Ermiyaas 38:17 - NABUWWA KEE MALIKWA

¹⁷ Toh yoobbe waqdi, Ermiyaas kaak iyyeemih, «YALLAY, Nabaamak Naba Dageltay Israayil doore kinnuk, kok iyyem ah teeti. ‹Baabelon-qaskarih-abbobtil gaba teceek, rooci kok cattiimeleeh, a magaala kaadu girak cattiimele. Koo kee ku buxah marak inkih rooci cattiimele.

Ermiyaas 38:17 ပူးပေါင်းရင်းမြစ်များ

2 Malikwa 24:12

Too waqdi Malik-Yahoyaasin kee, kay inaay kay buxal taamita-maraay kay doolat-abbobti kee kay qaskar-abbobti Baabelon malikil gaba yeceen. Baabelon-malikiy Nabkadnessar deqsita edde dardaare bacarhaytô-sanatat, Yahoyaasin casbit hee.

2 Malikwa 25:27

Awil-Maroodak, Baabelon-malik edde yekke sanatat, Malik-Yahoyaasinih xuwaawak sugeeh, casbiy edde sugehiyyak kaa yeyyeeqe. Taham edde tekkem, seewah kaa edde been soddom kee malcinhaytô-sanatak taban kee nammeyhaytoh alsak labaatanna kee malcinhaytoh ayrok ten.

1 Aydaad 17:24

Tonnal ku migaq antaabbeleeh, sahda inkih, ‹YALLAY Nabaamak Nabaah, Israayil ummatak amol yanihiyya, Israayil doore Dagelta kinni› 'yaanam axcelon. Yi dardaarinna kaadu baxak baxal ku foocal raaqa dardaarinnay baye waahiyya abetto.

Qedra 9:4

Bari radda 'yeh magrib waqla aban sadgatah sahda amma 'tam fan, tokkel elle wariggat sugeeh; Yalli marin baaxok yuduure mari abe dambik iyyeh sugem aaxaguk suge mari, ahak maca net akkeleh kaxxam cunxiteeniih; yol gaaboowen.

Ermiyaas 27:12

Woo farmo woo marah warse waqdi, Yuudâ-malikih yen Xidkiyah kaadu too farmo warseeh; kaak excemii, «Baabelon malik fillal kok hayu waa madmad macinin. Kaa kee kay marih yab macininay kok iyyaanam ab. Tonnal rabak cattimetto.

Ermiyaas 27:17

Rabak cattintaanam faxxeenik, Baabelon malik fillal siinik hayu waa *madmad raabitay xiina. Magaala siinik num sinniih lac sinni abur maabina.

Ermiyaas 27:8

Takkay immay usuk ta abbootan gabat lem fanah, doolat takkuu, faxe mara takku, usuk fillal siinik haa *madmad (kambar) oggole waah kay amri cinu waa mari yenek, too mara usuk seefit ken selam fan carbi kee qulul kee dalkat ken digaaleyyo.

Ermiyaas 38:2

Ermiyaas iyyeemih, «A magaalal suginnaan num carbit-rabiiy qululuh-rabiiy, hinnay kaadu, dalkah-rabi akkele. Wonna hinna'mmay, Baabelon-mara fan gexxa 'yeh gaba keenil yacee num waddiimele.

Ermiyaas 39:3

Yarusalaam-magaala tibbixsime waqdi, Baabelon-malikih-qaskarak kaxxa abbobtih yen mari inkih, Fanti-Afa deqsita aracal daffeen. Tokkel daffeytem, Nergal-Sarexer deqsita num kee Samgar-Nabo deqsita num kee Sarsakim deqsita num kee, gersi Nergal-Sarexer deqsita numuy doolatat kaxxa arac lehiyya edde yen.

Ermiyaas 40:9

Gedalya too waqdi keenik iyyeemih, «Baabelon-marih gubal gactaanamak mameysitina. Baaxol nookaay Baabelon-malik siinik aba iyyem aba. Tonnal abinnaanim siinil amqeleemih siinih xiibita.

Ermiyaas 44:7

«Qagissah keenik intaamah, ‹Tonna'mmay a saaku kaadu yoo YALLAAY, Nabaamak Naba Dageltay Israayil doore kinnuk, siinik axceemih: Isin bala isinnil oobissaanam akah faxxaanam macaay? Labhaay agabuuy urru kee qunxa-urruy away yoobokehiyyak tu akah raaqe wayta'nnah, ummat finqah gexxam akah faxxaanam macaay?

Yacedkel 8:4

Tokkel kaadu duma Kabar deqsita weeqaytul an waqdi akah uble'nnah, Israayil doore Dageltih nabna yaybulle ifuy diifu le uble.

Qaamus 5:27

Toh abtoonu waytaanam, Damaskok daga raqta baaxo sin askiliqu waa saaku. Ahat yabtam yoo YALLAY Nabaamak Naba Dagelta kinni› 'yaanam iyya» iyye.