Ermiyaas 4:27 - NABUWWA KEE MALIKWA

²⁷ Macaay inteenik, YALLI, ‹Inkih tan baaxo abuuruh raaqele iyyeh immay, inkitanuuk tet bayseyyo 'yaanam maxacco.

Ermiyaas 4:27 ပူးပေါင်းရင်းမြစ်များ

2 Aydaad 36:21

Nabi Ermiyaas iyyem tonnal tunguddube. Too nabi ah keenit akkelem duma keenih warseh suge. Iyyeemihii, «A baaxol malcina-tabanih sanatah num dabaaqah elle magacaay, baaxo affoofele» 'yaanam iyyeh yen. Tonna leemiik abak suge ween affoofiyyi yanguddube'gidih, baaxo taamak toffoofe.

Nacmiya 9:31

Ku racmatta caddo maliiy, tohuk gexxaamah darre keenit macabinnitooy, bayi ken mahannito. Kaxxa maqaane kee racmatta le Dagelta kinnito.

Yasaqya 17:6

Dago mari keenik raaqele. Israayil mari *daytuun caxay xaylo inkih akak ifiilla heenih, namma *daytuun akkeey sidooca *daytuun akke amot akak raqte akke kee, hinnay kaadu, gubi luddat dago xaylo akak raqtehiyya innah gacelon. Ah intam yoo YALLAY Israayil doore Dageltah yanihiyya kinni» iyye.

Yasaqya 24:1

YALLI addunyâ-bagul tanim foyya abeleeh, kaxxa baatih baysele. Baad bayseleeh tet bagul yan mara fixixisele.

Ermiyaas 18:16

A baaxo akak meysitan baaxo akkele. Teetit tekkem yabalu waa mari ken sabbatah tet burtele. Gitah teetik xaqu gaceh gexu waa mari ah yable waqdi wariggitele. Ahamal qagabsiteloonuuh, namma xabanal gaba hayya heenih ‹A baaxot tekkem, gibdiimik tanih tan!› axcelon.

Ermiyaas 25:11

Inkih yan rasu abuuruy sahda elle deedalta abeyyo. Baabelon-malikih gabat iysibixe baaxooxa, malcina-tabanih sanat Baabelon xintoh gubat gacele.

Ermiyaas 30:11

Anu sin lih aniih, siinit takkeemik sin wadeyyo. Ama fixixih sin elle abbixe baaxooxah mara inkih bayseyyo'mmay, sin inkitanuuk mabaysa. Adabi akak geytan digaalah sin digaaleyyo. Celta digaala siinit abeyyooh; annaak gexxoonay sin maxca. Tahat yabtam yoo YALLA» iyye.

Ermiyaas 4:20

Naharsi balah lakal gersi bala ciggiltah tan. Inkih yan rasi abuuruh raaqu waah yan. Sirooqa nek, nanu cube'kal nan way, foyya nek aboonu waanah yanin. Goli sara qanxixxisoonu nek waanah yanin.

Ermiyaas 4:7

Gablah addak yewqe lubaakih innah, ummatta bayisu waa num aracak ugteh gitat yan. Yuudâ-maraw, sin baaxo abur aba'gidih ugteeh yamaateh yan. Ummatta baysele. Elle sugten magaalooli abuuruh raaqele. Sahdayti addal akak maraaqa.

Ermiyaas 44:6

Tonna leemiik kaxxa naqbi yot heeh; too naqbi Yuudâ-magaalooli kee Yarusalaam bayseeh; ta saaku akah tablen innah, num sinniih lac sinni abuuruh raqte› keenik inxic.

Ermiyaas 46:28

Anu sin lih ani'mmay mameysitina. Ama fixixih sin elle abbixe baaxooxah mara inkih bayseyyo'mmay, sin inkitanuuk mabaysa. Adabi akak geytan digaalah sin digaaleyyo. Celta digaala siinit abeyyooh; annaak gexxoonay sin maxca. Tahat yabtam yoo YALLA» iyye.

Ermiyaas 5:10

«Qinab cooxuy xaylo xalahiyya keenik bayisu waa maray keenik naqboytiitih yanihiyya keenit ruubeyyo. Takkay immay too coox inkitanuuk bayi keenik maha. Tonna'mmay qinab cooxuk ludwa yim akke sinniimih sabbatah, yargaqoonay axceyyo.

Ermiyaas 5:18

YALLI iyyaamah, «Too ayroora kinni way, inni ummatta inkitanuuk mabayisa.

Ermiyaas 7:34

Baaxo hunah raaqeleeh; duma Yuudâ-magaalooli kee Yarusalaam-gitittel aabbuk yenen qilila kee farci antaabbuk maraaqa. Digibil farcatah abak yenen digir gaba kalele› 'yaanam keenik inxic» yok iyye.

Ermiyaas 9:11

YALLI yok iyyemii, «Yarusalaam yiddigille abur abeyyo. Wakri dabaq tet abeyyo. Yuudâ-magaalooli abuuruy num sinniih lac sinnihiyya abeyyo» 'yaanam iyye.

Yacedkel 11:13

Anu too farmo keenih warsa waqdi, Falatya baaxol dub iyyeh rabeh. Anu kaadu baaxok bagul gomboh radeeh, «YALLAW, Mulki le Dageltaw, Israayilik raqte saabo inkih selta'nnaa?» axcuk anay fayya haak yaabe.

Yacedkel 20:17

Inkitanuuk ken baysam duudak ene'mmay, bacarih tan baaxol ken baysam mafaxinniyo. Keenih xuwaaweh.

Yacedkel 33:28

Inkih yan rasu num sinniih lac sinni abur abeyyo. Oson kaxxam edde akkaluk sugen qande keenik bayseyyo. Ken qaleela dibuh yan aracay sahdayti gitah gace waa abeyyo.

Yacedkel 6:14

Gaba keenil qideyyooh baaxo keenik bayseyyo. Gabbi-qaxat raqta bacarih tan baaxok xabba haanamaay Ribla deqsita aracay kilbat le kabut raaqahiyyah amma 'yaanam, abuuruh tan baaxoy num sinniih lac sinni abeyyo. Israayil mari elle yan baaxok tu macabay inkih bayseyyo. Ummat too waqdi anu YALLA kinniyom yoh aaxigelon» yok iyye.

Xafanya 1:18

Too ayro bagcarriteyyo'mmay, yi bagcarrak oson lon dahab kee lakqo ken mawadda. Inkih tan baaxo yi naqabuh obtu wayta girat cararele. Anu num cabe'kal, garciik addunya bayseyyo» 'yaanam iyye.