Ermiyaas 44:7 - NABUWWA KEE MALIKWA

⁷ «Qagissah keenik intaamah, ‹Tonna'mmay a saaku kaadu yoo YALLAAY, Nabaamak Naba Dageltay Israayil doore kinnuk, siinik axceemih: Isin bala isinnil oobissaanam akah faxxaanam macaay? Labhaay agabuuy urru kee qunxa-urruy away yoobokehiyyak tu akah raaqe wayta'nnah, ummat finqah gexxam akah faxxaanam macaay?

Ermiyaas 44:7 ပူးပေါင်းရင်းမြစ်များ

Ermiyaas 25:6

‹Yallak sa tu maqbudina. Isinni gabak bicissen duyye maqbudinaay, Yallih naqabu isinnil moobisina. YALLI aba siinik iyyem abteenik, Yallih digaalak cattiimetton› siinik iyyen.

Ermiyaas 25:7

«YALLI, ‹Yi yab cinteeniih, duyye qibaadat gacteenimih sabbatah, yi bagcarra sin maadde; yi naqabu isinnih isinnil oobissen› 'yaanam siinik iyye» keenik iyye.

Ermiyaas 26:19

Malik Ciskiyyaahu kee Yuudâ-mari, Miika toh iyyeemih kaa maqidinnon. Malik Ciskiyyaahu YALLAK meysita numuk teneeh, a magaala YALLI bayse waa'gidih YALLA kallace. Too waqdi YALLI kaadu keenil oobise raare bala keenik raaqiseh. Taway nanu kaadu too malikik kaxxih, kaa qide waynaama. Kaa qidnek, umaane ninnih ninnil bahnem deqsitele. Tonna-leemik ta num cabnaama» iyyen.

Ermiyaas 3:24

Duyyey naqbudehiyya qaybik sah neh xiqtam mali. Too qibaaday abnehiyyah sabbatah, ni kaxxa abbobti nagrah neh cabte midir nek yembexeh. Ninni xaylo wayneh. Ni kaxxa abbobti dumî-dabaanaak akah taqabba 'tem inkih wayneh.

Ermiyaas 38:17

Toh yoobbe waqdi, Ermiyaas kaak iyyeemih, «YALLAY, Nabaamak Naba Dageltay Israayil doore kinnuk, kok iyyem ah teeti. ‹Baabelon-qaskarih-abbobtil gaba teceek, rooci kok cattiimeleeh, a magaala kaadu girak cattiimele. Koo kee ku buxah marak inkih rooci cattiimele.

Ermiyaas 42:20

Ta yab cintaanamak gactam sin matabbixa. ‹YALLAY ni Dageltah yani neh kallacaay dooqa neh ab. Tahaysa YALLI nek aba axcinnaanim abenno› 'yaanam isinnih yok inten.

Ermiyaas 44:14

Yuudâ-maray Masri fan gexehiyyak num raaqe'kal inkih ambaxelon. Yuudâ-rasuy madaarah akah maxhaxak sugeenihiyya ahaysa num keenik mayaduura. Dago maray meysih kudek sah, isi baaxo num siinik mayaduura› 'yaanam keenik inxic» iyye.

Ermiyaas 44:8

Ama Masri rasuy elle taniinihiyyal, gabak bicissen duyye akah taqbudeeniih, sadgat too duyyeh migaaqal akah abtaanam macaay?› keenik inxicey. ‹Ta duyyeh abtan sadgatat, isinni nabsi akah bayissaanaah, ilaaqaanaah ces akak iyyan mara akah takkeenim macaay?› keenik inxicey.

Ermiyaas 51:22

Agabu kee labha edde qidsiisak sugem, sin gabaay; qunxa mara kee kaxxa mara edde qidsiisak sugem, sin gaba. Lab-urru kee say-urru kaadu edde qidsiisak sugem, sin gaba.

Ermiyaas 7:19

Nummah umam elle baahaanam, isinni nabsi'kkal, yoo hinna. Tahamat wacarriyelon» yok iyye.

Ermiyaas 9:21

Macaay inteenik, rabi qarik xoggaak buxah adda nek culeh yaniih, maroh gasoosa edde nabbixe magaaloolih adda culeh yaniih, urru gitittel nek raaqisah yan. Furrayna qadaagah aroocal nek raaqisah yan» iyye.

Yacedkel 33:11

‹Waara YALLAY Mulki lehiyya kinniyooh, inni migaaqal xiibita'mmay, uma taama le num isi uma taamah rabam kaak mafaxa. Woo uma taama cabba heeh mano kaak faxa. Israayil-xayloy, uma taama cabaay, manok raba madooritina› keenik inxic» iyye.

Yacedkel 9:6

Idoola takku, furrayna takku, baxuw takku, inonti kee xaylo takku, tu macabinay sela. Takkay immay qansal asta le mara maxagina. Taway yi Qibaadah-Qarik foocal yan marak qimbisaay sela» iyye. Too mari qidim Qibaadâ-Qarik foocal suge makaabonuk qimbisen.

Cabakkuk 2:10

Abba haak sugten umaane, sin kee sin buxah marah qaybi xalele. Mango baaxo bayisseenih, finqa siinih xalele.

Yoosuwa 6:21

Magaalah addal suggu 'ye marak lab mara takkuu, say mara takku urru takku idoola takku inkih seefit qiden. Toh lih kaadu laay illi kee danoona qideenih.

Makaabon 21:11

Lab-mara inkih qida. Bikirit tan baxuwwak kalih agabuk tu macabinay sela» keenik iyyen.

1 Samuwel 15:3

gexay qeebit ken ibbixaay, elli haanam keenik bayis. Labha kee agabuuy, urru kee salaadah yan qunxa urru inkih sella keenik hay. Laa kee illiiy, gaala kee danoonak tu macabinay keenik qid› kok iyya» kaak iyye.

1 Samuwel 22:19

Tohuk lakal Saawul, «Noob-magaalay seeka dabaaqah elle sugtehiyyal sugte labha kee agabuuy salaadaay qunxa urruuy laay illi kee danoonak tu macabinay inkih qida» iyyeh amri yecee. Tohim inkih qiden.