Ermiyaas 38:4 - NABUWWA KEE MALIKWA

⁴ Sarrak doolatak saqoltih yan mari malikik iyyeemih, «A num edde yaaba yab qaskar kee ummatak inkih niya yaggile yaaba. Ummatah umam akke waytek, keenih maqaane faxa numuk tanih matan. Ah iyyeemih rabi kaal yamaate» iyyen.

Ermiyaas 38:4 ပူးပေါင်းရင်းမြစ်များ

1 Malikwa 21:20

Acab, Eliyyas yuble waqdi, «Yi naqboytaw, yoo matarte!» kaak iyye. Eliyyas too waqdi kaal gacsemii, «Koo matreh anih; atu inkitanuuk YALLI niqbaamat asa num tekke.

2 Aydaad 24:21

Malik Yooqas edde anuk, ta seekik aboonu waanamal malissa heeniih; tohuk wadir malik «Kaa qida» 'yaanamih amri yecee. Too mari YALLIH Qibaadah Qarih daaratal kaa qiden.

Qedra 4:12

Nabna le amoytaw, koh warisnaamah, Yahuud-maray koo le'kkek nee le'kke fan yemeetehiyya a saaku Yarusalaam magaalal nookeenih yanin. Taaxige uma magaalay umeynitih yan mari elle sugehiyya nammeyhaak xisaanam faxan. Oson woo magaalah rakiibo bicseenih gasok kaadu xayih gaba kalaanam faxan.

Nacmiya 6:9

Naqboytit toh akah abtem, meysinneh abna taama nayseede'gidik ten. Toh uble waqdi dooqa abeeh, ‹Yallaw, qande yot hay› exce.

Ermiyaas 11:21

Too waqdi YALLAY Nabaamak Nabahiyya yok iyyemii, «Qanatot mari koo qidam faxaah, ‹YALLIH migaaqal tu neh warissek koo qidenno› iyyaana'mmay, anu keenik abu waam ah teeti. ‹Tahah anu ken digaaleyyooh, furrayna keenik carbit seleyyo. Qunxa urru keenik qululuh qideyyo.

Ermiyaas 18:23

YALLAW, yoo qidaana'gidih aban mala atu taaxige. Ta umaaney yot abaanam faxaanahiyya keenit macabin. Aban dambih ken digaal. Isik foocal irimbi selte caxa ken ab. Bagcarritta waqdi, keenih maracmatin» exce.

Ermiyaas 26:11

Tohuk lakal seeka kee nabuwwa yabteeh, Yuudah-abbobti kee raqqa 'ye marak iyyeenimii, «A num ni magaalak ceele-waytam iyyeeh; toh isin isinni aytih toobbeenih. Taway hay, taham iyyeemih rabi cokmi kaal yamaateh yan» 'yaanam iyyen.

Ermiyaas 29:7

Anu sin ruube baaxoy seewah sin elle beenihiyyal meqe taamah taamita. Keenit barkat haa'gidih yoo kallacaay, dooqa keenih aba. Macaay inteenik, oson yessemeeqeenik, isin kaadu assamaaqetton› siinik iyya.

Ermiyaas 38:16

Too waqdi malik Xidkiya sirrit kaak iyyeemih, «Raba kol ackume waah koo qidam faxa marih gabal koo hee wayu waamah waara Yallay nee yuklukehiyyah migaaqal koh xiibita» iyye.

Ermiyaas 38:25

Koo kee yoo wallallem doolat mari yoobbek, kol amaateloonuuh koo kee yoo geynem koo esserelon. ‹Koo kee malik edde walalteenim neh waris. Toh neh warse waytek, koo qidenno› kok axcelon.

Ermiyaas 43:3

Takkay immay ta yaabat koo yaabissaah net koo rubtam, Neeriyyâ-Baaruk kinnim away neexegeh. Usuk tah akah abam, Baabelon-malikih gabal gacna'gidiiy, usuk nee qide kee, hinnay kaadu, Baabelon-rasu fan seewah nee beyaana'gidi» iyyen.

Yacedkel 22:27

Israayil abbobti, barugi amol tongoorowe suulay mariiy kabuk akak yakmeh innah abitan. Gita maleh gaddalitaanamih fayxih sahda qidan.

Qaamus 7:10

Too waqdi Beetal magaalal kaxxa seekih yen Amaxya deqsita num, Israayil malikiy Yarobqam deqsitahiyyah farmo ruube. Farmoh kaah ruubemii, «Qaamus akak iyyan num Israayil marih addat gacca 'yeh, kok abu waamih malat yan. Kay yaabat ummat aylahitta 'teh baaxo baatam faxxa.