Ermiyaas 37:1 - NABUWWA KEE MALIKWA

¹ Baabelon-malikih yen Nabkadnessar baaxo yibbixek lakal, Yahoyaakím-Yahoyaasiniy malikih sugehiyyah aracal, Yoosiyaahû-Xidkiya Yuudâ-malikih hee.

Ermiyaas 37:1 ပူးပေါင်းရင်းမြစ်များ

2 Malikwa 24:12

Too waqdi Malik-Yahoyaasin kee, kay inaay kay buxal taamita-maraay kay doolat-abbobti kee kay qaskar-abbobti Baabelon malikil gaba yeceen. Baabelon-malikiy Nabkadnessar deqsita edde dardaare bacarhaytô-sanatat, Yahoyaasin casbit hee.

2 Malikwa 24:17

Nabkadnessar, Yuudâ-malikih Yahoyaasinik-qammih-yan-numuy Mattanya deqsitahiyya hee. Migaq kaak korseeh Xidkiya kaak iyye.

Ermiyaas 21:1

Yuudâ-rasuk malikih yan Xidkiya, Malkiyâ-Fascur deqsita num kee sek Maqseyaahû-Xafanya deqsita num Ermiyaas fan ruube. Too mari kaak iyyeemih, «Baabeloonuk yemeete Malik Nabkadnessar kee kay qaskar qeebi net abtah tanik, ku maganah YALLA neh kallac. YALLI isi abtoy qagabah tanihiyyak tuk teena abba heeh ken nek yayyaaqem takkehik, YALLA neh kallac» 'yaanam farmoh kaah ruube. Too saaku YALLI Ermiyaasal oobise qangara ah teeti.

Ermiyaas 22:24

YALLI, malik Yahoyaakím-Yahoyaasinik iyyeemih, «Anu waara Dagelta kinniyom teexegek, migdi gabah ferrantoh yok sugta way feerak siibba koo heeh,

Ermiyaas 22:28

«Yahoyaasin yiddigille galqiy num tu edde wee waah, baaxot qideenihiyya yekkeh mayanaa! Kaa kee kay buxah mara num ken elle aaxige waa baaxo seewah ken akah beenim, wohuk tanih matanaa!»

Ermiyaas 24:1

Ermiyaas iyyeemih, «Baabelon malikiy migaaqah Nabkadnessar deqsitahiyya, Malik Yahoyaakím-Yahoyaasin kee kay gubal ten xintoh abbobti kee, naggaaritte kee taamah ixxiga luk yen mara gaabossa heeh, Yarusalaam magaalak Baabelon rasu fanah seewah beyya heek lakal, YALLI wacyih namma kafaqay YALLIH Qibaadah-Qarik foocal daffessa heeniy addat *sublâ-xaylo akak tani yoo yuybullee.

Ermiyaas 34:2

YALLAY Israayil doore Dagelta kinnihiyya kok iyyeemih, «Gexay Yuudâ malikih yan Xidkiyak intaamah, YALLI, ‹A magaala Baabelon-malikih gabal heeyyo. Too malik Yarusalaamat gira ruubele.

Ermiyaas 52:31

Awil-Maroodak, Baabelon malik edde yekke sanatat, Malik Yahoyaasinih xuwaawak sugeeh, casbiy edde sugehiyyak kaa yeyyeeqeh. Taham edde tekkem, Yahoyaasin seewah edde been soddom kee malcinhaytô-sanatak taban kee nammayhaytoh alsak labaatanna kee konoyhaytoh ayrok ten.