Ermiyaas 37:7 - NABUWWA KEE MALIKWA

⁷ too qangaral YALLAY Israayil doore Dagelta kinnihiyya iyyeemih, «Ama Yuudâ-malikiy Yalla neh kallac kok iyyehiyyak intaamah, ‹Masri-qaskar ku catoh tamaateeh gitat tani'mmay wadir gacele.

Ermiyaas 37:7 ပူးပေါင်းရင်းမြစ်များ

2 Malikwa 22:18

Qagitteh, «Malik tiyah tu gactek, YALLAY Israayil doore Dagelta kinnihiyya kaak iyyaamah, ‹Atu a kitaabih yab oggolteeh,

2 Malikwa 24:7

Baabelon-malik, kaak dumal Masri-milkih gubat ten baaxok, Fuurat-weeqaytuk xabba haanamaay Masri cuduudul yan daqaarih amma 'yaanam takke baaxo yibbixeeh; tohih sabbatah Masri malik kee kay qaskar Masrik gaaduh magexinnon.

Yasaqya 30:7

Too duyye akah beenim, Masri mara'mmay, Masri marak geyoonu waan catotta malon. Tohuk gexxaamah Masri marak ‹Summi sinni abeesa› 'yaanam exceh an» iyye.

Yasaqya 36:6

Masri mari yemeeteh koo catelem takkale'mmay, toh bayreyta gabah caxxah haanamih bis le. Bayreyti gabâ-caxxa mayakka; yaddigilleeh, gaba kok qanxiseh caba. Kibaal kaal heenik, Masri-malik toh elle yan'inna› kaak inxica» keenik iyye.

Ermiyaas 2:18

Taway Masri fan gexxaanam maca siinih xiqelem siinit celta? Masri mara lih bica akah abteenim, Niil weeqaytuk taaqubeeni'gidi maay kinni? Assuuriyah rasu akah gexxaanam faxxaanam macaay? Assuuriyah mara lih bica akah abteenim, Furaat weeqaytih lee taaqubeeni'gidi maay kinni? Toh kaadu siinih xiqtam mali.

Ermiyaas 2:36

Cubbuse wayti kee baaqid sinnak gexxaamah, edde sugten caalat korisseenih. Assuuriyah mari sin akah wacarroyse innah, Masri mari kaadu sin wacarroysele.

Ermiyaas 2:37

Masri addak wacarriyih gamoomak awqetton. Anu isin elle teemenen mara siinik cineh. Tonnal oson siinih tu xiqe waa mara akkelon» 'yaanam YALLI siinik iyya.

Ermiyaas 21:1

Yuudâ-rasuk malikih yan Xidkiya, Malkiyâ-Fascur deqsita num kee sek Maqseyaahû-Xafanya deqsita num Ermiyaas fan ruube. Too mari kaak iyyeemih, «Baabeloonuk yemeete Malik Nabkadnessar kee kay qaskar qeebi net abtah tanik, ku maganah YALLA neh kallac. YALLI isi abtoy qagabah tanihiyyak tuk teena abba heeh ken nek yayyaaqem takkehik, YALLA neh kallac» 'yaanam farmoh kaah ruube. Too saaku YALLI Ermiyaasal oobise qangara ah teeti.

Ermiyaas 37:3

Malik yekke Xidkiya YALLIH yaabay Ermiyaas kaah warsehiyya cineh immay sarra farmo kaah ruube. Farmo elle ruubem, Selemyâ-Yahukal kee sek Xafanya deqsita seekiy abba akak Maqseyaahu deqsitak yenehiyyak ten. Farmoh keenik iyyemii, «Gexay nabi Ermiyaasak, ‹YALLAY ni Dageltah yani neh kallacaay dooqa neh ab› kaak inxica» iyye.

Ermiyaas 37:5

Too farmo kaa gufte way, Baabelon qaskaray Yarusalaam magaala marot abbaxuk sugtehiyya wokkek wadir yiysen. Magaalak xer ikkel gaceenih yenen. Toh akah abeenim, Masri-qaskar isi cuduuduk tabba 'teh Yarusalaam fanah tamaate 'yaanam yoobbeenimik ten.

Ermiyaas 37:6

Sarrak YALLIH qangara Ermiyaasal obteeh;

Yacedkel 17:17

Baabelon mari magaalat maroh xissen gasoosak amo kora'gidih mango mara qidaana'gidih, burtak eded bicseloonuuh megdebih edde gacan boodooda bicselon. Too waqdi Masrik agiirah tan qaskar tamaateemih, qeebil kaah tu maxiqta.

Yacedkel 29:16

Israayil tohuk wadir ken catol kibaal haanamak raaqele. Israayil, Masrik ellecabo tabalu wayta saaku, Masril hayteh sugte kibaal qellat kinnim isik aaxigele. Israayil mari YALLAY Mulki lehiyya kinniyom, too saaku yok aaxigele» iyye.

Yacedkel 30:22

Tonna-leemiik taway yoo YALLAY Mulki lehiyya axceemih, Masri malikik naqboyta ekkeh aniih, duma tiddigille gaba kee nagay tan gaba inkih kaak aggileyyo. Tonna-leemiik seef gabak addak kaak radele.