Ermiyaas 35:2 - NABUWWA KEE MALIKWA

² «Rekab deqsita gulubuh gacsa mara fan gexaay, YALLIH Qibaadah-Qari fan ken bah. Tokkel Qibaadâ-Qarih golittek golik teena ken culussa haay, qinabak bicsen kamri ken efeq» kaak iyye.

Ermiyaas 35:2 ပူးပေါင်းရင်းမြစ်များ

1 Malikwa 6:10

Taaxige sidiica qarway tittak amol tanihiyyak kulli qari fayyah koona cusul akkuk yeneeh; Qibaadâ-Qarik iro le kabuk xakbisaana'gidih, sariidâ coox amô-tabsuh heen.

1 Malikwa 6:8

Qibaadâ-Qarik gabbi le kabuk xakabuh tan qarwa culaana'gidih, afa ten. Too afak fanti-qarwa kee inkih daga raqta qarwa akak yewqen mawqeena ten.

1 Aydaad 2:55

Wohuk kalah kaadu, Yaabex deqsita aracal gace maray Tiqra kee Simqat kee Sukat deqsita gulubuk inkih kaxxa abbah tenem, Salma deqsita numuk ten. Woo mari inkih kutbe-abeenittek teneeh; Cammat deqsita numuk rade maray Keena akak iyyeenihiyyak yenen. Cammat, Rekab akak iyyan marih kaxxa-abbak ten.

1 Aydaad 23:28

Taamah keenih yeceenim: Qibaadâ-Qaril YALLIH qibaada aban waqdi, Haaruunuk rade maray seekâ-lago lehiyya faxxinta taamal cataanam kee, Qibaadâ-Qarih daaratwa kee qunxa qarwa dacrisaanam kee, taahirik enna 'ta duyyey Qibaadâ-Qaril tanihiyya saytunusaanam kee, raqqa 'ta taamay Yallih Qibaadah-Qarih addal faxximma 'tahiyya abaanam kee,

1 Aydaad 28:12

Tohuk kalah kaadu, YALLIH Qibaadah-Qarih daaroota kee, woo daarootah dariifal faxxinta qarwa elle xiseh meqe innih tiyakaa, isit cella haytam inkih kaah yescesse. Qibaadâ-Qarih duyye edde haan golitte kee ummatta Yallih sadgatah bahta duyye elle haan golitte elle xisan innak isit celtam kaadu kaah warse.

1 Aydaad 9:26

Yallih Qibaadah-Qaril duyye elle daanisan golitte kee aki golitteh qaada wagga hayta taama, Yallih Qibaadah-Qarit dacayrih suge marak affara numuy keenik abbobtih yenehiyyah gabal heen. Too mari Leewih yooboke marak ten.

1 Aydaad 9:33

Yallih Qibaadah-Qarih addal saare abak yen mari, Leewih yooboke marak ten. Too marak abbobtih yen mari bar kee saaku too taama luk yeneemih sabbatah, gersi taama keenih maacannon. Too mari Qibaadâ-Qaril ten golitteh addal dabqah gacen.

2 Aydaad 3:9

Kiilô-garabak fayya 'ya dahabak bisaamir bicsen. Qarik amoh golittek adda le kabu kaadu dahabat exfeenih yenen.

2 Aydaad 31:11

Tonna-leemiik Malik keenik elle iyye innal, YALLIH Qibaadah-Qaril duyye edde daanisan arac bicseeniih;

Qedra 8:29

YALLIH Qibaadah-Qari guffa haytaanam fanah, ta duyye meqe innal daanisay amo akak wagita. Yarusalaam guftan saaku seeka edde tan golih adda beyay miizaanal haa. Tokkel seekak saqoltih yan mara kee, Leewî-kedok saqoltih yan mara kee, tonnah kaadu, Israayil ummattak saqoltih yan marih gabal heetton» keenik exce.

Ermiyaas 35:3

Too waqdi tohim YALLI yok elle iyye'nnal, Cabaxxinyáh-Ermiyaás-Yaadanya kee kay tooboko kee kay xaylo kee, inkih yan Rekab-gulubuk num macabinniyoy,

Ermiyaas 35:4

yakkeenimiik YALLIH Qibaadah-Qari fan ken baahe. Qibaadâ-Qarik Yigdalyaahû-Caanan deqsita nabih darsa edde ten golih adda ken culse. Too goli Qibaadâ-Qarik saqoltih yan mari le golik xaqut yeneeh, kaadu Sallúm-Maqseyaahu deqsita numih golik daga raaqa golik ten. Maqseyaahu Yallih Qibaadah-Qarih taamat kaxxa arac le numuk ten.

Ermiyaas 35:8

Usuk nek aba iyyem oggolleh. Nee kee ni xaylo kee ni agbi qinabak bicsen kamri manaaquba.

Yacedkel 40:16

Woo aroocak afa le kabut raqta gidaarwa qunxa afoofî-xaylo luk ten. Tonnah kaadu adda le kabu raqta gidaarway aroocak fanal tanihiyya qunxa afoofi luk ten. Gitah akak gacan aracak foocat tan adda le kabu raqta gidaarwa, bilqah heen nakli-tasaawirih bagul luk ten.