Ermiyaas 38:23 - NABUWWA KEE MALIKWA

²³ Kaadu qagseh kaak iyyeemih, «Gennaaqot lito agabu kee xaylo Baabelon marih gabal kok heelon. Atu kaadu elle taawwe kabu mageytaay, Baabelon-malik seewah koo beele. A magaalat gira ruubelon» kaak iyye.

Ermiyaas 38:23 ပူးပေါင်းရင်းမြစ်များ

2 Malikwa 25:7

Xaylo kaak foocal elle yusguudek lakal, «Kaak namma inti eyyeeqa» iyyeh; yeyyeeqeenih. Sarrak nacaasak bicsen silsilat kaal hayya heeh, Baabelon fan seewah kaa bee.

Ermiyaas 21:10

A magaala cabam mafaxay baysam faxa. Baabelon malikih gabat tet bayseyyo. Too malik carrissaay gomboduh gacissa tet heele. Tahat yabtam yoo YALLA› 'yaanam iyye» keenik exce.

Ermiyaas 32:4

‹Too saaku koo kaadu too malikih gabal heeyyooh tassillimem faxxaamah koh mabicta› kok iyye. ‹Baabelon maliki lih fooca kee foocah yaabettooh, isi namma intih kaa abletto.

Ermiyaas 34:3

Atu kaadu kay gabak mataftucaay matasillima. Tintixibbixek lakal, fooca kee foocah kaat angoorowettooh, isi afaak kaa'lih yaabetto. Tohuk lakal seewah Baabelon rasu fan koo beelon› kok iyyah yan, kaak inxic.

Ermiyaas 37:8

Tohuk wadir Baabelon qaskar wadir aduureleeh ama magaalat qeebi abeleeh, tet abbixele. Tibbixek wadir gira teetit ruubelon› kok iyye kaak inxic.

Ermiyaas 38:18

Woh hinna'mmay atu gaba acee waytek, a magaala Baabelon-malikih gabal gacele. Too mari gira teetit ruubele. Atu kaadu elle taawwe kabu mageyta› 'yaanam kok iyye» kaak iyye.

Ermiyaas 38:24

Too waqdi Xidkiya kaak iyyeemih, «Away koo kee yoo edde walallem, koo kee yook sah, gersi mari aaxige waama. Ta yab sirrih abnek, umaaneh kot takku waytam matan.

Ermiyaas 39:5

Baabelon-qaskar lakal keenik gexxeeh, sarrak malik Xidkiya, Yerikô-magaalah garil tan booxal yibbixen. Too waqdi xabba kaa heeniih Malik-Nabkadnessar fan kaa been. Malik-Nabkadnessar, Camat deqsitta baaxok migaaqah Ribla deqsitta magaalal suge. Malik Nabkadnessar kaa baaheenim yuble waqdi, «Kaa digaala» 'yaanam amrih keenil oobise.

Ermiyaas 39:6

Malik Nabkadnessar, Ribla deqsita aracal, Xidkiyâ-xaylo abbak foocal qidsiiseeh; tohuk kalah kaadu Yuudâ-makaabon qidsiiseh.

Ermiyaas 41:10

Sarrak Ismaaqil, malikik say-xaylo kee, Mixfâ-magaalal suggu 'ye maray Baabelon qaskar abbay Nabudardan deqsita Gedalya abba akak abeh cabehiyya, seewah gabat hayya heeh, Qammon rasu fan foore.

Ermiyaas 6:12

Oson dabaaqah edde sugen qarwa marah raaqele; ken buqre kee ginnaaqot luk sugen agbih agantah marin mari nagrele. Ken digaaleyyooh; yi gaba ablelon. Tah intam yoo YALLA.

Yacedkel 14:9

«Nabuwwak tiyak teeni aylahitta 'yeh, akke waytaamat yaabe kaa tekkek, kaa aylahissem yoo kinnim ixiga. Tonnah yan nabi Israayil ummatih addak ayyaaqeyyo.

Yacedkel 17:15

Takkay immay Yuudâ-malik qeebi kaat abuh ugteeh, Masri malikih farmo ruube. ‹Mango qaskar kee faaris yoh rub› 'yaanam kaah ruube. Tonna'mmay yakkaleh ikkal elle yakkale'nnal, annah tanim aba num yasillimu maay duudaa? Yalla-kee-xagana make num maay yasillimee?» iyye.

Yacedkel 43:3

Woo waqdi wacyih ublem, Yalli Yarusalaam bayisa'gidih yemeete saaku ublem ceelak ten. Kabar deqsita weeqaytih garil uble wacyi kaadu, ta wacyi ceelak yen. Too waqdi gomboh baaxol rade.