Ermiyaas 43:12 - NABUWWA KEE MALIKWA

¹² Masri mari yallah le duyye elle yaqbuden qarwat gira ruubele. Yallah lon duyyey gabak bicseenihiyyak garabat gira ruubeleeh, garab kaadu dannabah keenik beele. Saqat duwah yan num xagaral le raraytok inkaaqe elle yafiile'nnal, Masril sugga 'tem inkih ifiilla heeh isi baaxo beele. Takkay immay xagar num kaak maxagaay, amaanah awqele.

Ermiyaas 43:12 ပူးပေါင်းရင်းမြစ်များ

2 Samuwel 5:21

Filistiin-mari kude waqdi, Yallih aftok aqbuduk sugen duyye elle cabeenih kuden. Sarra too duyye Dawud mari gabat luk gexen.

Aster 6:9

Sarrak ku xintoh muddaqiyittek kaxxa numuk woo sartan kaat hayyaay, farasat kaa hayya hayteh farasak foocat gacca 'xicay, ‹Malik isih faxe numuh saraf lem elle aba'nna ubula› axcuk, magaalak gudel sahdah warisak gex iyyaanam inxic» iyye.

Yasaqya 19:1

Masri giddinaamak ruuben farmo ah teeti. YALLI qamburreh addat sissikuk Masri fan yamaate. Masri addal yalla 'yeenih aqbuduk sugen coox kee xeetik bicsen duyyeeya kay foocal axaxitele. Masri marak niya addigillele.

Yasaqya 21:9

Away ken ableh anih: faras amot yan maray kulli num nammayhaytô faras gabat lehiyya yamaateh yan. Too waqdi, ‹Baabelon baateh! Oson yalla axcuk aqbuduk sugen duyye baateeh, riira tekkeeh baaxô-bagul qangalaylut tan› 'yaanam iyyen» iyye.

Yasaqya 46:1

Beel kee Naboy, Baabelon mari yalla axcuk yaqbudehiyya bokokteeh, raddeh tan. Ken ceelo a saaku quukah merrayti illel beyan. Merraytuy isih yeclehiyyal quuka yekken.

Yasaqya 46:2

Oson yalla akak iyyan duyye, is cattaah is wadda duyye hinna. Quukah merraytul hayya heeniih dannabah ken been.

Yasaqya 49:18

Dariifa isinnik wagga haay takkem ubulay! Xaylo siinik elle sugte baaxok taduurem matablaana? Inni migaaqay waarahiyyal xiibitaah, sin xaylo bilqa siinih akkeleeh, qaxah bilqitte qibnah innah gacetton.

Yasaqya 52:1

Siyon maraw, uguta! Isinni qande kee nabna haysita. Yallih maray *taahirik yani kinnitoonuk, meqe sartanat gaca. Ahak wadir diini-maleela kee nadaasa-leela sin gasoh afak maculta.

Yasaqya 59:17

YALLI, qadaalat alil-dacayrî-birtih innah sarteeh, wadu birti-kalabtah innah haysiteeh, canê-gacsa sartan innah sarteeh, bagcarra raraytoh innah haysite.

Yasaqya 61:10

Yi rufto akak tanim YALLAAY; yi Dagelta aaxaguk kaxxam tassa axce. Macaay inteenik, qarus kee qibna digib sartanat akah bilqitte'nnal, YALLI wadu-kee-qadaalat sartanat yot hee.

Yasaqya 61:5

Allak yemeete mari siinih taamitele. Lac siinih dacriseloonuuh, buqre siinih abqureloonuuh, qinab elle yooboke baaxo siinih xagurelon.

Ermiyaas 10:11

Too duyye yaqbude marak intaanamah, «Isin taqbuden duyye qaran kee baaxo magininna. Tonna immay isih bayak maaciseleeh, baaxo bagul maraagta» keenik inxica.

Ermiyaas 25:19

Too marak kalah kaadu, a kobbaayat taniimik efqe mari yan. Tohumuu, Masri malik kee kay gubal tan doolat abbobti kee makaabonuuy, Masri mara kee

Ermiyaas 43:13

Taahirik yan xaay xeerihiyyay Helyobbolis deqsitta magaalal yanihiyya bayseleeh, Masri mari yallah le duyye elle yaqbuden qarwa carriselon› keenik inxic» 'yaanam kaak iyye.

Ermiyaas 46:25

YALLI kaadu iyyeemih, «Yoo YALLAY Nabaamak Nabah, Israayil doore Dagelta kinnihiyya axcemii: Amon deqsittaamay yalla akak iyyaanaah Teebes deqsita aracal yaqbudeenihiyya digaaleyyo. Masri mara kee Masri mari yallah le duyye digaaleyyo. Masri malik kee kaal yaamine mara beyya heeh,

Ermiyaas 48:7

Mooyab maraw, isinni taama kee gaddaliinot kaxxam tekkeleeni'mmay, a saaku wohim siinih xiqtam maliiy; qeebil gacetton. Kamos akak intaanamay yallah litoonuhiyya kee, kay seeka kee kay makaabon inkih seewah orbiselon.

Ermiyaas 49:27

Damaskoh gasot gira ruubeyyo. Malik Banihadad buxa carriseyyo. Tahat yabtam yoo Nabaamak Naba YALLA» iyye.

Ermiyaas 50:2

«Xaagu ummatah inkih warisa: ‹Baabelon qeebit yibbixeenih› inxica. Tah elle yaaxigoonu waan asta uybulluya! Xaaguk tu macabinay ummatah warisa. ‹Baabelon-mari yallah leemiy Marduk migaq akah abaanahiyya luk sugte qande bayteh tan. Oson yallah loonum qaybit radde. Qibaadah bicsen tasaawiriy umâ-yabulih yanihiyyal qaybih tanim baahen› keenik inxica.

Ermiyaas 51:44

Yalli iyyemii: «Baabelon mari yallah le Beel deqsitta duyye bayseyyo. Yunxuqem alliyoh kaak gacseyyo. Tohuk wadir ummat kaa aqbuduk maraqta. Baabelon gasoosa addigillele.

Yacedkel 29:11

Num sinniih lac sinni abuuruh cabeyyo. Morootom sanatah lac elle wessa m'iyya; sahdayti elle mayangayya.

Yacedkel 29:19

Tonna-kinnuk, taway yoo YALLAY Mulki lehiyya axceemih, Masri baaxo Malik Nabkadnessarah aceeyyo. Masri baaxol sugga 'te duyye buubbaay radda heeh beeleeh, tokkel isi qaskarih cawal agdiyele.

Yacedkel 30:13

YALLAY Mulki lehiyya iyyeemih, «Moof deqsitta magaalal tan gabat bicsen duyyey yaqbudeenihiyya kee, yalla axcuk elle yaaminem keenik bayseyyo. Masri ahaysa abba mageya. Inkih yan rasut cunxo ruubeyyo.

Daaniyel 11:8

Oson yalla 'yeenih yaqbuden duyyeey birtak bicsen ceeloola kee, dahab kee lakqok bicsen duyye Masri fan dannabah beele. Tohuk lakal dago sanootah Suuriyah malikit qeebi maaba.

Xafanya 2:11

YALLI akak cunxitan umaane keenil ruubele. Addunyal yan mari yallah le duyyeeya foyya keenik abele. Too waqdi kulli mari, elle aninnaan baaxol, YALLA aqbudele» iyye.