Ermiyaas 36:12 - NABUWWA KEE MALIKWA

¹² malik buxah addal kutbe-abeenah yen numih qari culeeh; tokkel doolatak saqoltih yen mari inkih daffeyna luk kaah sugen. Too daffeynat kutbe-abeenah yen Alisamaq deqsita num kee, Samaqyâ-Dalaaya kee Qakbór-Alnaatan kee Safán-Gamarya kee Cananyâ-Xidkiya kee, wohuk kalah tan doolatak saqoltih yan mari edde yen.

Ermiyaas 36:12 ပူးပေါင်းရင်းမြစ်များ

2 Malikwa 22:12

Sarrak Cilkiyya deqsita numuy seekih yeneey, Safan baxa Acikamaay, Miikayhu baxa Qakboruuy, malik buxal kutbe-abeh suge Safan kee, malik buxal malik faxaamih taamat yen Qasaaya deqsita numul amri oobise.

2 Malikwa 22:14

Cilkiyya kee Acikam kee Qakboruuy, Safan kee Qasaaya tikka 'yeenih, Culda deqsitta barray nabih tenehiyyay, Yarusalaam magaalak qusbih xisen exxal buxa luk tenehiyya fan gexeeniih, fayu esseren. Tet baqli Sallum deqsitak yeneeh; kay abbak migaaqah Tikwa axcuk yenen. Kay abbah abba Carcas deqsitak yen. Sallum Yallih Qibaadah-Qaril edde gacan sartanak amo wagitak yen. Too mari ta-nabih-tan-barra fan yemeeteeh; malik keenil ruube farmo teetih warsen.

2 Malikwa 22:3

Yoosiyaahu malik edde yekke taban kee bacarhaytô sanatat, malik-buxal kutbe-abeenah suge Safan deqsita num, YALLIH Qibaadah-Qari fan farmoh ruube. Safan, Axalyaahu deqsita numuk baxak teneeh, Masullam deqsita numuk baxi baxak ten.

2 Malikwa 24:8

Yahoyaasin Yuudâ-malik yekke saaku, sanatak taban kee bacaarat yen. Sarrak Yarusalaamal sidiica alsa malikih suge. Kay ina Nacusta deqsitta barrak ten. Teetik abba Yarusalaamal yooboke Elnaatan deqsita numuk ten.

Ermiyaas 26:10

Yuudah-abbobti tekkem yoobben waqdi, malik buxah gasoy elle sugeenihiyyak YALLIH Qibaadah-Qari fan yemeeteeniih; tokkel Qusba-afa deqsita aracal daffeen.

Ermiyaas 26:22

Malik Yahoyaakim, Qakbór-Alnaatan deqsita num lih wakalih sinam hayya heeh, kaa baahaana'gidih, kay lakal ken ruube.

Ermiyaas 26:24

Takkay immay Ermiyaasah tu gactek, Safán-Acikam deqsita num maroh amol yaabal kaa cateeh, tonna leemiik rabak cattiimeh.

Ermiyaas 36:25

Elnaatan kee Dalaaya kee Gamarya, «Malikow, warkat girat maqidin» axcuk kaa kallaceenih immay keenik cineh.

Ermiyaas 38:4

Sarrak doolatak saqoltih yan mari malikik iyyeemih, «A num edde yaaba yab qaskar kee ummatak inkih niya yaggile yaaba. Ummatah umam akke waytek, keenih maqaane faxa numuk tanih matan. Ah iyyeemih rabi kaal yamaate» iyyen.

Ermiyaas 41:1

Woo sanatak malcinhaytoh alsat, Alisamáq-Natanyáh-Ismaaqiliy Yuudâ-malikik nasab luk yeneeh duma kaadu malikik gubal yan numuk yenehiyya, Gedalyat boysita'gidih tabna num is lih wakalih hayya heeh; Mixfa fanah gexe. Ken kee Gedalya kee kay mari inki aracal maaqo xagak sugen waqdi,