Ermiyaas 37:20 - NABUWWA KEE MALIKWA

²⁰ Kaadu qagseh kaak iyyeemih, «Taway inki qangara koo esseru waa. Ku maganah malikow, yi amoytaw, tahaysa wadir Yonaatan-qarih-casbih yoo maruubin, ku maganah! Too casbi tahak sarra nammeyhaak culek rabeyyo» kaak iyye.

Ermiyaas 37:20 ပူးပေါင်းရင်းမြစ်များ

Ermiyaas 26:15

yoo qidden sin tekkek, dambi sinni numih qabal foyyah caxxeenimih, umaane sin kee a magaala kee a magaalah mara macabtam taaxigeenimi. Macaay inteenik, yoo rubteeh aham keenih warisaay aylahu keenih kal yok intem, nummaak YALLA» keenik iyye.

Ermiyaas 36:7

Macaay intek, YALLI, bagcarra keenil baahu waam edde keenih warseh yeneeh; too bagcarra cunxo keenit qiddeemih taagah, aben umaanek yaduureeniih YALLA kallacaanam takkeh» 'yaanam kaak iyye.

Ermiyaas 38:26

Tonna'mmay toh koo esseran waqdi, ‹Malikik, Tahak sa Yonaatan-qaril-yan-casbih yoo maruubin, axcuk kallacak kaa suge› keenik inxic» kaak iyye.

Ermiyaas 38:28

Sarrak Ermiyaas, Yarusalaam-magaala carbit xabba haanam fanah, malik qarih daaratay kaa elle abbaxuk sugeenil elle suge.

Ermiyaas 42:2

nabi Ermiyaasal yemeeteeniih, kaak iyyeenimih, «Ku maganak rabe marak saaboh raaqe mara kinninooh; YALLAY ni Dageltah yani neh kallacta'gidih nemeetek; nek oggolaay macinin. Duma manguk sugne'mmay a saaku dago mari nek raaqeh yanik, raaqe marah dooqa neh ab.