Ermiyaas 42:20 - NABUWWA KEE MALIKWA

²⁰ Ta yab cintaanamak gactam sin matabbixa. ‹YALLAY ni Dageltah yani neh kallacaay dooqa neh ab. Tahaysa YALLI nek aba axcinnaanim abenno› 'yaanam isinnih yok inten.

Ermiyaas 42:20 ပူးပေါင်းရင်းမြစ်များ

Ermiyaas 17:10

Takkay immay sahdayti-afqadot tanim taaxigem, yoo YALLA. Sahdayti afqado tacsubeemik magarcita. Kulli numul le qamalih innal mekla; kulli numuk abto elle tan innal kaal mekla» iyye.

Ermiyaas 3:10

Toh abak suggu 'yeenik lakal, Yuudâ-mari yol yaduurem ceele'mmay, woh nummâ-madaarak masuginna. Tah intam yoo YALLA› 'yaanam siinik iyye» keenik iyye.

Ermiyaas 37:3

Malik yekke Xidkiya YALLIH yaabay Ermiyaas kaah warsehiyya cineh immay sarra farmo kaah ruube. Farmo elle ruubem, Selemyâ-Yahukal kee sek Xafanya deqsita seekiy abba akak Maqseyaahu deqsitak yenehiyyak ten. Farmoh keenik iyyemii, «Gexay nabi Ermiyaasak, ‹YALLAY ni Dageltah yani neh kallacaay dooqa neh ab› kaak inxica» iyye.

Ermiyaas 38:14

Ayrok teena malik Xidkiya YALLIH Qibaadah-Qari akak culan afak sidochaytoh afa fan kaa bahsiise. Tokkel kaak iyyeemih, «Koo esseram faxam liyok, nummat yo'lih yaabe mantuu?» kaak iyye.

Ermiyaas 42:2

nabi Ermiyaasal yemeeteeniih, kaak iyyeenimih, «Ku maganak rabe marak saaboh raaqe mara kinninooh; YALLAY ni Dageltah yani neh kallacta'gidih nemeetek; nek oggolaay macinin. Duma manguk sugne'mmay a saaku dago mari nek raaqeh yanik, raaqe marah dooqa neh ab.

Ermiyaas 42:5

Oson too waqdi kaak iyyeenimih, «YALLAY ni Dageltah yanihiyyak kol oobu waa yaabay neh warissu waytahiyya kok cinna haynek, YALLI isih sumaq nel yakkay.

Ermiyaas 43:2

Too waqdi Hosaqyâ-Qadarya kee Kareyyác-Yocanan kee, wohuk kalah tan labhay anaani luk tenehiyya kaak inteemih, «Away atu edde yabtam diraaba'kkal, YALLAY ni Dageltah yani kok inxicca iyyem hinna. YALLI, ‹Masri fan magexinaay dabaaqah wokkel magacina› 'yaanam nek m'iyya.

Yacedkel 33:31

Yi mari atu keenik intaamih ankacsah kol kobxan; elle daffeyan. Takkay immay atu aba keenik intam maaban. Atu edde yabta yab kicnoonum ceelan. Takkay immay lon inti-xeera macaban.