Ermiyaas 39:17 - NABUWWA KEE MALIKWA

¹⁷ Takkay immay ku tiyah tu gactek, yooy YALLAH yani koo dacriseyyo. Akak meysitta marih gabal koo maha.

Ermiyaas 39:17 ပူးပေါင်းရင်းမြစ်များ

2 Samuwel 24:14

Too waqdi Dawud iyyeemih, «Anu taway tu edde ceda caalatat anih maana'mmay, sahda yoo digaaltaamak YALLI isi gabat yoo digalsitay. Toh akah axcem, kaxxa racmatta le Dagelta kinnim kaak aaxigeemih axce» iyye.

1 Malikwa 18:15

Eliyyas kaal gacsemii, «YALLAY waaraah Nabaamak Nabahiyyay anu akah taamitahiyyah migaaqal xiibitah aniih, a saaku Malik Acabah ambulleeyyo» kaak iyye.

1 Malikwa 18:16

Sarrak Qobadya Malik Acab fan gexeeh Eliyyas yemeetem kaah warseh. Acab too waqdi Eliyyasat garaya'gidih gexe.

2 Malikwa 6:16

Eliisaq, «Mameysitin. Oson loonumuk nanu linom mangok» kaak iyye.

Ermiyaas 38:1

Mattán-Safatya kee Fascúr-Gedalya kee Selemyâ-Yahukal kee Malkiyâ-Fascur, YALLI iyyem Ermiyaas ummatah warisah yoobben.

Ermiyaas 38:9

«Malikow, a mari abem gitah tanim hinna. Nabi Ermiyaas birkatat qideeniih; magaalah addal sahda dudda maaqo elle deedalta'kkel, qeeli addat qululuh rabam faxa» 'yaanam iyye.

Daaniyel 6:16

Too waqdi malik, «Daaniyel baahay boodot kaa qida» 'yaanamih amri yeceeh; toh aben. Takkay immay malik Daaniyelik annah iyye. «Ku Dageltay atu baguuk taqbudehiyya koo catay» kaak iyye.