Ermiyaas 33:12 - NABUWWA KEE MALIKWA

¹² YALLAY Nabaamak Nabahiyya kaadu qagseh iyyemii, «Ta baaxoy a saaku bacari tekkeeh, num kee lac elle deedaltam tableenihiyyal, ahak sarra lac elle yaloole qayso aabukele. Wadar kee illit duwah yan mari cayiseh ken orbisele.

Ermiyaas 33:12 ပူးပေါင်းရင်းမြစ်များ

Yasaqya 65:10

Yol xayyoowam faxa marah, ‹Gadaama› deqsitta golo lac nookisa arac akkele. Saron migaaqah le booxa saq yaloole arac akkele» 'yaanam axcuk YALLI yaabe.

Ermiyaas 17:26

Yuudâ-magaalooli kee Yarusalaam xaqul tan gaandoodi kee, Benyam rasu kee ayrô-culmat raqta mango koomaami le baaxo kee, qaleelâ xaqu kee gabbi-qaxat raqta Yuudah baaxok, ummat Yarusalaam fanah amaatelon. Cado akak carrisan lac kee akak carrise waan lac, sadgatah yi Qibaadah-Qarih baahelon. Tonnah kaadu, daro kee qaydarus sadgatah baahelon. Fayla yoh elle gacsan sadgat kaadu baahelon.

Ermiyaas 31:12

Siyon qaleh amol farcatah qililisak saare abelon. YALLI keenih yacayu waa niqmat assakootelon. Baaxo keenik darooy, qinabak bicsen kamriiy, *daytuun zeytiiy (saliidiiy), illi kee laak amaggele. Too barkat keenit heeleeh; tohum assakootelon. Leek nagay yefqen bustaanih ceelot gacelon. Tahak wadir cisabbootiyyi keenik gaba kalele.

Ermiyaas 31:24

Ahak wadir ummat Yuudâ-rasu kee tet addal tan magaaloolil inkih dabaaqah titta lih gacele. Buqre-aba mara kee illit duwah yan mari titta lih dabaaqah gacele.

Ermiyaas 32:15

YALLAY Nabaamak Nabah, Israayil doore Dagelta kinnihiyyaa, ‹Buxaaxi kee buqre-baaxo kee qinab xala coox elle yaabuke baaxo, wadir edde limmoysoonu waan wakti amaatele› 'yaanam iyyeh yan, kaak exce.

Ermiyaas 36:29

Malik Yahoyaakimik intamaa, ‹YALLI kok iyyaamah, Warkat cararisseeh; Ermiyaas a yab akah baaheeh, Baabelon malik a baaxo bayseleeh, a baaxol taniimik lac macabaay num macabay selele 'yaanam akah iyyem macaay inte'mmay,

Ermiyaas 50:6

A saaku yi mari, duwah edde yan num gitak makot bee illiy maatah yani yekken. Illiy qaleela kee koomaamih amol loyna weeh meekitahiyya ceelan. Isi dabaaqak cerrite illi yekken.

Ermiyaas 51:62

Ikriyya hayteh gaba kalla hayta waqdi, intamaa, ‹YALLAW, a arac bayeleeh, rooci leemik tu elle maraqta. Daayiman abuuruy num sinniih lac sinni akkele 'yaanam inta› inxic.

Yacedkel 36:35

Tah yabalu waa mari, ‹A baaxoy bacari tekkeh sugtehiyya a saaku Qadan bustaan celteh tan. A magaalooliy buubba heenih bututtukku heenih abur abeenih cabeenihiyya, a saaku ummat elle gacteh taniih gasoosa maroh leh tan› axcelon.

Caggay 1:4

‹Yi qariy yoo elle taqbudeeni abuuruh elle yani'kkel, isin isinnih meqe xisneh xissitten qarwat gactaanam celtam kinni?