Ermiyaas 35:4 - NABUWWA KEE MALIKWA

⁴ yakkeenimiik YALLIH Qibaadah-Qari fan ken baahe. Qibaadâ-Qarik Yigdalyaahû-Caanan deqsita nabih darsa edde ten golih adda ken culse. Too goli Qibaadâ-Qarik saqoltih yan mari le golik xaqut yeneeh, kaadu Sallúm-Maqseyaahu deqsita numih golik daga raaqa golik ten. Maqseyaahu Yallih Qibaadah-Qarih taamat kaxxa arac le numuk ten.

Ermiyaas 35:4 ပူးပေါင်းရင်းမြစ်များ

1 Malikwa 12:22

Takkay immay too qaskar qeebih ruubaamak dumal, Yalli nabi-Samaqya lih yaabeeh,

1 Malikwa 13:1

Malik-Yarobqam, Beetal deqsitta magaalal sadgat-elle-aban-aracal qaydarus qeerisa'gidih soolol yan waqdi, Yuudâ-baaxok-yemeete-nabi, YALLI kaak elle iyye innal, yemeete.

1 Malikwa 13:26

Taaxige idaltuh yan nabi toh yoobbe waqdi iyyeemih, «Tohum YALLIH yab cine nabik tanih tan. YALLI akah iyye innah kaak abeh yan. Lubak kaat ruubeeh too lubak kaa qide» iyye.

1 Malikwa 17:18

Too waqdi is Eliyyasak intemii, «Yallih numow, annah tanim macah yok abte? Akke akah temeetem, anu abeh an dambi Yalla kassisseh baxa yok qidsissa'gidii?» kaak inte.

1 Malikwa 17:24

Is too waqdi, «Yallih num kinnitom ta way kok ismiteeh; YALLIH qangaray atu yabta numma kinnim eexegeh» kaak inte.

1 Malikwa 20:28

Malik-Acab fan nabi yemeeteeh kaak iyyemii, «YALLI iyyaamahaa, ‹Suuriyah-mari yok, qaleelâ-Yalla ikkal booxâ-bagih-Yalla hinna iyyeenimih; tonna-leemiik ken qaskaray kaxxam mangohiyyak qeebil sin aysiiseyyo. Too waqdi koo kee ku marak YALLI yoo kinnim aaxigettoonu› siinik iyyah yan» kaak iyye.

2 Malikwa 1:9

Sarrak malik, Eliyyas-baahu-waa-qaskar-abba luk, kontom qaskariita hayya heeh ruube. Too qaskar-abba Eliyyas koomah amol daffeyah yuble. Too waqdi kaak iyyemii, «Yallih-numow, malik kok ‹Ooba› iyyah yan» iyye.

2 Malikwa 12:9

Tohuk lakal sek-Yoyadaq sandug bahha heeh afa akak boohassa heek lakal, sadgat-elle-aban-aracak garil, sahda YALLIH Qibaadah-Qari akak culta afak migdi kabuk hee. YALLIH Qibaadah-Qarih-afal taamat tan seekal qibaadah-yamaate-mari yecee lakqo, seeka woo sandugut qidak sugte.

2 Malikwa 25:18

Qaskar abbah yen Nabudardan wohuk kalah, Seraaya deqsita kaxxa sek kee, Seraayal kataata nammeyhaytoh-seekiy migaaqah Xafanya deqsitahiyya kee, Yallih Qibaadah-Qarih afal dacayrih tan qaskarih sidoc seewah gabat luk gexe.

2 Malikwa 5:14

Sarrak Niqmaan Ordon-weeqaytu fan gexeeh, Eliisaq ab kaak akah iyye innah, malcina adda kummatta edde iyye waqdi, xagar inkih kaak qaffoote. Xagar kaak qaafiyat kee maqarah furrayni baxi innah kaak gacca 'ye.

2 Malikwa 5:20

Eliisaqak kaadintuh yen Gecdi isi niyal yuscubemii, «Yi abba Suuriyah num kaah yeceem oggolam kaal ten. Tu kaak bee'kal kaa ruubeh yani'mmay, waara YALLIH migaaqal xiibita'mmay, gexxa exceh tuk teena kaak beeyyo» iyye.

2 Malikwa 6:10

Too waqdi Israayil-malik wokkel yan marak, «Cubbi abitaay ama arac dacrisa» keenik iyye. Aham mango adda aben.

2 Malikwa 7:17

Malik woo magaalah culmal, isi dacayrit tan qaskarih abba dacayrih hee. Too waqdi ummatta magaalah culmah temeete waqdi, duufut kaa beyteh itqat kaa qidde. Tohim naharal elle, malik Eliisaq fan yemeete waqdi, Eliisaq akkele akak iyyemiy tekkehiyya kinni.

2 Malikwa 7:2

Malik dacayrit yan num Eliisaqak iyyemii, «YALLI qaran afoofi fakka haamah, aham takkem hinna» iyye. Eliisaq kaal gacsemii, «Amaham akkih abletto'mmay woo maaqok tu matakma» iyye.

1 Aydaad 9:27

Osonuuy bar Qibaadâ-Qari dacrisak xiinak yeneeniih; saaku culma akak fakak yenen. Too qarih maftac ken gabat yen.

2 Aydaad 8:14

Isi abbah raatat gexakaay usuk fiiriseh cabe gita kataatak, kulli saaku seekal tan taama kee, Leewih yooboke maray Yallih saare abta kee tonnah kaadu seeka elle catehiyyah, too taama elle kuran innal, keenih warse. Tonnah kaadu, duma kay abba Dawuduy Yallih numuh yenehiyya fiiriseh cabe gita kataatak, Yallih Qibaadah-Qarih afal dacayri abu waa mara heeh, too marah Yallih Qibaadah-Qarih afoofak kulli afal gacu waa maral, taamak tanim kee elle aboonu waan inna keenih yescesse.

Ermiyaas 21:1

Yuudâ-rasuk malikih yan Xidkiya, Malkiyâ-Fascur deqsita num kee sek Maqseyaahû-Xafanya deqsita num Ermiyaas fan ruube. Too mari kaak iyyeemih, «Baabeloonuk yemeete Malik Nabkadnessar kee kay qaskar qeebi net abtah tanik, ku maganah YALLA neh kallac. YALLI isi abtoy qagabah tanihiyyak tuk teena abba heeh ken nek yayyaaqem takkehik, YALLA neh kallac» 'yaanam farmoh kaah ruube. Too saaku YALLI Ermiyaasal oobise qangara ah teeti.

Ermiyaas 26:10

Yuudah-abbobti tekkem yoobben waqdi, malik buxah gasoy elle sugeenihiyyak YALLIH Qibaadah-Qari fan yemeeteeniih; tokkel Qusba-afa deqsita aracal daffeen.

Ermiyaas 35:3

Too waqdi tohim YALLI yok elle iyye'nnal, Cabaxxinyáh-Ermiyaás-Yaadanya kee kay tooboko kee kay xaylo kee, inkih yan Rekab-gulubuk num macabinniyoy,

Ermiyaas 52:24

Qaskar abbah yen Nabudardan, wohuk kalah, Seraaya deqsita kaxxa sek kee, Seraayal kataata nammeyhaytô-seekiy migaaqah Xafanya deqsitahiyya kee, Yallih Qibaadah-Qarih afal dacayrih tan qaskarih sidoc kee,

Yacedkel 40:38

Culma akak culan naharsi golik garit, xisen qari yen. Cado akak carrisan saqih cado, naharal elle kaqlisaanam tokkek ten.

Yacedkel 43:8

Malikwa isinni qarwa akak culan afa, yi qari fan akak culan afah xaqut heenih yaniiniih; tonnal ken kee yi fanat dibuk inki gidaarak sah tu masuginna. Tonnah abak yi migaaqay taahirik yanihiyya wassakoyseenih. Tohih sabbatah abeh an bagcarrat ken bayseh.

Yoosuwa 14:6

Israayil mari Gilgal deqsita aracal yan waqdi, Yuudah tooboke labha Yoosuwal temeete. Too marak numuk teeni Yafunnê-Kaalib deqsita numuy Keniida deqsita gulubuh yaabukehiyyak ten. Too num kaak iyyemii, «Koo kee yi giddinaamak Kaades-Barniqa deqsita aracal nan saaku, YALLIH numuh yen Muusak iyyem taaxigeh.

1 Samuwel 2:27

Ayrok teena Yallih-num Qeli fan yemeeteeh, Yallak baahe farmo kaah warse. Kaak iyyeemih, «YALLI kok iyyaamah, ‹Ku buxah mara Masri-marih naqoosah ten saaku, Haaruunuh umbulle.