Ermiyaas 33:18 - NABUWWA KEE MALIKWA

¹⁸ Tonnah kaadu, kulli dabaanal Leewi-deqsitta-kedok numuk teena seekih heeyyo. Too sek yoh sadgat aban waqdi, cado akak carrisaana'gidih baahan lac kee, tonnah kaadu, yi migaaqal sadgatah baahan daro kee, wohuk kalah taniimiy sadgatah baahaanahiyyah taamat gacele; toh kay taama» 'yaanam iyye.

Ermiyaas 33:18 ပူးပေါင်းရင်းမြစ်များ

Qedra 3:5

Tohuk kalah kaadu, kulli ayro cado akak carrisan saq sadgatah qideeniih, tonnah kaadu, alsi bila waqdi aban sadgataay, wohuk kalah tan YALLIH qiidih ayroora aban sadgat kee, kalah kaadu, isinni fayxik YALLIH migaaqal aban sadgatak tu cabe'kal abak yenen.

Yasaqya 56:7

Siyon qaley taahirik tanihiyya fan sin baaheyyooh, yi migaaqal abtan sadgat siinik oggoleyyo. Dooqa yoo fan elle aban qarih addal ruffa axcetton. Tonna-leemiik, yi qari baadal tan ummat inkih dooqa elle abta qari deqsitele» 'yaanam keenik iyyah yan.

Yasaqya 61:6

YALLIH seeka siinih axceloonuh; ni-Dageltih-taamat gace mara siinih axcelon. Doolatwa tedderem sinim akkeleeh; wohul kaxxiinitetton.

Ermiyaas 33:19

YALLIH qangara qagisak Ermiyaasal obte. Kaak iyyemii,

Ermiyaas 33:22

Dawuduy yi naqasuh yenehiyyah durruyyat aymaggeyyo. Leewî-kedok rade mara kaadu tonnah assakaxxeyyo. Mangah qaraanal tan cutuuka kee baddi afal tan qiddey loowo num akak duude waah innah, loowo num akak duude waa mara ken abeyyo» 'yaanam iyye.

Ermiyaas 35:19

Toh ubleeh; tohuk gexxaamah, yoo YALLAY Nabaamak Nabah, Israayil doore Dagelta kinnihiyya xagana siinih cula. Toh maa xagnaay inteenik, Rekáb-Yonadabak rade marak lab-baxay kulli way yi qibaadat gacu waahiyya aabukele. Ta qaada adok adol raaqele› 'yaanam siinik iyye» keenik exce.

Yacedkel 44:15

«Takkay immay woo Leewih yooboke maray Saaduk deqsita numuk radehiyya Israayil ummat takkeemik yoo cinte saaku, Qibaadâ-Qaril yi taamat raaqeeniih, yi qibaada baguuk abak sugen. Tonna-kinnuk ta saaku, Qibaadâ-Qarih addal yok foocal xayta kee qabal sadgatah bahtu waytam ta mara. Tahat yabtam yoo YALLAY Mulki lehiyya.

Yacedkel 45:5

YALLAH caban baaxok gersi garabay taban kee namma kiilomitri kee garab xexxaarah yakkeeh koona kiilomitri baguh yakkehiyya, Leewih yooboke maray Yallih Qibaadah-Qarih addal taamitahiyya ikoytah antacawwimele. Too mari dabaaqah elle gaca magaalooli tokkel xissiimele.

Yoosuwa 3:3

too waqdi keenik iyyeenimih, «Seeka, YALLAY sin Dagelta kinnihiyyah qahdi addat akak yan Sandug, quukah baahah tablen waqdi, litoonum ussukuqay ken kataata.