Ermiyaas 47:3 - NABUWWA KEE MALIKWA

³ Faarisiy yardehiyyak ibi xongolo antaabbele. Faaris-gaariiray xoxobak tamaatek radda xongolo aabbelon. Gaariirah ibih xongolo sinaamal radele. Abbobti xaylo makassaay, baxi abbak, ‹Yi abbaw yoo cat› iyyaamah, abba abeh yan wariggah gurmuddi'nnah soolak raaqele.

Ermiyaas 47:3 ပူးပေါင်းရင်းမြစ်များ

Yasaqya 5:28

Gayse kee gaysê-xaylo qeebi edde aboonuh bical tan. Gaysê-xaylo keenik af le. Ken faariisih ibitte gibdah qado-xeetih inna le. Ken faariisa beyta gaariira qaana fuluk haak tamaate.

Ermiyaas 50:42

Tikyah macaxu kee gaysê-baxa loonuuh; racmatta kee xuwaawah loonum malon. Faarisit gacca 'yeenih gexan way, haffo baaha badih xaw lon. Baabelon maraw, siinit qeebi abaana'gidih, roorul gacca 'yeenih yamaaten.

Ermiyaas 8:16

Neh qeebih yamaate mari Daan deqsitta magaala gufeh yan. Ken faaris abah yan xongolo nel radda. Oson edde yanin faaris abah yan xongoloh, inkih tan baaxo axaxittah tan. A mari akah yamaatem, ni baaxo kee tet addal enna 'tam baysa'gidiiy ni magaala kee tet addal yan mara sela'gidi» 'yaanam iyyan.

Yacedkel 23:24

Too mari mango silac kee faras-gaariiraay, awurut beyan gaariira kee mango qaskarak foocat gacca 'yeenih, kilbat le kabuk amaatelon. Gob kee amot haan birta luk marot koo heelon. Anu kaadu ken gabal koo heeyyo. Too waqdi too mari, ken madqa elle inta'nnal, kol ackumelon.

Naacum 2:4

Faaris-gaariira gititteh addal tardeeh, magaalak booxa le aroocal wonnak annah yarden. Ifoyti'nnah uraanaah, cankaxi innah bixiq iyyan.

Naacum 2:8

Yiddigille dorak caxitte leeh innah, ummat Nanawê-magaalak gexxa. «Ummatey, mardina» keenik iyyaanamah, moggolaanay bisoh kudan.

Makaabon 5:22

Tohuk lakal faariisa xoxobak temeete. Woo faariisah ibitteek radda xongolo kakkaqô xaw telle.