Ermiyaas 39:5 - NABUWWA KEE MALIKWA

⁵ Baabelon-qaskar lakal keenik gexxeeh, sarrak malik Xidkiya, Yerikô-magaalah garil tan booxal yibbixen. Too waqdi xabba kaa heeniih Malik-Nabkadnessar fan kaa been. Malik-Nabkadnessar, Camat deqsitta baaxok migaaqah Ribla deqsitta magaalal suge. Malik Nabkadnessar kaa baaheenim yuble waqdi, «Kaa digaala» 'yaanam amrih keenil oobise.

Ermiyaas 39:5 ပူးပေါင်းရင်းမြစ်များ

2 Samuwel 8:9

Sarrak Hamat-rasul yen malikiy Tooqi deqsitahiyya, Dawud, Hadad-Qeder qaskarak inkih yeyseh 'yaanam yoobbe waqdi,

2 Malikwa 17:24

Assuuriyah-malik, Baabelon kee Kuut kee Qiwwa kee Camat kee Safarwayim deqsitta magaaloolik sinam beyya heeh, Israayil-mari akak yiskiliqen Samaariyah-rasul tan magaaloolil nookise. Tonnal too mari Samaariyah-rasul tan magaalooli isinnih raqsiteenih, elle nooken.

2 Malikwa 23:33

Nako deqsita Masri-malik xabba kaa heeh seewah kaa bee saaku, kay reeda gaba kalte. Malik-Nako Ribla deqsitta magaalay Camat-rasul geytintahiyyal casbit kaa hee. Nako Yuudâ-marak sidiica alfi kee affara boolih kiilo qado lakqok beeh, soddom kee affara kiilo dahabak gabbarah ken mekelsiise.

2 Malikwa 25:6

Kaa Malik Nabkadnessar fan beeniih; Nabkadnessar too waqdi Ribla deqsitta magaalal yen. Tokkel Malik Nabkadnessar digaala kaal hee.

2 Aydaad 33:11

Tonna-leemiik YALLI Assuuriyah qaskarih abbobti Yuudâ rasu akah yabbixen innah abe. Too mari Manasse yibbixeeniih, sanat santiita kaak hayyaay nacaasak bicsen silsilatat uxuyya kaa heenih, Baabelon rasu fan kaa been.

Yasaqya 22:3

Sin abbobti inkih kuddeeh, qeebi abe'kal ken yibbixen. Xer ikkel kude marih agantah, siinik geen mara inkih yibbixen.

Ermiyaas 21:7

Koo kee ku gubal tan doolat abbobti kee, wohuk kalah yan maray carbi kee qulul kee dalkak rooci edde raaqehiyyak inkih, Baabelon malikih gabat sin aysibixeyyo. Sarrak Nabkadnessar xabba sin heeh takkeenimiik sella sin heele. Too malik siinih maracmataay, saaboh num siinik macabay, takkeenimiik sella sin heele. Tahat yabtam yoo YALLA› 'yaanam yok iyyek, tama farmo tama innal kaah warisa» 'yaanam farmoh usuk ruube maral kaah ruube.

Ermiyaas 24:8

Takkay immay Yuudah yooboke Xidkiya deqsita malik kee, kay gubal tan xintoh abbobti kee, Yarusalaam magaalah maray garab akkel akak raaqeeh garab Masri fanah akak gexehiyyak axcem liyo. Too mara tama sublâ-xayloy toomehiyyah innah ken heeyyo. Tahat yabtam yoo YALLA.

Ermiyaas 38:18

Woh hinna'mmay atu gaba acee waytek, a magaala Baabelon-malikih gabal gacele. Too mari gira teetit ruubele. Atu kaadu elle taawwe kabu mageyta› 'yaanam kok iyye» kaak iyye.

Ermiyaas 38:23

Kaadu qagseh kaak iyyeemih, «Gennaaqot lito agabu kee xaylo Baabelon marih gabal kok heelon. Atu kaadu elle taawwe kabu mageytaay, Baabelon-malik seewah koo beele. A magaalat gira ruubelon» kaak iyye.

Ermiyaas 4:12

A caacay akak yamaatu waam yoo kinnuk, kaxxa caacaya. A saaku anu inni ummattal innih ackumeyyo» keenik axcele.

Ermiyaas 49:23

Damaskoh magaalah giddinaamak YALLI iyyem ah teeti. «Camat kee Arfad magaalal yan mari kaxxam cisabbootiyyat yaniih; too cisabbootiyyat akah yaniinim, uma xaagu yoobbeenimih sabbata. Edde yaniinim ankakkaqe kee cisabbootiyyak, mayaffoofan.

Yacedkel 23:24

Too mari mango silac kee faras-gaariiraay, awurut beyan gaariira kee mango qaskarak foocat gacca 'yeenih, kilbat le kabuk amaatelon. Gob kee amot haan birta luk marot koo heelon. Anu kaadu ken gabal koo heeyyo. Too waqdi too mari, ken madqa elle inta'nnal, kol ackumelon.

Cabakkuk 1:7

Sahdat cunxo kee meysi qideloonuuh; sarrak isinnih meqe madqay ken fayya haytahiyya mudelon.

Yoosuwa 13:5

Gabal deqsita marih baaxo mabbaxinniton. Ayrô-mawqa le kabut raaqa Lubnaan rasu kaadu uxih mabbaxinniton. Tohumuu, Baqal-Gaad magaalay Cermon qalek gabbi qaxat raqtahiyyak xabba haanamaay Camat deqsita daabah amma 'yaanam tan baaxok ten.

Yoosuwa 4:13

Morootom alfi yakke mari YALLIH foocal Yerikô-magaalah garil tan booxa fanah qeebi abaana'gidih gexen.

Yoosuwa 5:10

Israayil mari Yerikô-magaalah garil tan booxal Gilgal deqsita aracay elle yinfiddigeenil yanin waqdi, woo saaku edde sugen alsak taban kee fereyhaytoh ayrot carri waqla Elle-Tatriyyi-Qiid aben.

Makaabon 3:3

Yallih fayxih baaxol raqtemii, Filistiinik koona magaalal yen mara kee, wohuk kalah, Kanqaanah yooboke maraay Saydâ mara kee, tonnah kaadu, Ciiwih yooboke marak ten. Ciiwî mari Lubnaan qaleelak Baqal Cermon deqsitta qaleh ragidik xabba haanamay Camat deqsita daabah amma 'yaanam tan baaxol yen marak ten.