Ermiyaas 4:2 - NABUWWA KEE MALIKWA

² gitah tanim taamitak, baguuk YALLAY waarahiyyah migaaqal xiibitteenik, tonnal ummatta inkih, ‹Yallaw, barkat net hay› yok axceloonuuh; yoo fayliselon» iyyah yan.

Ermiyaas 4:2 ပူးပေါင်းရင်းမြစ်များ

1 Malikwa 3:6

Suleeman YALLAK iyyemii, «Yi-abba-Dawuduy ku naqasuh yenehiyyah kaxxa kacanu luk sugteeh; usuk kaadu baguuk kol yaamineeh, cakki-kee qadaalat-le numuk ten. Atu kaah abak sugte maqaane kaak mayseedinnitooy, a saaku kay baxa kay qarkaytol hayte.

Yasaqya 45:23

Anu abeyyo axcuk, culeemik kora Dagelta hinniyo. Akkele excem takkeeh, abeyyo excem abah: ‹Kulli num yi foocal gommoh yoh radeleeh, Kok sa tu manaqbuda 'yaanam axcuk qahdi culelon› inni migaaqal akah xiibitem, duuduse'kkal wadir maxca.

Yasaqya 45:25

Yoo YALLI, Israayil ummat wadu waa Dagelta kinniyo. Tohuk gexxaamah too mari yoo faylisele» 'yaanam iyye.

Yasaqya 65:16

Addunyal faxinnaan ikkel, dooqa sinaamah aba num, dooqa yi migaaqal abak, ‹Digga leh numma le Goyti barkat siinit haay› axcele. Xiiba-aba-num akkel yenek, digga le Goyti-migaaqal xiibitele, xiibita way. Dumah siinit tekke umaane aakeri hawwensimele. Akke wayteh innah heeyyo» 'yaanam iyye YALLI yaabe.

Ermiyaas 10:10

Takkay immay YALLI numma Dagelta kinni. Waara Dagelti kaa; ambaxe sinni reeda le Malik kaa. Usuk bagcarrita saaku baaxo axaxittah. Kay naqabut koysita mari mayana.

Ermiyaas 12:15

Woo baaxok ken kalek lakal, keenih xuwaaweyyo. Kulli baaxoh mara keenik le rasuh gacseyyo.

Ermiyaas 12:16

Oson yi mari elle yaamine diinil baguuk yeemeneeniih, duma yi marak Baqal deqsitta duyyey yaqbudeenihiyyah migaaqal xiibita axcuk barisak akah sugen innah, a saaku toh cabba heenih, tohih aftok yi migaaqal xiibiteenik, yi mara ken abeyyooh; barkat keenit heeyyo.

Ermiyaas 16:19

Too waqdi anu excemii, «YALLAW, qande yot haytam koo. Umaanek reebu yoh takkem koo; gadaamak eleelitam koo. Baadal tan ummatta baaxô-maggaraqak koo fanah amaateleeh, ‹Ni kaxxa abbobti tu xiqe sinni xeet kee cooxuk bicsen duyyey yalla 'yeenih yaqbudeenihiyyak sah gabat midirih tu luk masuginnon.

Ermiyaas 3:17

Too saaku Yarusalaam magaalak bagulleytah, YALLIH mulkiinoh korsi, 'yaanam axcelon. Kulli baaxoh mari too saaku yoo yaqbude'gidih amaatele. Tohuk wadir ken afqadoy yabti cina kee umaane lehiyya aba keenik intaamih abittot magacan.

Ermiyaas 33:9

Yarusalaam anu rufto kee kunnaba kee migaq-gexxo elle geya magaala akkele. Kulli baaxoh mari, anu Yarusalaam marah abe maqaane kee Yarusalaamal yan mara gaddaleela elle abe'nna yaabboonu waan waqdi, hagga axceloonuuh axaxitelon» 'yaanam iyye.

Ermiyaas 5:2

Yi migaaqal xiibitaanah immay akah xiibitaanam maaban» 'yaanam iyye.

Ermiyaas 7:5

YALLI iyyemii, «Edde tanin gitak nummah katteeniih, abtan taamak nummah raqteeniih, gitah titta lih taamita mara nummah tekkeeniih,

Ermiyaas 9:24

Yoo yaaxigeeh, anu faxam yasmite num yenek, toh kaxxam kinnim yaaxigeemiiy amo elle yamqeemi. Niyaateh meqem tohu. Macaay inteenik, anu sahdah liyo kacni, yambaxe kacanu hinna. Cakki kee qadaalatak tan abto aba Dagelta kinniyooh; yoo ruffu haytam tamaha. Tahat yabtam yoo YALLA kinni» iyye.

Hosiqa 2:19

Israayil ummatey, num barral akah rihima'nnah, anu innih sin haysiteyyo. Cakki kee qadaalatat sin xiiniseyyo. Ahaysa kulli way kacanu kee xuwaawat sin xiiniseyyo.

Ayyuqel 2:12

YALLI iyyaamah, «Away kinni way baguuk toobitaay sooma. Abteenimih weeqay yol uduura.

Zakariyya 8:8

Yarusalaamal ken nookiseyyo. Yi mara akkeloonuuh, anu amo keenik wagta Dagelta keenih akkeyyo. Qadaalat leeh, digga le xintoh ken xiiniseyyo.

Malaaki 1:11

Addunyak ayrô-mawqaay ayrô-culma takke baaxol yoo yaynabe mari kibuk yan. Kulli ikkel dooqa aban waqdi, qaydarus qeerisakaay, ceelah yan sadgat abak yoo yaqbuden. Baadal tan ummat yoo taynabe.

Ruut 3:13

Tonna leemiik a barak akkel elle xiinaay; maaca woo num ku cigso oggolek, oggolaah; usuk oggole edde weemit YALLAY waarahiyyah migaaqal koh xiibitaah anu innih koo cigseyyo» teetik iyye.

1 Samuwel 20:3

Too waqdi Dawud kaak iyyemii, «Ku abba atu yoo kicintom yaaxigeeh, yok abu waam koh mawarisa. Macaay intek, yoo qidam faxam koh warsek, kaxxam yoh qaadettom kok yaaxigeh. Tonna'mmay ku abba xayi wakti yoo qideleemih, YALLAY waarahiyyah migaaqal xiibita» iyye.