Ermiyaas 38:19 - NABUWWA KEE MALIKWA

¹⁹ Too waqdi malik Ermiyaasak iyyeemih, «Anu, ni maray Baabelon-mara lih gacca 'yeh nee bayisam faxahiyyak meysitah an. Baabelon malikil gaba eceek, usuk ni maray ken lih yanihiyyah gabal yoo haam takkeeh; tonnal too mari umam yol baahele» kaak iyye.

Ermiyaas 38:19 ပူးပေါင်းရင်းမြစ်များ

2 Aydaad 30:10

Farmoh ruuben mari too farmo Efrayim kee Manassê-kedoh rasul tan magaalooli kee Dablon kedoh rasuk kaadu kilbat le kabuh amma 'yaanam yakke marah inkih warsen. Takkay immay too mari too farmo yoobbe waqdi, asal kee furkacatah ken haysite.

Nacmiya 4:1

Sanballat deqsita numuh tu gactek, nanu Yahuud marak tiddigille gaso xisnam yoobbe waqdi, bagul nabam yinqibeeh, too waqdi nel anqaaseh.

Yasaqya 57:11

Yoo akah hawwenteenih yot darre akah cabteenim, isin akak meysittaanam macaay? Yok akah meysite waytaanam mango wakti tibba siinik exceemi innaa?

Ermiyaas 20:7

YALLA lih yaabeeh exceemih, «YALLAW yoo aylahisseh, kol aylahite. Qandeh yok taysem aaxigeh; caylah yok teyseh. Sinam burah af yol raqeeqissaah, anqaasah yol raban. Inkih tan ayro yol anqaasak asan.

Ermiyaas 38:22

Wacyih maca tublee? intek, Yuudâ-malikih buxal raaqe agabuy Baabelon-qaskarih-abbobtih fan salafat akak gacca 'yeenih beyaanahiyya uble. Too agbi too waqdi kok axcuk yeneemih, ‹Malik kaxxam aamanuk yen kataysis gitak kaa hoxisseeh isinni amrih gubat kaa heen. A saakuy ibi kallat kaak culehiyya kay kataysis kaal makteh kaa cabeenih gexen› 'yaanam axcih ken uble» kaak iyye.

Ermiyaas 38:5

Too waqdi malik keenil gacseemih, «Edde yanim, sin gabah addak; faxxeenim kaak aba. Sin edde waasa dudda mayyu» keenik iyye.

Ermiyaas 39:9

Sarrak Nabudardan deqsita numuy Baabelon qaskarak inkih abbah yenehiyya, magaalah addal raaqe mara kee kaal yemeete maray gaba kaal yeceehiyya inkih, gaabossa heeh Baabelon fan seewah bee.

Makaabon 9:54

Too waqdi kay silac abbaxuk suge furraynuh sissikuk secca 'yeeh, «Barra kaa qidde 'yaanamih migaq innit macabak, ama tabbixe seefit yoo qid» kaak iyye. Taaxige furraynii, xagarat kaak seef heeh kaa qide.

1 Samuwel 15:24

Too waqdi Saawul, «Anu nummah dambit aseh an» iyye. «Anu YALLIH amri cineeh, atu yoh tescesse gita makatayinniyo. Inni marak meysiteemih sabbatah, oson faxeenim abe.

1 Samuwel 31:4

Too waqdi silac kaah akkuquk suge furraynuh yan numuk, «A diini-maleelah tan Filistiin ummatta yoo qiddeh yol tirtirissaamak, ama tikyat lito seefit yoo qid» kaak iyye. Takkay immay woo furrayni seefit kaa qidu meysih yeffereh. Toh yuble waqdi Saawul isi seef siibba heeh is edde qide.