mooyab mari kaxxiinah akah yani'nna noobbeeh, oson anaani kee kaxxiinah qubbuy iyya mara kinnoonum naaxigeh immay, ken tirtira foyya.

Yasaqya 24:3

Baaxo inki gexook bayele. Tet bagul yan marat kaxxa buuba akkele. Tahat yabtam YALLA. YALLI iyyem raq mali.

Yasaqya 25:6

YALLAY Nabaamak Nabahiyya addunyâ-bagul enna 'ta ummattah, a Siyon qalel, kaxxa xigla abele. Too xiglah kulsa le maaqo kee qinabak bicsen kamriy kulsa lehiyya bicsele.

Ermiyaas 22:21

Gaddaleelah sugten saaku, anu sin lih yaabeh immay, ‹Ku yab mankacisna› inteenih yoo cinteenih. Qunxaaneey takke yi yab oggolten saaku manton.

Ermiyaas 48:12

Takkay immay qinab kamrih innah, baaxot ken caxu waa mara keenit ruubu waa wakti amaatele. Tahat yabtam yoo YALLA. Luk sugen assamaqiyyi gaba keenik kalele.

Ermiyaas 48:29

Mooyab marih kaxxiina kee fillat-ufuyhayiyyaay qubbuytoh xaagu linoh. Kaxxam isinnit yakkaleenimih xaagu keenik geyneh nan.

Ermiyaas 51:34

Yarusalaam mari iyyeemih, «Baabelon malik nee bayseh saabo nee cabsiise. Magaala suge wayteh innah hee. Nee bayseh, Yarusalaam lee akak fuuqen gacla abe. Gawi sinam elle yanxuqe innal, sinam nee tunxuqe. Isih faxem nek beeh, wohuk raqtem baaxot nek qide.

Naacum 2:10

Nanawe buubeenih! Is baateh, abuuruh raqte! Sinaamak afqado meysih dub inta. Guluuba keenik axaxxah, sinam qande cabteh. Fooci keenik gombod ceela.

Naacum 2:2

Macaay inteenik, YALLI, naqboytit ken buubtak duma, Yuuda kee Israayil mari luk sugen nabna keenih gacsam faxa.

Xafanya 1:12

YALLI kaadu qagseh iyyeemih, «Too ayro gabat faanus hayya heeh Yarusalaam magaala gorriseyyo. Isil kaxxa kibaal le maray isit kaxxam yakkalehiyya digaaleyyo. ‹YALLI abba haamah lem mali. Meqem neh maabaay; umam nel mabaaha› iyya mara digaaleyyo.

Zakariyya 1:15

Ama kaxxa amaan kee wagarih xiina marah kaxxam bagcarriteh an. Keenit akah bagcarritem, anu dago gide inni marat bagcarriteh sugeeh; too saaku yi mara kaxxam biyaaken.