Ermiyaas 46:2 - NABUWWA KEE MALIKWA

² Yoosiyaahû-Yahoyaakim Yuudâ-malik edde yekke fereyhaytô sanat, Furaat weeqaytih xaqul Karkamis deqsita aracal, Baabelon-malikiy Nabkadnessar deqsitahiyya, Masri-malikiy migaaqah Nako deqsitahiyya le qaskarat qeebi abeeh, qeebil keenik yeyse. Too saaku YALLI, Masri giddinaamak Ermiyaasak iyyeh sugem ah teeti:

Ermiyaas 46:2 ပူးပေါင်းရင်းမြစ်များ

2 Malikwa 18:21

Masri mari yemeeteh koo catelem takkale'mmay, toh bayreyta gabah caxxah haanamih bis le. Bayreyti gabâ-caxxa mayakka; yaddigilleeh, gaba kok qanxiseh caba. Kibaal kaal heenik, Masri-malik toh elle yan'inna› kaak inxica» keenik iyye.

2 Malikwa 23:29

Ayrok teena Masri malikiy migaaqah Nako deqsitak yenehiyya, Assuuriyah-malikih catoh, qaskar Fuurat-weeqaytu fanah ruube. Yoosiyaahu toh yuble waqdi, Magiddo deqsita aracal ken yayseede'gidih, keenih matre. Sarrak too qeebit edde rabe.

2 Malikwa 23:33

Nako deqsita Masri-malik xabba kaa heeh seewah kaa bee saaku, kay reeda gaba kalte. Malik-Nako Ribla deqsitta magaalay Camat-rasul geytintahiyyal casbit kaa hee. Nako Yuudâ-marak sidiica alfi kee affara boolih kiilo qado lakqok beeh, soddom kee affara kiilo dahabak gabbarah ken mekelsiise.

2 Malikwa 24:7

Baabelon-malik, kaak dumal Masri-milkih gubat ten baaxok, Fuurat-weeqaytuk xabba haanamaay Masri cuduudul yan daqaarih amma 'yaanam takke baaxo yibbixeeh; tohih sabbatah Masri malik kee kay qaskar Masrik gaaduh magexinnon.

Yasaqya 10:9

Kalnu kee Karkamis magaalah marak carbil eyseh. Tonnah kaadu Camat kee Arfad magaalah marak carbil eyseh. Samaariya kee Damaskoh magaalah marak kaadu eyseh.

Yasaqya 19:1

Masri giddinaamak ruuben farmo ah teeti. YALLI qamburreh addat sissikuk Masri fan yamaate. Masri addal yalla 'yeenih aqbuduk sugen coox kee xeetik bicsen duyyeeya kay foocal axaxitele. Masri marak niya addigillele.

Yasaqya 19:19

Too ayro, Masri rasuk gudet, YALLAY Nabaamak Nabahiyyah sadgat elle aban arac heelon. Masri cuduudul kaadu xeetik bicsen qamidduy kaa elle kassitaanahiyya heelon.

Ermiyaas 25:1

Yoosiyaahû-Yahoyaakim malik edde yekke fereyhaytô sanatat Yuudâ-marih giddinaamak YALLIH qangara Ermiyaasal obte. Toh kaadu Nabkadnessar deqsita malik Baabelon malik edde yekke sanatak ten.

Ermiyaas 25:19

Too marak kalah kaadu, a kobbaayat taniimik efqe mari yan. Tohumuu, Masri malik kee kay gubal tan doolat abbobti kee makaabonuuy, Masri mara kee

Ermiyaas 25:9

kilbatak sinam baaheyyooh, Baabelon malikiy migaaqah Nabkadnessar deqsitaah yi naqasuh yanihiyya siinit ruubeyyo. Ta mara bahha heeh, a baaxo kee a baaxol yan mara kee dariifal yan marat inkih ruubeyyo. Keenit tekkem yabalu waa mari hagga axcele. Buruten maray baaxot qideenihiyya ken abeyyo. Sarrah akak ugute waan baatih ken bayseyyo. Tahat yabtam yoo YALLA› iyye.

Ermiyaas 36:1

Yoosiyaahû-Yahoyaakim Yuudâ-malik edde yekke fereyhaytô sanatat, Ermiyaasal YALLIH qangara obteeh; kaak iyyemii,

Ermiyaas 43:11

Masrit qeebi abeleeh, qeebil teetik aysele. Dalkah rabu waa mari keenik dalkah rabeleeh, seewah keenik beyoonu waan mari seewah gexele. Qeebit rabu waa mari keenik qeebit rabele.

Ermiyaas 45:1

Yoosiyaahû-Yahoyaakim Yuudâ-malik edde yekke fereyhaytô sanatat, Neeriyyâ-Baaruk, nabi Ermiyaas kaah warissa hee yab yuktube. Too warkat yuktubek sa, Ermiyaas kaak iyyeemih, «YALLAY Israayil doore Dagelta kinnihiyya kok iyyaamah,

Ermiyaas 46:14

«Malik Nabkadnessar yamaatem Masri marah warisa. Migdol kee Moof kee Tacfanhis magaaloolil yan mara iysixxiga. Keenik intaanamah: ‹Sin xaqul yan mara edde selan seef sin kaadu macaba'mmay edde koysittoonu duddeenik, bical gaca› keenik inxica.