Ermiyaas 37:13 - NABUWWA KEE MALIKWA

¹³ Takkay immay Benyam-Culma deqsitta afa gufe waqdi, dacayrih wokket yan marak abbah suge numuy migaaqah Selemyâ-Yiriyya deqsitaah Cananya deqsita numuk baxi-baxah yamaatehiyya, «Atu Baabelon-qaskarih-kabut gactem hinna!» kaak iyyeeh; casbit kaa hee.

Ermiyaas 37:13 ပူးပေါင်းရင်းမြစ်များ

Ermiyaas 18:18

Too waqdi ta mari iyyeemih, «Ermiyaasak tuk teena abnam nel tan. Nek faxxintaah nel tanim neh warissa seeka taniih, kasloytiitiy fayu neh yacee kaadu linoh. Yallih farmo neh warissaamak kaadu nabuwwa tanik, Ermiyaas tiyak tuk teena innaama. Usuk axcinnaanim aabbe waynaama» iyyen.

Ermiyaas 20:10

Sinam tutuc axcih aabbe. ‹Kulli-ikkel-cunxo-qidek, a num doolat abbobtih warisnay› 'yaanam axcih ken aabbe. Yi kataysis aylahu yok wagitta. ‹Ayrok teena aylahissa kaa hayneh kaa abbixennooh cane kaal gacsenno› iyyan.

Ermiyaas 20:2

«Qibaadâ-Qarih daaratak Benyam Afa deqsita aracak daga le kabut raqta'kkel, gaboobi kee ibitte kaak namma caxxih fanat uxuyya haay kaa ugura» 'yaanamal amri yecee.

Ermiyaas 21:9

Ama magaalah addal raaqu waa mari carbi kee qulul kee dalkah rabele. Takkay immay magaalah addak eweqqa 'yeh magaala marot yabbixe maral gaba yecee num rabak cattiimeleeh, isi rooci wadele.

Ermiyaas 27:6

A gid takke doolatwa inkih, Baabelon-malikiy migaaqah Nabkadnessar deqsitay yi naqasu kinnihiyyah gubat haytem yoo. Dubaala kinni-way kay gubat xiiniseyyo.

Ermiyaas 28:14

‹YALLAY Nabaamak Nabah, Israayil doore Dagelta kinnihiyya, Aham fanah Baabelon-malik cooxuk bicsen madmad fillal akak abbaxuk suggu 'ye marak, ahak wadir meqe'nnah kaah taamitaana'gidih, birtak bicsen madmad fillal keenik heeyyo. Tohuk wadirih kay taamat gaceloonuuh, kay taama abelon. Sahda hinna'mmay, alluwwah agantah, kay milkih xiinele› 'yaanam kaak inxic» kaak iyye.

Ermiyaas 36:12

malik buxah addal kutbe-abeenah yen numih qari culeeh; tokkel doolatak saqoltih yen mari inkih daffeyna luk kaah sugen. Too daffeynat kutbe-abeenah yen Alisamaq deqsita num kee, Samaqyâ-Dalaaya kee Qakbór-Alnaatan kee Safán-Gamarya kee Cananyâ-Xidkiya kee, wohuk kalah tan doolatak saqoltih yan mari edde yen.

Ermiyaas 38:1

Mattán-Safatya kee Fascúr-Gedalya kee Selemyâ-Yahukal kee Malkiyâ-Fascur, YALLI iyyem Ermiyaas ummatah warisah yoobben.

Ermiyaas 38:4

Sarrak doolatak saqoltih yan mari malikik iyyeemih, «A num edde yaaba yab qaskar kee ummatak inkih niya yaggile yaaba. Ummatah umam akke waytek, keenih maqaane faxa numuk tanih matan. Ah iyyeemih rabi kaal yamaate» iyyen.

Ermiyaas 38:7

Qebedmelek deqsita numuy Kuusuh yoobokeeh seelabu luk yenehiyya malik qarih abbootan luk yeneeh, too num Ermiyaas birkatat qideenim yoobbe. Malik too uddurul Benyam-Culma deqsitta afal cokmih daffeeh yen.

Qaamus 7:10

Too waqdi Beetal magaalal kaxxa seekih yen Amaxya deqsita num, Israayil malikiy Yarobqam deqsitahiyyah farmo ruube. Farmoh kaah ruubemii, «Qaamus akak iyyan num Israayil marih addat gacca 'yeh, kok abu waamih malat yan. Kay yaabat ummat aylahitta 'teh baaxo baatam faxxa.

Zakariyya 14:10

Gabaq deqsita aracay kilbat le kabut raaqak xabba haanamaay, Rimmon deqsita aracay gabbi le qaxat raaqahiyyah amma 'yaanam fan booxa akkele. Yarusalaam magaala dariifal teetik tan baaxok fayya axcuk raaqele. Magaalak exxa Benyam-Culma deqsitta afak xabba haanamaay, duma magaala akak culak sugen af elle suge arac fan gexak, Rukni-Afah deqsita arac fan gufele. Sahda akak yabloonuh xisen Cananal-Qariy amo-xeerik, malik buxah marih qinab kamri axmuumuk elle bicisak yenen arac fan gufele.