Ermiyaas 36:1 - NABUWWA KEE MALIKWA

¹ Yoosiyaahû-Yahoyaakim Yuudâ-malik edde yekke fereyhaytô sanatat, Ermiyaasal YALLIH qangara obteeh; kaak iyyemii,

Ermiyaas 36:1 ပူးပေါင်းရင်းမြစ်များ

2 Aydaad 36:5

Yahoyaakim, Yuudâ-malik yekke saaku qumrik labaatanna kee koona karmat yen. Sarrak Yarusalaam magaalal taban kee inki sanat malikih suge. YALLAY kay Dagelta kinnihiyyal dambi lem baahak suge.

Ermiyaas 25:1

Yoosiyaahû-Yahoyaakim malik edde yekke fereyhaytô sanatat Yuudâ-marih giddinaamak YALLIH qangara Ermiyaasal obte. Toh kaadu Nabkadnessar deqsita malik Baabelon malik edde yekke sanatak ten.

Ermiyaas 25:3

«Amón-Yoosiyaahu malik edde yekke taban kee sidochaytô-sanataay takke fanah, labaatanna kee sidiica sanatah, YALLIH farmo fiiruk geerah siinih warsa'mmay, maqal yok edde mahaysitinniton.

Ermiyaas 35:1

Yoosiyaahû-Yahoyaakim Yuudâ-malikih yen dabaanal, YALLI Ermiyaasal oobise qangara ah teeti. YALLI kaak iyyemii,

Ermiyaas 36:9

Yahoyaakim, Yuudâ-malik edde yekke konoyhaytô sanatak sagalhaytoh alsat, Yarusalaam magaalal yen mara kee, Yuudâ-magaaloolik yemeete maray Yarusalaamal yenehiyya titta geyya heenih YALLAH soomen.

Ermiyaas 45:1

Yoosiyaahû-Yahoyaakim Yuudâ-malik edde yekke fereyhaytô sanatat, Neeriyyâ-Baaruk, nabi Ermiyaas kaah warissa hee yab yuktube. Too warkat yuktubek sa, Ermiyaas kaak iyyeemih, «YALLAY Israayil doore Dagelta kinnihiyya kok iyyaamah,

Ermiyaas 46:2

Yoosiyaahû-Yahoyaakim Yuudâ-malik edde yekke fereyhaytô sanat, Furaat weeqaytih xaqul Karkamis deqsita aracal, Baabelon-malikiy Nabkadnessar deqsitahiyya, Masri-malikiy migaaqah Nako deqsitahiyya le qaskarat qeebi abeeh, qeebil keenik yeyse. Too saaku YALLI, Masri giddinaamak Ermiyaasak iyyeh sugem ah teeti:

Daaniyel 1:1

Yahoyaakim Yuudâ-malik yekkeemih sidochaytô-sanat yekke saaku, Malik Nabkadnessar deqsita numuy Baabelon malikih yenehiyya, Yarusalaam magaalat qeebi abeeh marot tet hee.