Ermiyaas 47:4 - NABUWWA KEE MALIKWA

⁴ Macaay inteenik, Filistiin baaxo edde baatu wayta wakti xayih; Suur kee Sayda magaalal yan marih catoh amaate raare mara edde baysoonu waan wakti xayih. YALLI Filistiin mara edde baysam faxa wakti xayih. Too maray duma baddi afak Kireet deqsita aracak yemeetehiyya baysam faxa.

Ermiyaas 47:4 ပူးပေါင်းရင်းမြစ်များ

1 Aydaad 1:12

Fatrus kee Filistiin mari akak rade Kasluc kee Kaftor deqsitak yen.

Yasaqya 10:3

Hay, Yalli sin digaalu waa saaku macaa abetton? Yalli xer baaxok temeete bala siinil oobisek, maca abetton? Catoh iyya fan ardetton? Teddereenim anket aaquretton?

Yasaqya 14:31

Gasoosa maroh edde tan magaalooliy, boogisaay cato esserita! Filistiin maraw, takkeenimiik meysita. Kilbat le kabuk qamburre celta siisah innah tanim tamaate. Tohum, qaskaray bexxi addat akak ane waa.

Yasaqya 20:6

Too saaku Filistiin baaxoh badih dariifal yan mari iyyu waamah, ‹Assuuriyah malikik nee cateloonu inneh kibaal elle hayneh sugne marat tekkem wagitay. Hay, tahaysa anke kudnah nan!› axcelon» iyye.

Yasaqya 31:8

«Assuuriyah mari seefit ambaxele'mmay, toh sahdayti bicse seef hinna. Ken mari too seefik kudele. Ken furrayna naqoosay dirkih tamsiisaana akkele.

Ermiyaas 46:10

Immay ta ayro, YALLAY Dagelta kinnih Nabaamak Nabahiyyah ayro kinni. Ta ayro YALLI cane edde gacisa ayro. Ta ayro YALLI isi naqboyta edde digaala ayro. Kay seef saabo cabba haanam fanah ken selele. Ken qabalak cayya 'yam fanah ken selele. Macaay inteenik, YALLAY Dagelta kinnih Nabaamak Nabahiyya, kilbatak Fuurat weeqaytih xaqul tan baaxol sadgatah ken qidele.

Yacedkel 21:25

«Uma-taama kee nadaasat baye Israayil abbaw, ellecabol digaala kot edde takku wayta wakti xayyooweh.

Yacedkel 21:29

Tableenim deedala wacyi. Akkele intaanam diraaba ikkal takkem hinna. Umeynit kinniton; uma taama sinimi. Ellecabo digaala siinit takkuh, kabba 'teh tan. Filla siinik edde yargiqoonu waan seef yan.

Yacedkel 25:16

Tonna-leemiik Filistiin marat qeebi abeyyooh ken bayseyyo. Filistiin booxal raqqa iyyu waa mara suge weeh innah heeyyo.

Yacedkel 30:8

Masri magaaloolit gira ruubu waah, is dacayrih luk sugte qaskar selu waa saaku, YALLA kinniyom yok aaxigelon.

Yacedkel 7:12

Wakti amah kaana; xayyooweh. Yi digaala kulli numul tamaatu waytaamih sabbatah, xaama num edde yafriceeh, yaylamme num edde qaada uddur akke waytam taaxigeenimi.

Hosiqa 9:7

«Digaala siinit edde takku wayta uddur xayyooweh. Too saaku siinih taguude digaala siinit akkele. Sin garil nabi duquruuy; Yallih wacyi elle oobe num cissit ane waa numuh tablen. Kaxxa dambit asseenimih sabbatah, nabi kaxxam niqibton.

Qaamus 9:7

YALLI iyyemii, «Israayil ummatey, isin Kuus marih bis yol maay aalle waytan? Sin Masri baaxok akah eyyeeqe innah, Filistiin mara Kireet rasuk eyyeeqeeh, Suuriyah mara kaadu Kiir rasuk eyyeeqe.

Yoosuwa 22:30

Oson too yaabak gaba kalen waqdi, Sek Fincas kee kaa'lih temeete kedoh abbobti Ruuben kee Gaad kee Manassek ayrô-mawqat raqta exxa edde yabte yab yoobbeenih, ken yaabat haanam magennon.