Ermiyaas 40:15 - NABUWWA KEE MALIKWA

¹⁵ Sarrak Yocanan dibuk tani'kke garayah Gedalya beyya heeh, kaak iyyeemih, «Ismaaqil elle aninnaan ikke gexxa exceh num aaxige'kal kaa qideh cabam faxa. Annal koo qiday kaa m'inna. Koo qiday inneh kaa cabnek, Yuudâ-marih-saaboy ku xaqul gaabowtehiyya fixixih raaqeleeh, rabi ken edde abbixelem taaxigeemi» kaak iyye.

Ermiyaas 40:15 ပူးပေါင်းရင်းမြစ်များ

2 Samuwel 18:3

Osonuuy, «Atu ne'lih gexxam mafaxxinta. Nanu inkih wadir naduureh, nek garab raba way, naqboytiitil tu hinna. Koh tu gactekiiy, nek tabna alfih numih gide kot taniimih sabbatah, atu a magaalal elle raqteh, ama'kkek cato neh rubtam tayse» kaak iyye.

2 Samuwel 21:17

Takkay immay Xaruyá-Abiisay Dawud catoh yemeeteeh, taaxige masu naba numut atka abeeh edde kaa qide. Tahak wadir Dawuduk, «Qeebih ne'lih gexe waytaamah neh xiibit» iyyeeniih kaa xibsiisen. Sarrak kaak iyyeenimih, «Kibaal elle linom, kooy; koo waynam mafanxak, gaaduh genxa waqdi buxal elle raq» kaak iyyen.

Ermiyaas 40:8

Too waqdi Natanyáh-Ismaaqil kee, Kareyyac-xayloh nammayay migaaqah Yocanan kee Yonaatan deqsitahiyyaay, Tancumét-Seraaya kee, Natoofâ-rasul yooboke Qefay deqsita numih xaylo kee, Maqkâ-rasul yooboke Yaadanya deqsita num, wakalih isinni mara hayya heenih Gedalya fan yemeeten. Gedalya too saaku Mixfa deqsita aracal yeneeh; tokke kaal yemeeten.

Ermiyaas 42:2

nabi Ermiyaasal yemeeteeniih, kaak iyyeenimih, «Ku maganak rabe marak saaboh raaqe mara kinninooh; YALLAY ni Dageltah yani neh kallacta'gidih nemeetek; nek oggolaay macinin. Duma manguk sugne'mmay a saaku dago mari nek raaqeh yanik, raaqe marah dooqa neh ab.

1 Samuwel 24:4

Too waqdi Dawud mari iyyeemih, «Ta ayro YALLI, ‹Faxxem akak abittuh, ku naqaboyta ku gabal heeyyo› 'yaanam kok akak iyye ayrok tanih tan» iyyen. Sarrak Dawud sasot amma 'yeh Saawul culsah edde yan kameesik exxâ-baxa yirgiqe.

1 Samuwel 26:8

Abiisay too waqdi Dawuduk iyyemii, «Ta bar Yalli ku naqboyta gabah addat kok qideh yanik, inki adda a abbixe macaxut kaa mudeh baaxot kaa xakbisay yoo m'intaa? Inki addah mudumut edde kaa qideyyok» iyye.