Ermiyaas 38:13 - NABUWWA KEE MALIKWA

¹³ Sarrak birkatak too akattat giitak kaa yeyyeeqen. Sarrak malik-qarih-daaratal kaa heen.

Ermiyaas 38:13 ပူးပေါင်းရင်းမြစ်များ

1 Malikwa 22:27

Keenik intamaa, ‹Malikii, «Amaanah uduurra axcem fanah tama num casbit sugusaay dago maaqo kee leek biso kaah maacina» siinik iyye› keenik inxic» iyye.

Nacmiya 3:25

Udáy-Falal kaadu wokkel katayta exxa bicse. Tohumu, daaba le arac kee, fayya le aracat raaqa malik-qarih-daaratal qaskar-elle-gacta-aracih amol yan qariy sahda akak yabloonuh xiseenihiyyak foocat raqta exxak ten. Farqós-Fadaaya wokkek elle yamaaten exxa bicseeh, xisne ayrô-mawqa le kabuk Leeh-Afa deqsitta afa kee sahda akak yabloonu xisen qari fanah abe. Too taamal kaa catak tenem, Yallih Qibaadah-Qarit taamah yen maray guubuh magaalak Oofal deqsita caafatal sugehiyyak ten.

Ermiyaas 26:16

Too waqdi makaabon kee raqqa 'ye mari yakkeenimiik, seeka kee nabuwwa kinnino iyya marak iyyeenimii, «A num edde yaabam, YALLAY ni Dageltah yani kaak inxica iyyeemiiy, isi amok yeyyeeqem hinna. Tonna leemiik rabi kaal mayamaata» iyyen.

Ermiyaas 32:2

Too saaku Baabelon-qaskar Yarusalaam magaala tabbixe'gidih, marot tet hayteh teneeh; Ermiyaas kaadu too saaku malik qarih daaratal axawat abbaxuk yenen.

Ermiyaas 37:21

Malik Xidkiya too yab kaak yoobbeeh; tohuk gexxaamah isi-qarih-daaratal kaa heeh qari irok kaat alfe. Tokkel magaalal gaqambo tambaxeemik dumal, kulli ayro gaqamboyta kaah baahak sugen. Tonnal malik-qarih-daaratal kaa abbaxuk yenen.

Ermiyaas 38:12

Sarrak, «Akatti koo akah biyaake waa innah, ama calagto axcal isik uxuy» kaak iyye.

Ermiyaas 38:28

Sarrak Ermiyaas, Yarusalaam-magaala carbit xabba haanam fanah, malik qarih daaratay kaa elle abbaxuk sugeenil elle suge.

Ermiyaas 38:6

Too waqdi beyya kaa heenih akattat uxuyya kaa heenih, malik-qarih-daaratal yen birkatat tagra gurral kaa qiden. Too birkat, malik baxay migaaqah Malkiya deqsitak yenehiyyah birkatak ten. Too birkat kallak sah, lee luk manannaay; tonna leemiik too kallak addat cule.