Ermiyaas 4:31 - NABUWWA KEE MALIKWA

³¹ Lacaw edde yemeete barrah xongoloh innah tanim yol radda. Naharsi-baxa xalta barra abta xongoloh bis le xongolo yol radda. Toh Yarusalaam mari abah yan weqweqsinto. Gaba deerih loonuuh, ‹Baati net tekkeh, bayneh nan! Nee selu waa mari mamaatat yan› iyyan».

Ermiyaas 4:31 ပူးပေါင်းရင်းမြစ်များ

Yasaqya 1:15

Dooqah kulli way gaba fayya haytaanamah gaboobi siinik qabalat tutlukeh tani'kkal, siinik moggolaay racmatta le intih sin mabla.

Yasaqya 13:8

Yakkeenimiik wariggiteloonuuh; biyak ken abbixele. Xalay edde xayyoowe barrah innah emreqeeqedelon. Wariggah mariiy mara keenik wagga heeleeh wacarriyih fooci keenik gombod ceelele.

Yasaqya 21:3

Taham acsube waqdi, xagar yok kaxxa biyaakah biyaakita. Lacawat tan barrah innah biyaakita. Aytik oobbeemik meysi yoo tibbixeeh; intih ubleemik cunxita.

Yasaqya 26:17

Lacawat tan barray boogissa, elle weqtaah boogissa gurral, ku foocal boogisneh nen, YALLAW.

Yasaqya 42:14

YALLI iyyemii, «Mango dabaanah tibbat sugeeh ableeh aabbeemik tibba axcuk, tu elle gacse'kal suge. A saakuh tu gactek, abini wakti yemeeteh lacawat tan barrah innah iihisah, deero aba.

Yasaqya 6:5

Anu too waqdi exceemih, «Woyyow yi nabsow! YALLAY Nabaamak Nabaah malik kinnihiyya inni intih uble'mmay, edde yaabinnaan yab yok taahirik mayanay; addat akak anim, taahirik ane waa yab yaaba marih fanak tanih tanik, baati yot tekkeh tan» exce.

Ermiyaas 10:19

Yarusalaam-ummatta too waqdi weqteeh: «Woyyow ni nabsow! Uma mudumuh muddunneh nan. Nanu abnem akak uran mudum hinna» iyyen. Takkay immay bagul, «Ni biyaakal nasbirem nel tan.

Ermiyaas 13:21

Kataysis takkalen maray qalla lih litoonuhiyya siinik iysiissa heeh, amol siinik heek, maca abetton? Biyaakah lacawat tan barrah innah gacettoonum taaxigeenimi.

Ermiyaas 14:18

‹Afah ewqek, qeebit rabe marih raysa able. Magaala gexek, qululuh raba mara able. Nabuwwa kinnino axcuk suge mara kee seeka kabuk kabul gexak isinni taama abaana'mmay, tu mayaaxigan› keenik inxic» yok iyye.

Ermiyaas 15:18

Hay ta gideh biyak yot akah yakkem macaa? Liyoh an dale yok akah ure waytam macaay? Cagay kafa buyyih innah, foyyal yoo cabtam maay faxxaa?» 'yaanam exce.

Ermiyaas 18:21

Tahaysa, YALLAW, xaylo keenik qulul gadda ab. Carbit ken sel. Agabu keenik xalay-maleela kee gubun ab. Labha keenik dalkat selli hay; furrayna carbit keenik sel» 'yaanamat emeete.

Ermiyaas 22:23

Lubnaan rasuk baahen sariidak bicsen qarwat yan malikow, kaxxa biyaakay akah araadaqissahiyya koo abbixele. Dabbaqanta barrah innah iihisetto» 'yaanam iyye.

Ermiyaas 30:6

‹Ah macah takkeemiiy?› inxicay esseray, kinnim cubbusa. Labhayti maay yaadiqeeh? Labhayti aadiqe week, hay, celeemah tan labha, lacawah iihissa barrah innah, bagul gaba akah lem macaa? Sahdak fooci inkih gombod akah ceelam macaa?

Ermiyaas 48:41

Ken magaalooli kee megdebih lon arooca inkih antixibbixele. Too saaku Mooyab mari cunxoh, lacawat tan barrah inna assaallelon.

Ermiyaas 49:22

Bosrâ-magaalal yan marat ken naqboytit, qawi galwa fakka hayteh tamaate way sahdak gital duyye elle qawta'nnal, ken qawelon. Too saaku Edom qaskar meysih lacawat tan barrah innah gacelon» 'yaanam Yalli iyye.

Ermiyaas 49:24

Damaskoh mari boolaateeh; abeh yan meysih kudam faxa. Lacawat tan barrah innah, edde yaniinim, uma biyaaka.

Ermiyaas 50:43

Baabelon malik a xaagu geeh, tohuk gexxaamah gaba kaak meysih kafteh matangayya. Kaxxa cunxo kaat raddeh taniih, lacawat tan barrah innah araadaqisa» iyye.

Ermiyaas 6:2

Siyon-magaala qaxa-meqeh immay tet bayseyyo.

Hosiqa 13:13

Israayil mari kas weeh, meqe mano cineenih; inâ-bagut yan baxay awqe cine yekken.

Miika 4:10

Yarusalaam maraw, iihisa. Xalay edde xayyoowe barrah innah emreqeeqeda. Ahaysa magaalak awqettoonuuh, booxak bagul dabaaqah gacetton. Baabelon rasu sin beeloonuuh; tokkel cattiimetton. YALLI too rasul naqboytiitik sin wadele.

Miika 4:9

Yarusalaam maraw, kaxxa weeqah macah weqtan? Lacawat tan barrah innah macah iihissan? Malik aalle waytaanamah maay weqtan? Sin fayisak suge mari siinik rabeemih annah gactaanah?

Miika 7:1

Nabi Miika iyyeemih, «Woyyow yi nabsow! Satqiteh yemeete numuy caxat caxâ-miru weeh, qinab-xaylo wee ekke. Qinab kee salfa luk yen caxâ-miruk tu matan.