Ermiyaas 40:10 - NABUWWA KEE MALIKWA

¹⁰ Anu Mixfal sugeyyooh; Baabelon mari yamaatu waa saaku, siinik iyyaanam tenek, anu sin aftok siinih yaabeyyo. Siinih tu gactek, ama elle tanton mandarwa fan uduuraay, tokkel qinab-xaylo ifiilaay caxâ-miru kee *daytuun xaylo ifiilla haay, daanah edde haan gaanut haay suga» keenik iyye.

Ermiyaas 40:10 ပူးပေါင်းရင်းမြစ်များ

2 Samuwel 16:1

Dawud qaleh amook, qunxuum addah ooba waqdi, garciik Xibat yongoorowe. Xiba Mafibosetih taamita numuk ten. Xiba, namma boolih gaqamboyta kee, kafsen qinab-xaylok bool gaqamboyta kee, bool yakke caxâ-miru kee qinabak bicsen kamrik kiben saar, koori le danoonak nammayay cixut yabbixehiyyal eerra heeh baahe.

1 Malikwa 10:8

Ku mari maxaqan le nasiib geeh yan! Ko'lih taamita mari kamba nasiib leh yan. Kulli way ko'lih yaniiniih ku afak tawqe tuxxiq le maxco yaabbeenih.

Yasaqya 16:9

Tohuk gexxaamah, Yaqder-mari Sibmâ-qinabah akah weeqa innah, anu kaadu weeqah. Cesbon kee Elqaaleh ximo yok tamaate. Macaay inteenik, ummatta ruffo hayta daroy orbisaanahiyya mabla; ummatta ruffo haa kudaar mayan.

Ermiyaas 35:19

Toh ubleeh; tohuk gexxaamah, yoo YALLAY Nabaamak Nabah, Israayil doore Dagelta kinnihiyya xagana siinih cula. Toh maa xagnaay inteenik, Rekáb-Yonadabak rade marak lab-baxay kulli way yi qibaadat gacu waahiyya aabukele. Ta qaada adok adol raaqele› 'yaanam siinik iyye» keenik exce.

Ermiyaas 39:10

Takkay immay takmem sinni masaakiina mabennay elle cabe. Qinab xala coox kee buqre elle aban baaxo keenih yecee.

Ermiyaas 40:12

fixixih elle suggu 'yen baaxooxak Yuudâ-rasu fan yuduuren. Gedalyay Mixfa deqsita aracal abbah keenik cabeenihiyya fanah yemeeten. Tokkel qinab kee caxâ-miruk mangom gaaboysen.

Ermiyaas 40:6

Tohuk lakal Ermiyaas, Acikám-Gedalya fan gexeeh, tokkel baaxol raaqe mara lih yeede. Gedalya, Mixfa deqsita aracal suge.

Ermiyaas 43:5

Tonna leemiik Yocanan kee kalah tan qaskar abbobti, duma qeebi yekke saaku kulli rasul fixixih suge maray away Yuudâ-rasu yuduurehiyyak

Ermiyaas 48:32

Yaqder marak fula Sibmâ-marat takku waytam yoo biyaktah tan. Sibmâ-magaalah mari le qinab xaylo xalta cooxuk luddi, xexxaarah Yaqder garil yan bad fan gufe. A saakuh tu gactek, naqboytit ken cooxih xaylo kee qinab inkih bayisse.

Miika 7:1

Nabi Miika iyyeemih, «Woyyow yi nabsow! Satqiteh yemeete numuy caxat caxâ-miru weeh, qinab-xaylo wee ekke. Qinab kee salfa luk yen caxâ-miruk tu matan.