Ermiyaas 36:7 - NABUWWA KEE MALIKWA

⁷ Macaay intek, YALLI, bagcarra keenil baahu waam edde keenih warseh yeneeh; too bagcarra cunxo keenit qiddeemih taagah, aben umaanek yaduureeniih YALLA kallacaanam takkeh» 'yaanam kaak iyye.

Ermiyaas 36:7 ပူးပေါင်းရင်းမြစ်များ

2 Malikwa 22:13

Keenik iyyeemih, «Gexay yoo kee inkih tan Yuudah ummatta tanim naaxige'gidih, YALLAL fayu yoh essera. A kitaabal taniimih maqna nagay ismitay ama. Ni kaxxa abbobti YALLI iyyeemiy a kitaabal tanihiyya abe weenimih sabbatah, YALLAK naqbi nee geeh yan» iyye.

2 Malikwa 22:17

«Kalah kaak intaanamahaa, ‹Toh akah abu waam, oson yoo cineeniih xeet kee cooxuk isinni gabak bicsen duyye yaqbuden. Anu inqibba haam aban. Yi naqbi Yarusalaamal oobeh ikkal, ahaysa maxamaca› 'yaanam iyye kaak inxica» inte.

2 Aydaad 34:21

Keenik iyyeemih, «Gexay yoo kee Yuuda kee Israayil ummattal tanim naaxige'gidih, YALLAL fayu yoh essera. A kitaabal taniimih maqna nagay ismitay ama. Ni kaxxa abbobti a kitaabal yan Yallih yab abe weenimih sabbatah, YALLAK naqbi nee geeh yan.

Ermiyaas 1:3

kaadu Yoosiyaahu baxi Yahoyaakim malik edde yekke saakuk xabba haanamaay, Yoosiyaahû-Xidkiya malik edde yekke saakuk taban kee inikhaytoh sanat tikka 'yam fanah, YALLI mango adda isi qangara kaal oobisak suge. Too sanatak konoyhaytoh alsat Yarusalaam-magaalal suggu 'ye mara seewah marin baaxo fan been.

Ermiyaas 16:10

« ‹Taham atu keenih warissu wayta waqdi, «YALLI annah tan kaxxa digaalah nee akah digaalam faxam macaay? Maca kaal bahnee? Sugay noysommeeh, ninni Dageltay YALLA kinnil bahnem macaay?» 'yaanam kok axcelon.

Ermiyaas 19:15

Keenik excemii, «YALLAY Nabaamak Nabah, Israayil doore Dagelta kinnihiyya siinik iyyam ankacisa. ‹A magaala kee teetil yan maraay tet dariifal tan magaaloolil yan maral, duma siinil oobiseyyo exce balak tu macabay siinil oobiseyyo. Keenil akah oobisu waam, yi yab aabbe waah aba keenik excem abe waa mara yekkeeniih; tohuk gexxaamah, bala siinil ruubeyyo› siinik iyyah yan» keenik exce.

Ermiyaas 21:5

Qeebi anu innih siinit abeyyooh; yi naqabu kee yi cayli le'nna isinnih abletton. Yi gaba le tamu abletton.

Ermiyaas 25:5

Too nabuwway sin adda amaatuk sugtehiyya siinik inteemih: ‹Uma taama kee qamalliinoy edde taniinihiyyak raaqa. Tahak raqteenik, YALLI sin kee sin kaxxa abbobtih kulli waqdi ikoytah yecee rasul muquk xiinetton› siinik iyyen.

Ermiyaas 26:3

A yab yaabben waqdi, edde sugen uma-taama cabaanam takkeh. Ta yab oobba haan waqdi, edde yanin umaanek raaqen ken tekkek, umaane keenil mabaahaay keenik abeyyo excem keenik maaba.

Ermiyaas 36:3

Yuudâ-mari, anu keenil oobisam faxa bala yaabboonu waan waqdi, away edde yanin dambik yaduureenim takkeh. Oson too dambik yuduureenik, anu kaadu duma aben umaanek qafu keenih abeyyo» kaak iyye.

Ermiyaas 37:20

Kaadu qagseh kaak iyyeemih, «Taway inki qangara koo esseru waa. Ku maganah malikow, yi amoytaw, tahaysa wadir Yonaatan-qarih-casbih yoo maruubin, ku maganah! Too casbi tahak sarra nammeyhaak culek rabeyyo» kaak iyye.

Ermiyaas 4:4

Yooy YALLA kinnihiyya lih liton xagana xagura. Yi qibaadak kalih imit maasina. Taham cinteenik, isin abten umaanek gexxaamah sin anneeqebbeyyo; anu abah an naqbi girah innah ureleeh habugga axcele. Too gira sarra bargusa num mageytima» 'yaanam siinik iyya.

Ermiyaas 42:2

nabi Ermiyaasal yemeeteeniih, kaak iyyeenimih, «Ku maganak rabe marak saaboh raaqe mara kinninooh; YALLAY ni Dageltah yani neh kallacta'gidih nemeetek; nek oggolaay macinin. Duma manguk sugne'mmay a saaku dago mari nek raaqeh yanik, raaqe marah dooqa neh ab.

Yacedkel 12:3

«Tonna'mmay, bani-adantow, seewah beyan mari akah aba'nnah, ifaanih akah duyye bicsitay safarah ugut. Away elle tan arac cabba hayteh gersi arac fanah gexxa waqdi, sahda inkih koo tabalay inxic. Ama makoleela koo table waqdi, cedeloonum takkeh.

Yacedkel 13:13

YALLAY Mulki lehiyya iyyaamah, «Anu bagcarrita saaku, sin baysa'gidih kaxxa caaco kee roobuy arroqle lehiyya ruubeyyo.

Yacedkel 20:33

Waara YALLAY Mulki lehiyya kinniyooh inni migaaqal xiibita'mmay, abeh an bagcarrah gaba digga siinil heeyyom sin aysixxige. Yi milkih gacetton.

Yacedkel 22:20

Lakqooy nacaas kee birta yasiffiyeeni'gidih girat akah diyaayisan innah, yi bagcarra tonnal sin diyaayisele.

Yacedkel 5:13

«Siinil beyah an digaalak cayya axcem fanah, siinih abeh an naqabuh bala siinil oobisak sugeyyo. Tah siinit takku wayta saaku, yooy YALLAH yani yol bahten makoh sin inqibeeh yaabem aaxigetton.

Yacedkel 8:18

Tonna'mmay tahaysaay yi bagcarra le'nna ablelon. Keenih maracmataay maxuwaawa. Anay fayya haak yoo kallacaanamah keenik moggola» yok iyye.

Daaniyel 9:13

Muusa baahe xintol warissa hayte digaalah nee digaalte. Takkay immay YALLAW, ni Dageltaw, nanu uxih nummâ gita katayakaay, edde sugne dambik uduurra 'neh, koo ruffa mahannino.

Daaniyel 9:18

Yi Dageltaw, ayti yoh ucuyaay axcem yok oobbey! Nanu edde nan gadaama ubul! Ku magaalay abuuruh raqtahiyya wagit. Nanu koo akah kallacnam, cakki bagul yan mara nekkek sah hinnay, atu racmatta le Dagelta tekkek sah koo kallacna.

Hosiqa 5:15

Yi mari dambik abeenimil yoo qaddoowe'kal, keenil maaduura. Gadaamah addat yanin waqdi, yoo kassiteloonuuh yoo gorriselon» iyye.

Ayyuqel 2:12

YALLI iyyaamah, «Away kinni way baguuk toobitaay sooma. Abteenimih weeqay yol uduura.

Ayyuqel 2:13

Qaadiyyah sara isinnik qanxissaanam xiqtam mali. Abten umaaneh nadaamitta 'xicay qado baguuk yol uduura» yaanam iyye YALLI. YALLAY sin Dagelta kinnihiyyal uduura. YALLI maqaane leeh, racmatta le Dagelta. Kaxxa kacanu yaybulle Dagelta kinni. YALLI dagoomut mabagcarrita; digaalat mayasissikaay sahda abta umaaneh sahdah qafu aba Dagelta.

Yoonas 3:8

Sahda kee saq inkih qabuudut gactaama. Kulli num baguuk Yalla fan dooqa abaama. Kulli num uma caalat kee uma taama cabaama.

Zakariyya 1:4

Isinni kaxxa abbobti makkina. Sin kaxxa abbobtih dumî-dabaanal yi nabuwwa yi farmo warisak sugteeh; ‹Edde gexxan uma gitak raaqaay, dambit maasina. Toh intam YALLAY Nabaamak Nabahiyya›, 'yaanam keenik axcuk sugen. Takkay immay oson yi nabuwwah yab ankacisak masuginnoonuuy; anu aba axcem oggolak masuginnon.