Ermiyaas 34:7 - NABUWWA KEE MALIKWA

⁷ Usuk too farmo warsa'gidih yemeete waqdi, Baabelon-malikih-qaskar Yarusalaam magaala tabbixe'gidih, qeebi teetit abak sugte. Tohuk kalah tan Yuudak namma magaalay gaso maroh edde taniih, migaaqah Laakis kee Qadeeka deqsittahiyyay tohum fanah antixibbixe'kal sugtehiyya yabbixeeni'gidih, qeebi edde abak sugen.

Ermiyaas 34:7 ပူးပေါင်းရင်းမြစ်များ

2 Malikwa 14:19

Yarusalaamal sahda Amaxya qidimil malisse. Toh yoobbe waqdi Amaxya woo magaala cabeh Laakis deqsitta magaala fan megloh gexe. Takkay immay rabah kaah malse mari lakat kaak gexeh kaa qide.

2 Malikwa 19:8

Tohuk lakal taaxige qaskar-abbay Assuuriyah-malikih farmo baahehiyya, Assuuriyah-malik Laakis-magaalak gexeeh, wokkel xayi Libna-deqsitta-magaalal qeebit yan 'yaanamih xaagu yoobbe waqdi, wokke fanah gexe.

2 Aydaad 27:4

Yuudâ qaleelal magaalooli xise. Garbo le baaxol kaadu xeri ikkek tamaatem akak yablen fayya-le-qarwa kee megdebitte xise.

Yasaqya 36:2

Assuuriyah-malik, Laakis-deqsitta-magaalak qaskar-abbah-yan-num Yarusalaam fan ruube. Too num mango qaskar gabat hayya heeh gexeeh, daga-raqta-dorak lee akak tamaate caraata elle obta'kkeh xaqul, «Sara kaqlisa marih Booxa» deqsita arac fan beya gital soole.

Ermiyaas 11:12

Anu too bala keenil ruubu waa waqdi, Yuuda kee Yarusalaam mari, ‹Ni rabbi› axcuk sadgat akah abakaay qaydarus elle ruubak sugen duyyeeya ken mawadda.

Ermiyaas 34:1

Baabelon malikiy migaaqah Nabkadnessar deqsitak yenehiyya, isi qaskar kee usuk amol akak raqqa 'ya doolatwah qaskar haysitta heeh, Yarusalaam magaala kee tet dariifal tan magaaloolit qeebi abak yen saaku, YALLI Ermiyaasal qangara oobise. Kaak iyyeemih,

Ermiyaas 4:5

«Inkih yan rasul tan ummatta akah taabbe'nnah, Yuudâ-baaxol *baanta agura inxica. Xongolo fayya haay seeco aba; Yarusalaam kee Yuudâ-marak, ‹Titta fanah gacaay gaso maroh edde tan magaala fan kuda› inxica.

Ermiyaas 8:14

Yallih mari iyyu waamah, «Akkel abnam macaay? YALLAY ni Dageltah yanihiyya, dambi lem kaal bahnem nek yubleeh, tonna leemiik nee baysam faxa. Summi le leek nee yafqem faxak, sitta fanah gacnay, woo gasoosa maroh edde tan magaalooli fanah nee beyaay, wokkel rabnay nee inxica» 'yaanam axcelon.

Miika 1:13

Laakis magaalal yan maraw, faarisit gaari xakabaay, edde kuday isillima. Israayil mara abah tublen dambi ken kataatak abteeniih, Yarusalaam mara dambit asissen.

Yoosuwa 10:3

Sarrak ta malikii, Cebron deqsitta magaalal malikih yen Hooham kee Yarmut deqsitta magaalal malikih yen Firam kee Laakis deqsitta magaalal malikih yen Yafiyaq kee Qeglon deqsitta magaalal malikih yen Dabiirih farmo ruubeeh, keenik iyyemii:

Yoosuwa 10:5

Too waqdi too koona malikiy Amoorah yoobokehiyya elle hayta qaskar esgelli heenih, Gibqon magaalat maro hayya heenih, qeebi aben.

Yoosuwa 12:11

Yarmut deqsitta magaalal yen malikiiy Laakis deqsitta magaalal yen malikiiy

Yoosuwa 15:35

Yarmut kee Qadullam kee Sooko kee Qadeeka kee

Yoosuwa 15:39

Laakis kee Boxkat kee Qeglon kee