Ermiyaas 39:14 - NABUWWA KEE MALIKWA

¹⁴ Ermiyaas edde suge malik-qarih-daaratak kaa bahsiisen. Sarrak Acikám-Gedalya deqsita numih gabal kaa heen. Sarra «Ta num xabba haay kay buxa fan kaa guddus» iyyen. Acikám-Gedalya, Safanya deqsita numuk baxi-baxak ten. Too num Ermiyaas beyya heeh, kay buxal kaa hayya hee. Tonnal Ermiyaas isi ummattah addal gace.

Ermiyaas 39:14 ပူးပေါင်းရင်းမြစ်များ

2 Malikwa 22:12

Sarrak Cilkiyya deqsita numuy seekih yeneey, Safan baxa Acikamaay, Miikayhu baxa Qakboruuy, malik buxal kutbe-abeh suge Safan kee, malik buxal malik faxaamih taamat yen Qasaaya deqsita numul amri oobise.

2 Malikwa 22:14

Cilkiyya kee Acikam kee Qakboruuy, Safan kee Qasaaya tikka 'yeenih, Culda deqsitta barray nabih tenehiyyay, Yarusalaam magaalak qusbih xisen exxal buxa luk tenehiyya fan gexeeniih, fayu esseren. Tet baqli Sallum deqsitak yeneeh; kay abbak migaaqah Tikwa axcuk yenen. Kay abbah abba Carcas deqsitak yen. Sallum Yallih Qibaadah-Qaril edde gacan sartanak amo wagitak yen. Too mari ta-nabih-tan-barra fan yemeeteeh; malik keenil ruube farmo teetih warsen.

2 Aydaad 34:20

Sarrak ahaak gubal yan amri, Cilkiyya deqsita numuy seekih yenehiyyaay, Safan baxa Acikam kee, tonnah kaadu, Miikayhu baxa Qabdonuuy, malik buxal kutbe-abeh suge Safan deqsita num kee malik buxal malik kaadintuh yen Qasaaya deqsita numul yecee.

Ermiyaas 26:22

Malik Yahoyaakim, Qakbór-Alnaatan deqsita num lih wakalih sinam hayya heeh, kaa baahaana'gidih, kay lakal ken ruube.

Ermiyaas 26:24

Takkay immay Ermiyaasah tu gactek, Safán-Acikam deqsita num maroh amol yaabal kaa cateeh, tonna leemiik rabak cattiimeh.

Ermiyaas 32:2

Too saaku Baabelon-qaskar Yarusalaam magaala tabbixe'gidih, marot tet hayteh teneeh; Ermiyaas kaadu too saaku malik qarih daaratal axawat abbaxuk yenen.

Ermiyaas 37:21

Malik Xidkiya too yab kaak yoobbeeh; tohuk gexxaamah isi-qarih-daaratal kaa heeh qari irok kaat alfe. Tokkel magaalal gaqambo tambaxeemik dumal, kulli ayro gaqamboyta kaah baahak sugen. Tonnal malik-qarih-daaratal kaa abbaxuk yenen.

Ermiyaas 38:13

Sarrak birkatak too akattat giitak kaa yeyyeeqen. Sarrak malik-qarih-daaratal kaa heen.

Ermiyaas 38:28

Sarrak Ermiyaas, Yarusalaam-magaala carbit xabba haanam fanah, malik qarih daaratay kaa elle abbaxuk sugeenil elle suge.

Ermiyaas 39:13

Too waqdi kay qaskar abba Nabudardan kee, Nabusadban deqsita numuy kay gubal qaskar abbah yenehiyya kee, Nergal-Sarexer deqsita numuy doolatat kaxxa arac luk yenehiyya kee, kaadu wohuk kalah tan doolat abbobti tikka 'yeenih,

Ermiyaas 39:15

Ermiyaas malik-qarih-daaratal casbi gurral yen saaku, YALLIH qangara kaal obteh ten.

Ermiyaas 40:1

Baabelon malikih qaskar abbah yen Nabudardan, Raama deqsita aracal Ermiyaas casbik ruubek sarra, YALLIH qangara Ermiyaasal obte. A num kaa elle yifdigem, Yarusalaam magaala kee Yuudâ-rasuk Baabelon-rasu fan seewah beyan maray silsilatat axawah yanihiyyah addat kaa yuble waqdik ten.

Ermiyaas 40:5

Too waqdi Ermiyaas tu kaal magacisinnaay tibba 'ye. Toh yuble waqdi Nabudardan kaak iyyeemih, «Acikám-Gedalya fan gex. Baabelon malik, Yuudal tan magaaloolik inkih xintoh abba kaa abe. Kay garil gacettooh, ummat addal ummat lih gacetto. Faxxek, kaadu isih loowitte rasu fan gexetto» kaak iyye. Sarrak mattacoh duyye kaah yeceeh, sakayih kaadu giti maaqo kaah yecee.

Ermiyaas 40:6

Tohuk lakal Ermiyaas, Acikám-Gedalya fan gexeeh, tokkel baaxol raaqe mara lih yeede. Gedalya, Mixfa deqsita aracal suge.

Ermiyaas 40:7

Yuudâ-doolatak qaskar abbobtih yen tu yakke maray Baabelon malikil gaba acee'kal raaqehiyya yen. Too mari Baabelon malik-Nabkadnessar, Acikám-Gedalya deqsita num inkih yan Yuudâ-rasu kee seewak raqte tu-maleelak abbah hee, 'yaanam yoobben.

Ermiyaas 41:1

Woo sanatak malcinhaytoh alsat, Alisamáq-Natanyáh-Ismaaqiliy Yuudâ-malikik nasab luk yeneeh duma kaadu malikik gubal yan numuk yenehiyya, Gedalyat boysita'gidih tabna num is lih wakalih hayya heeh; Mixfa fanah gexe. Ken kee Gedalya kee kay mari inki aracal maaqo xagak sugen waqdi,