Ermiyaas 4:16 - NABUWWA KEE MALIKWA

¹⁶ Baaxoh ummatak inkih, «Naqboytit xer baaxok tamaateh tan» inxica. Yarusalaam-marak, «Yamaatu waa naqboytit tirtirisak amaateloonuuh Yuudâ-magaaloolit inkih maro heelon» inxica.

Ermiyaas 4:16 ပူးပေါင်းရင်းမြစ်များ

Yasaqya 34:1

Baaxol enna 'ta doolatway, inkih yoo fanah ama! Xayyoowaay, axcem yok ankacisa! Baadal tan ummatey, yi yaabah ayti ucuya! Baaxo axcem yok taabbay; baaxô-bagul yan mari yi yab cubbusay. Addunya kee addunyak eweqqa 'tam yi yaabah ayti tacaay.

Yasaqya 39:3

Sarrak nabi-Yasaqya Malik-Ciskiyyaahu fan yemeeteeh, kaak iyyemii, «Too mari akak yemeetem ankeey, kok iyyeenim macaay?» kaak iyye. Ciskiyyaahu iyyemii, «A mari yi fan akak yemeetem, xer baaxoy Baabelon deqsittahiyya» iyye.

Ermiyaas 1:15

Macaay intek, kiblat le kabut raqta doolatwah seeco abeh aniih; too doolatwah amoytit a baaxo amaatele. Yarusalaam magaalak culmeynal dardaarelon. Yarusalaam magaalat maroh tan gasoosah dariifa kee Yuudâ-magaaloolit inkih qeebi abelon› 'yaanam yok iyye.

Ermiyaas 16:6

Gaddali kee baacoyti keenik inkih, ta rasul elle rabeleeh, num keenih marookitaay, num ken mayaaguqa. Ken rabih rookah isi xagar num masalliyaay amo isik num mamoola.

Ermiyaas 2:15

Sinam lubooka siinil akah tekkem maay taaxigen? Baaxo siinik abur aben. Dabaaqah elle sugten magaalooli siinik carariseeniih tu elle ane wayta baaxoy haanah tani siinik aben.

Ermiyaas 31:10

Baaxoh ummatey, YALLI siinik iyyam ankacisa. Usuk iyyam badak afal yan xer baaxoh marah warisa. Isi mara fixixih elle yabbixe baaxok gaaboysele. Illit duwah yan num duwah edde yan illi elle duwa'nnal, ken duweleeh ken dacrisele.

Ermiyaas 39:1

Xidkiya Yuudak malik edde yekke sagalhaytô sanatak tabanhaytoh alsat, Baabelon-malik qaskarak elli haam luk Yarusalaam-magaalat qeebi aba'gidih maro teetit hee.

Ermiyaas 4:17

Cal uma awur yasguudeenim faxan waqdi, yabbixoonuh elle maraasiyan innal, Yarusalaam marot heelon. Yuudâ-marat toh akah takku waytam, yoo cineeniih yi amri cineenimih sabbata. Tah intam yoo YALLA.

Ermiyaas 5:15

Tonna leemiik YALLI siinik iyyaamah, «Israayil maraw, qeebi siinit abaana'gidih doolat xer baaxok siinit ruubeyyo. Too doolat dumaak sugte doolataay; isin cayla akah geytan doolat hinna. Af keenik kaadu mataaxigan.

Ermiyaas 5:6

Ta umaanek gexxaamah, garboh addak tewqe lubookah gadda akkelon. Bacaril tan suula ken kitittifele. Kabqi oson elle yanin magaaloolih dariifal ilaalisak suggu 'yeh; yawqen waqdi ken kitittifele. Toh keenit akah takku waytam, aban dambi keenik yemeggeh. Ayrok ayro uma taamat qagitak maacisan.

Ermiyaas 50:2

«Xaagu ummatah inkih warisa: ‹Baabelon qeebit yibbixeenih› inxica. Tah elle yaaxigoonu waan asta uybulluya! Xaaguk tu macabinay ummatah warisa. ‹Baabelon-mari yallah leemiy Marduk migaq akah abaanahiyya luk sugte qande bayteh tan. Oson yallah loonum qaybit radde. Qibaadah bicsen tasaawiriy umâ-yabulih yanihiyyal qaybih tanim baahen› keenik inxica.

Ermiyaas 6:18

Wohoysa baadal tan ummatey, ankacisa! Yi marat takku waytam cubbusay raaqa!

Ermiyaas 6:19

Addunyal tan ummatey, yoh oobbeya! Oson abba heenimih digaalah, a maral bala ruubeyyo. Oson baaheenimih ken digaalah an. Anu keenih ruube xinto cineeniih yi qangarah ayti yacoonu cineenih.

Ermiyaas 6:22

YALLIH qangara yol obteeh yok iyyemii: «Kilbat le kabuk xer baaxok qeebih tamaatu wayta agirwa gitat tan.

Ermiyaas 6:23

Too mari gayse kee gaysê-xaylooy macaxwa gabat lon. Racmatta kee xuwaawak tu le mara hinnon. Faariisat gexan waqdi, baddi haffoh xongolo lon. Yarusalaamey, kot qeebi abaana'gidih roorut gacca 'yeenih yamaaten» 'yaanam iyye.

Ermiyaas 8:19

Inkih tan baaxol inni marak weeqa aabbek, ankacca haay! ‹YALLI Siyoonul mayana'nnaa?› iyyan. ‹Siyon malik Siyoonul mayana'nnaa?› 'yaanam axcih ken aabbe. Ken malikiy YALLA kinni tohuk iyyaamah; ‹Hebeltoh im xiqe sinni duyyeeyay sinam aqbudih tubleenihiyya taqbudeenim bahten. Tohuk gexxaamah yot naqabu culussen› 'yaanam axcih kaa aabbe.

Yacedkel 21:22

Migdi gabat Yarusalaam 'yaanamih asta elle tan gaysê-baxa heele. Too waqdi, ‹Tet gidaarwa edde taggalu wayta gutqeyna bicisaay, qeebil tirtirisu waa mara bical hayisa. Culmeyna edde taggalu wayta gutqeyna xayyoosa. Ballaaqe tittak bagul hayisak eded bicisa. Megdebih edde gacan boodo bicisa› 'yaanam axcele.