Ermiyaas 37:10 - NABUWWA KEE MALIKWA

¹⁰ Inkih tan Baabelon-qaskaray qeebi kot abtu waytahiyyak qeebil tayseemih; siraq addat xaaguqal raaqinnaan num takke way tet abbixeleeh gira teetit ruubele› kaak inxic» iyye.

Ermiyaas 37:10 ပူးပေါင်းရင်းမြစ်များ

Yasaqya 10:4

Carbit ambaxe kee casbit yan marih innah seewah sin bee akkelon. Tohuh, Yallih naqbi maxamcaay, ken edde digaaluh ruube gaba wadir magacsa.

Yasaqya 13:15

Geyinnaan num gilet qideloonuh; yibbixen mara seefit qidelon.

Yasaqya 14:19

koh kabri madagaanaay; ku raysa caxak yirgiqen luddi innal baaxot qideloonuh, teetit ummatta aaqitele. Ku raysih bagul carbit rabte qaskarih raysitte gacele; sitta lih akeerak iqiya fan oobetton.

Yasaqya 30:17

Keenik inki qaskariiti siinik alfi num ayraddele. Keenik koona qaskariiti, takkeenimik sin ayraddele. Qaleh amol takarten sinbiilik sah, qaskarak tu siinih maraqta.

Ermiyaas 21:10

A magaala cabam mafaxay baysam faxa. Baabelon malikih gabat tet bayseyyo. Too malik carrissaay gomboduh gacissa tet heele. Tahat yabtam yoo YALLA› 'yaanam iyye» keenik exce.

Ermiyaas 32:29

gira teetit ruubelon. Yarusalaam magaalal yan mari Baqal akak iyyaanam aqbuduk sugen. Tohumuy yaqbudeenihiyyah qibaadah, isinni qarwah amol qaydarus qeerisak sugen. Yallah lon duyyeeyah kaadu qibaada abak sugeeniih, too qibaadah sadgatah qinabak bicsen kamri bahha heenih faaroh caxak sugen. Tohum yot naqabu culusse. Tohuk gexxaamah Baabelon-malik kee kay qaskar too qarwa akah cararissa'nnah abeyyo.

Ermiyaas 37:11

Baabelon qaskar Masri qaskar tamaatem yoobben waqdi, Yarusalaam cabeenih gexen.

Ermiyaas 37:8

Tohuk wadir Baabelon qaskar wadir aduureleeh ama magaalat qeebi abeleeh, tet abbixele. Tibbixek wadir gira teetit ruubelon› kok iyye kaak inxic.

Ermiyaas 49:20

Tonna'mmay ta saaku Edom marah malse mala yok oobbeya. Teman-magaala kee teetil yan maral baaham faxam siinih warisu waak, yok ankacisa. Xaylo keenik hirriigisak beyya heenih baaxot qidelon. Ken baaxo ken umaaneh sabbatah bayseyyo.

Ermiyaas 50:45

Anu Baabelon marah malse mala yok oobbeya. Baabelon rasul baaham faxam siinih warisu waak, yok ankacisa. Xaylo keenik hirriigisak beyya heenih baaxot qidelon. Ken baaxo ken umaaneh sabbatah bayseyyo.

Ermiyaas 51:4

Tonnal Baabelon rasul tambaxem kee gititteh addal tambaxem akkelon.

Ayyuqel 2:11

YALLI kakkaqô-xaw xaawak isi qaskar amrisaah; kay qaskaray kay amri oggolta kaxxa manga kee qande le. YALLIH cokmih-ayro takku waytam nummaak gibdiimi. Tahak iyyi nuwwuk raaqa?