Ermiyaas 34:1 - NABUWWA KEE MALIKWA

¹ Baabelon malikiy migaaqah Nabkadnessar deqsitak yenehiyya, isi qaskar kee usuk amol akak raqqa 'ya doolatwah qaskar haysitta heeh, Yarusalaam magaala kee tet dariifal tan magaaloolit qeebi abak yen saaku, YALLI Ermiyaasal qangara oobise. Kaak iyyeemih,

Ermiyaas 34:1 ပူးပေါင်းရင်းမြစ်များ

Ermiyaas 1:15

Macaay intek, kiblat le kabut raqta doolatwah seeco abeh aniih; too doolatwah amoytit a baaxo amaatele. Yarusalaam magaalak culmeynal dardaarelon. Yarusalaam magaalat maroh tan gasoosah dariifa kee Yuudâ-magaaloolit inkih qeebi abelon› 'yaanam yok iyye.

Ermiyaas 32:1

Xidkiya Yuudâ-malik edde yekke tabanhaytô-sanatat nan saaku, YALLI Ermiyaasal qangara oobise. Toh kaadu Malik Nabkadnessar Baabelon malik edde yekke taban kee bacarhaytô sanatak ten.

Ermiyaas 32:2

Too saaku Baabelon-qaskar Yarusalaam magaala tabbixe'gidih, marot tet hayteh teneeh; Ermiyaas kaadu too saaku malik qarih daaratal axawat abbaxuk yenen.

Ermiyaas 34:7

Usuk too farmo warsa'gidih yemeete waqdi, Baabelon-malikih-qaskar Yarusalaam magaala tabbixe'gidih, qeebi teetit abak sugte. Tohuk kalah tan Yuudak namma magaalay gaso maroh edde taniih, migaaqah Laakis kee Qadeeka deqsittahiyyay tohum fanah antixibbixe'kal sugtehiyya yabbixeeni'gidih, qeebi edde abak sugen.

Daaniyel 4:1

Malik Nabkadnessar kulli baaxol tan ummattay mango afah yabtaah mango kedoodah tanihiyyah inkih, farmo ruubeeh keenik iyyeemih, «Naharak salaamatta siinil qida. Gaddi siinik amagguk yamaggay.

Daaniyel 4:22

Malikow, too caxa koo kinni. Atu naba malikiy kaxxa qande le tekke. Kaxxam tembeeh, abbootan kok qaran gufeeh, qande kok addunyâ-bagul fixixxeh.

Daaniyel 5:19

Usuk nabna le numuk yeneemih sabbatah, mango baaxoh mara kee mango meelah yoobokeeh mango afah yaaba mari kaak aben meysi kaak axaxitak sugen. Qidam faxa num qidak sugeeh, wadam faxa num wadak suge. Qawratat qidam faxa num qidak sugeeh; yassakaxxem faxa num assakaxxuk suge.