Ermiyaas 32:39 - NABUWWA KEE MALIKWA

³⁹ Inkih, inkim edde aboonu waan kas keenit heeyyo. Toh macaay intek, isinni kee isinni xayloh taagah, kulli way dibuk yoo edde yaqbudoonu waan afqado keenit heeyyo.

Ermiyaas 32:39 ပူးပေါင်းရင်းမြစ်များ

2 Aydaad 30:12

Yalli, Yuudah ummatta titta geyya hayteh usuk faxam abtuuy, malik kee malik gubal yan marih amri edde duudussa digga keenit hee.

Yasaqya 35:8

«Taahirik yan gita» deqsita giti too baaxol awqele. Taahirik ane sinni mari gitah wokkek magaca. Woo gita gactu waytam, woo gitih mara. Too gita gaca maraay tu-iggimaane le marah agantah mabadisa.

Yasaqya 52:8

Magaalak gasoh afa dacrisa mari xongolo fayya haak ruftoh saxxaq aban. Macaay inteenik, YALLI Siyon fan yaduurem isinni intit yableenih yanin.

Yasaqya 65:23

Cawal keenik mafoyyaata; abeenim foyya matakka. Macabaaritta, ken xaylo; anu barkat keenit heeyyo. Ken samad barkattoyseyyo.

Ermiyaas 24:7

Anu yoo edde yaaxigen kas keenih aceeyyooh, tohuk wadir isinnih yoo aaxigelon. Yi mara akkeloonuuh, anu kaadu ken Dagelta akkeyyo. Macaay inteenik, oson tikka 'yaanamaak yol aduurelon.

Ermiyaas 31:33

Tamaatu wayta ayroorat Israayil mara lih haysitu waa qahdi ah kaana. Inni xinto bagut keenik haak, afqadol keenik aktubeyyo. Anu ken Dageltah aniyooh, oson kaadu yi mara akkelon.

Ermiyaas 32:40

Hawwensime waa qahdi ken kee inni fanal heeyyo. Maqaane keenik mayseediya. Yok meysita mara ken abeyyooh, tohuk wadir darre yot macaban.

Ermiyaas 6:16

YALLI isi marak iyyeemih, «Giti elle yangale maglallal solla inxicay baaxo wagitay! Dumî dabaanal sugte gititte cubbusa. Yayse gitay siinih yascassoonu waanahiyyat gexa. Too gitat gexxeenik, amaan geetton» iyye. Takkay immay toh keenih warse waqdi kaal gacseenimih, «Aleeyyah yayse gitat magenna» iyyen.

Yacedkel 36:26

Qusba afqado kee qusba misinkaca siinit heeyyo. Xaak yan lubbi siinik kalla heeh, algin lubbi siinit heeyyo.

Yacedkel 37:22

Israayil baaxoh qaleelal inki doolat ken abeyyo. Ken titta lih xiinisa malik aallelon. Ahak wadir namma doolat mayakkan. Ken doolat namma'kkel makurrunta.

Yacedkel 37:24

Yi naqasuh yan Dawud innah yan malik, malik keenik akkele. Inki loynaytih gubat xiineloonuuh, yi amri kee yi xinto intam digga luk duuduselon.

Yacedkel 37:25

Dabaaqah, yi naqasuh yan Yaqkuubuh ecee baaxoy oson akak raden ken kaxxa abbobti duma elle sugtel gacelon. Tokkel keeniiy ken xaylo kee ken ramad guubuh gacele. Too rasi kulli way kenim akkele. Yi naqasu Malik Dawud innah yan malik tokkel ken xiinisele. Kulli way abbah keenik waarele.