Ermiyaas 43:10 - NABUWWA KEE MALIKWA

¹⁰ Too waqdi keenik intaamah, ‹YALLAY Nabaamak Nabah, Israayil doore Dagelta kinnihiyya iyyamaa: Baabelon-malikiy yi taama abahiyya tama baaxo fan baaheyyo siinik iyya› keenik inxic. ‹Baabelon-malik, anu away dageeh, xeet addat akak ubkune aracal isi korsi haysiteleeh, kay siraq tama'kkel gacele.

Ermiyaas 43:10 ပူးပေါင်းရင်းမြစ်များ

1 Malikwa 20:12

Banihadad kee woo catoh kaah yemeeteh suge baaxoh abbobtih yen mari inkih, malik lih sirooqah addat maqabat yanin waqdi, farmô-mari Acab ruube farmo kaah warsen. Too waqdi Banihadad isi marak «Ugutay magaalâ-qeebih bical gaca» iyye. Too mari too waqdi ugteeh; qeebih bical gacen.

1 Malikwa 20:16

Acab kee kay macaxu carra qeebih temeete waqdi, Banihadad kee kay catoh temeete soddom kee nammay takke baaxoh abbobti isi sirooqah addat tiskireh keenih sugte.

Yasaqya 44:28

Kooris deqsita numih giddinaamak, ‹Usuk yi aftok baaxo xiinisele› 'yaanam axce. ‹Anu aba kaak axcem abele. Yarusalaam magaala nammayhaak akah xissinta innah amri aceele. Yallih Qibaadah-Qarih-rakiibo xisele› 'yaanam axce» iyye.

Yasaqya 45:1

YALLI, Kooris malik yakke'gidih doore. Ummattak qeebil yayse num yakke'gidih, kaa doore. Amoytittek tikiya kala'gidih, kaa ruube. YALLI, magaalah afoofi kaah fakeleeh, alifut tan afa kaah masugta.

Ermiyaas 1:15

Macaay intek, kiblat le kabut raqta doolatwah seeco abeh aniih; too doolatwah amoytit a baaxo amaatele. Yarusalaam magaalak culmeynal dardaarelon. Yarusalaam magaalat maroh tan gasoosah dariifa kee Yuudâ-magaaloolit inkih qeebi abelon› 'yaanam yok iyye.

Ermiyaas 43:9

«Gexay kaxxa xeet bahha haay, malik qarih culmah afal dagga hayte aracat ubkun. Toh abta way Yuudâ-mari koo elle yable'kkel ab.

Ermiyaas 46:13

Baabelon-malik Masrit qeebi aba'gidih yemeete saaku, YALLIH qangara Ermiyaasal obteeh; kaak iyyemii,

Ermiyaas 49:38

Qeelamal yan ken malik kee makaabon qidda heeh, inni dardaarinnih korsi elle daabiseyyo.

Yacedkel 5:12

Ummatak sidochaytoh af siinik qulul kee dalkah magaalak addal ambaxele. Aki sidooca af kaadu magaalak afal seefit selelon. Raaqe sidooca af kaadu affara kaalibil caacayat ruubeyyo. Sarrak innih seef luk ken ayraddeyyo. Tahat yabtam yoo YALLAY Mulki lehiyya.

Daaniyel 2:21

Kulli wakti tamlikem kaa; malik abtaah kaltam Yalla. Kas le marah kas taceem kaa; numuh ixxiga taceem kaa.