Ermiyaas 32:37 - NABUWWA KEE MALIKWA

³⁷ Duma abeh an bagcarrah ken fixixiseyyooh, baaxo ken cabsiiseyyo'mmay, wadir gaabossa ken heeh, a baaxo ken gacseyyo. Akke gacissa ken heeh, tohuk wadir amaanah ken xiiniseyyo.

Ermiyaas 32:37 ပူးပေါင်းရင်းမြစ်များ

Ermiyaas 12:14

YALLI qagseeh kaadu iyyemii, «Yi ummatay Israayilih toobokehiyyah anu-ecee-baaxo foyya-abe-marak axcem liyo. Tohuu, too mari umeynitiiy; tonna leemiik away elle yanin baaxok, caxa ragidik elle siiban innal, ken siibba heeh ruubeyyo. Yuudâ-maray oson umam elle baaheenihiyya ken gabak ayyaaqeyyo.

Ermiyaas 16:14

YALLI kaadu iyyemii, «Ahaysa ummatta, ‹Waara YALLAY Israayil ummat Masrik yeyyeeqehiyyah migaaqal xiibinna› 'yaanam duma axcuk akah sugen innah, m'iyyaanay; ‹Waara YALLAY Israayil ummat kilbat le kabut raqta baaxo kee, wohuk kalah tan baaxo baadissaay wadir ken gacissa heehiyyah migaaqal xiibinnah nan› edde iyyoonu waan ayroora amaatele. Macaay inteenik, away ken baadiseh immay sarrak, ken baaxoy duma ken kaxxa abbobtih ikoytah eceeh sugehiyya fanah ken gacseyyo. Tahat yabtam yoo YALLA» iyye.

Ermiyaas 21:5

Qeebi anu innih siinit abeyyooh; yi naqabu kee yi cayli le'nna isinnih abletton. Yi gaba le tamu abletton.

Ermiyaas 23:3

«Inni maray baatik saaboh raaqehiyya away fixixih elle abbixe baaxok gacseyyooh, elle yooboken baaxo fan ken gacseyyo. Ken gacsek lakal, isinni baaxol mango xaylo xaleloonuuh andarrelon.

Ermiyaas 23:6

Kay dabaanal Yuudâ-mari waddiimeleeh, Israayil-mari amaanah xiinele. Too malikiy yamaatu waahiyya migaaqah, ‹YALLAY Cakki neh Yekke› deqsitele» iyye.

Ermiyaas 24:6

Baabeloonul yaniinim fanah, innih amo keenik wagitak sugeyyooh, sarra a baaxo ken gacseyyo. Ken gacsek lakal, ken xiseyyo'kkal ken maggilaay; caxah innah ken daabiseyyo'kkal, ragidiik ken masiiba.

Ermiyaas 30:18

YALLI kaadu iyyeemih: «Yaqkuubuk radde kedooda le baaxo fan gacseyyo; num numuh keenih xuwaaweyyo. Yarusalaam magaala nammeyhaak xissiimele; teetil suge malik qariy yiddigillehiyya xissiimele.

Ermiyaas 31:10

Baaxoh ummatey, YALLI siinik iyyam ankacisa. Usuk iyyam badak afal yan xer baaxoh marah warisa. Isi mara fixixih elle yabbixe baaxok gaaboysele. Illit duwah yan num duwah edde yan illi elle duwa'nnal, ken duweleeh ken dacrisele.

Ermiyaas 32:15

YALLAY Nabaamak Nabah, Israayil doore Dagelta kinnihiyyaa, ‹Buxaaxi kee buqre-baaxo kee qinab xala coox elle yaabuke baaxo, wadir edde limmoysoonu waan wakti amaatele› 'yaanam iyyeh yan, kaak exce.

Ermiyaas 33:16

Too saaku Yuudâ-mari waddiimeleeh, Yarusalaam magaalal yan mari amaanah xiinele. Yarusalaam magaala migaaqah too saaku, ‹YALLAY Cakki neh Yekke› 'yaanam deqsitele.

Ermiyaas 33:7

Israayil kee Yuudah yooboke mara, seewah ken been baaxok, ken baaxo ken gacseyyooh, duma akah suggu 'yen mara ken abeyyo.

Yacedkel 11:17

«Anu keenik inxic axcem keenih waris. ‹Fixixih sin elle abbixe baaxooxak sin gacseyyo. Israayil baaxo ahaksa siinih aceeyyo.

Yacedkel 20:34

Ama fixixih elle tanin baaxok sin bahha heeh inki aracah sin gacisu waa saaku, yi gabay qande le kee, abeh an bagcarra sin aybulleeyyo.

Yacedkel 28:25

YALLAY Mulki lehiyya iyyeemih, «Israayil ummat fixixih elle abbixe baaxooxak gacseyyo. Addal keenik anu waa waqdi, woo baaxooxah mara Kudduus kinniyom aybulleeyyo. Israayil mari isi baaxoy anu yi naqasuh yan Yaqkuubuh eceehiyya fan aduurelon.

Yacedkel 28:26

Too baaxol amaanah xiinelon. Tokkel buxaaxi xissiteloonuuh, qinab coox abqurelon. Cuggaaneh keenik yan maray ken bursutak suge digaaleyyooh; Israayil amaanah xiinele. Too waqdi anu YALLAY ken Dagelta kinniyom aaxigelon.

Yacedkel 36:24

Macaay inteenik, kulli doolat kee baaxoh addak bahha sin heeh, sin baaxo sin heeyyo.

Hosiqa 1:11

Yuudâ mara kee Israayil-mari wadir kaadu angaleleeh inki mara akkelon. Inki amoyta haysitelon. Isinni baaxol gaddaleela akkelon. Yidraqel-ayro, kaxxa ayro akkele.

Hosiqa 3:5

Tohuk lakal Israayil mari YALLAY ken Dagelta kinni kee ken malikih yen Dawuduk rade amoytih fan edde yaduuroonu waan wakti amaatele. Too saaku YALLIH meysi xagarat keenik gaceleeh; YALLIH maqaane geelon» iyye.

Ayyuqel 3:20

Rabe marih cane gacseyyo. Umaane abe marat macaba. Takkay immay, Yuuda kee Yarusalaam mari, adok ado fanah isi dabaq macaba. Yoo YALLAH tu gactekiiy Siyon Qalel gaceyyo» iyye.

Xafanya 3:20

Sin maray fixixih yani le baaxo edde yaduure wakti, maxeeriiy, ahaysa xayih. Meqe manoh sin gacseyyo. Toh edde yakku waa wakti isin 'sinni intit abletton. Migaq akak yaabben maray, faylisaana sin abeyyo. Baadal inkih sin aabbelon. Tah intaah, tahamat yabtam, yoo YALLAY sin Dageltah tan» 'yaanam iyye Meqe Goyta.

Zakariyya 14:11

Yarusalaam magaala tahak wadir mabaataay; ummat tet addal amaanah xiinele.

Zakariyya 3:10

Too ayro kulli num siinik qinab coox kee salfa le caxâ-miru xala cooxih gubal gacca 'teenih, cuggaaneh siinik yan marah qibnaytiinoh isinni buxal xigla abettoonuuh; amaanah xiinetton. Tah intam yoo YALLAY Nabaamak Nabahiyya› 'yaanam iyyah yan» iyye.