Ermiyaas 42:4 - NABUWWA KEE MALIKWA

⁴ Ermiyaas keenil gacsemii, «Inteenim oobbeeh, akah inten innah, YALLAY ni Dageltah yani siinih kallaceyyooh, YALLI iyyem siinih warseyyo. Tu siinik maaqura» keenik iyye.

Ermiyaas 42:4 ပူးပေါင်းရင်းမြစ်များ

Ermiyaas 23:28

Soono yuble num, ‹Anu wonnah tan soono uble›, axcuk, yuble soonot yaabek faxeemi'mmay, ‹Yallih wacyi yol oobe› axce waama. Wonna hinna'mmay, nummah yok kaal obte farmo tekkek, qaduk keenih warsaamaay nummat ken lih yaabaama. Caffa kee daro inkim hinna. Tahat yabtam yoo YALLA.

Ermiyaas 23:35

Anu excem yaaxigem faxa num yenek, isi kataysa kee isi ramad essera waqdi, ‹YALLI kaa essereenimik maca iyyeh? YALLI wohul maca gacse?› 'yaanam iyyoonay.

Ermiyaas 26:2

YALLIH qangara yol obteeh yok iyyeemih, «YALLIH Qibaadah-Qarih daaratal solla inxicaay Yuudâ-magaaloolik qibaadah tokke yamaate mara lih yab. Anu taway kok inxicca axceemik tu macabinay qangara qangarah keenih waris.

Yacedkel 2:7

Yab yaabbe mara hinnoonu'mmay, kok cinee kee oggole yakkoonay inxicaay, anu waris axcem keenih waris.

1 Samuwel 12:23

Yoh tu gactek, kulli way dooqa siinih abeyyo. Dooqa siinih abe waam YALLAL dambi baaheemik loowinta. Tonnah kaadu abeh meqem kee gitah tanim sin barseyyo.