Ermiyaas 47:6 - NABUWWA KEE MALIKWA

⁶ ‹YALLIH seefow, sahdâ-qidimik taadayu waytam maa saakuu? Ahaysa isi sibah uduuray sahdâ-qidim koo xiqay inxic› 'yaanam axcelon.

Ermiyaas 47:6 ပူးပေါင်းရင်းမြစ်များ

2 Samuwel 2:26

Abner Yowabah seeceeh iyyeemih, «A qeebik aade waynay inte inna? Aham ellecabol maqaanet macabta'mmay, ahaysa ku marak yoo makatayinay uduura intam aysuk manannaa? Maabinay yok raaqa. Kee yaalo! Akah nanim inki baaxoh marak» iyye.

1 Aydaad 21:27

Sarra YALLI, malaykattul amri oobiseeh kaak iyyeemih, «Ama gabat tabbixe seef sibat gacis» kaak iyye. Malaykatti toh oggoleh.

Yasaqya 10:15

Takkay immay godma gabat tet le numuk nabiyoh intam bictaa? Miisar tet gabat le numuy duyye teetit yargiqehiyyak maay yayse? Gabâ-caxxi num mayakkuqa; num gabâ-caxxa yakkuqe ikkal.

Yasaqya 10:5

YALLI iyyeemih: «Woyyow, Assuuriyat takku waytaama! Inqibe mara edde digaalu waa caxxih aftoh Assuuriya liyo. Yi bagcarra, gabat le caxxa keenik tan.

Ermiyaas 12:12

Baaxo inkitanuuk bayisu waa mara ruubeyyo. Carbi keenit abu waa mara keenit ruubeyyo. Sinam buubu waa mari, gitah bakarroytah tan fayya le aroocaak gacak, wararah keenit amaatelon. Ahaysa amaan mageyan.

Ermiyaas 12:4

Baaxo nek qabaarah kafte. Toobokeh sugte qayso kaffa karacca 'te. Lac yembexeeh, qaraanal haada haadaytih agantah tembexeh. Toh akah tekkem, tet addal yan mari aba uma-taama. Oson kaadu ‹Yalli nanu abnam mayabla› 'yaanam afak iyyan. Ta mara hay, ma waqdi digaaletto?» 'yaanam exce.

Ermiyaas 15:3

Yoo YALLI ta affaraamay ken bayissu waytahiyya keenil ruubu waamal gaba kaleh an. Carbit rabeloonuuh, ginaada keenik kuuta hirriigiseleeh, qambil gadda akkele. Wohuk raqtem garboh alluwwa akmele.

Ermiyaas 25:27

Sarrak YALLI yok iyyeemih, too marak intaamah, «YALLAY Nabaamak Nabah, Israayil doore Dagelta kinnihiyya, ‹Tama kamrik baqqa hayteenih edde iskirraay allittaay, sarra akak ugute waytan niksoh innikissa intaanam fanah sin afqeyyo. Toh akah axcem, anu siinit ruubu waa maray seefit sin selu waahiyyah ceelallo› 'yaanam siinik iyya» keenik inxic.

Ermiyaas 4:21

Qeebi kee baantah anay ma wakti fan aabbu waah an?

Ermiyaas 48:10

YALLI aba iyyem baguuk abe waa num abbarsimay. Seef siibe waah qide waa num, Yallih abaaro guftay.

Ermiyaas 50:35

YALLI kaadu qagseh iyyemii, «Baabelon-baaxoh-mara kee Baabelon-magaalah-marat qeebi aba! Ken doolatih abbobti kee oson kasloytiitih lon mara qida!

Yacedkel 14:17

«Hinnay kaadu, too baaxol carbi ruubeh, saq kee ummat akah tambaxe innah, kullim duufut beya silac ruube yoo tekkek, too saaku

Yacedkel 21:30

Seef le sibah gacisa. Elle tooboken baaxol siinil ackumeyyo.

Zakariyya 13:7

YALLAY Nabaamak Nabahiyya iyyeemih, «Seefow, ama illi loynay yoh taamitahiyyat rad. Seefow, kaa qid; illi fixixele. Qunxa illit qeebi abeyyo.

Makaabon 7:20

Aki namma butta kaadu too oson abeenim abte. Sarrak yakkeenimiik guri gabat ifoyta heeniih migdi gabat baanta luk, anay fayya haak, «Ah YALLA kee Gidqoon seefi!» iyyen.