Ermiyaas 32:25 - NABUWWA KEE MALIKWA

²⁵ Tonna'mmay YALLAW, Mulki le Dageltaw, Yarusalaam tanna le mabbuuxut tanim abalih, «Sahda sumaaqah hayya haay baqurê-baaxo ku qammih baxak xaamit» yok inteeh; toh abeh› 'yaanam exce» iyye.

Ermiyaas 32:25 ပူးပေါင်းရင်းမြစ်များ

Ermiyaas 24:10

Duma ken kaxxa abbobtih ecee baaxoy away oson elle yaniinihiyyal saabo cabba haanam fanah, way carbiiy, way qululuuy, way kaadu dalka keenit ruubak, sella ken heeyyo› 'yaanam yok iyye» iyye.

Ermiyaas 32:15

YALLAY Nabaamak Nabah, Israayil doore Dagelta kinnihiyyaa, ‹Buxaaxi kee buqre-baaxo kee qinab xala coox elle yaabuke baaxo, wadir edde limmoysoonu waan wakti amaatele› 'yaanam iyyeh yan, kaak exce.

Ermiyaas 32:24

« ‹Baabelon-mari Yarusalaam-magaala yabbixe'gidih, tet gasoosat xakabuh coox kee xeet tittin bagul heen. Addal teetik yan mari carbi kee qulul kee dalkâ-gadda yekkeeniih, tohuk gexxaamah ellecabol Baabelon malikil gaba ecee'kal maraaqan. Tah atu inteemiiy; away akah table'nnah, atu inxicca elle inte'nnal tekkeh.

Ermiyaas 32:26

Tohuk lakal YALLIH qangara Ermiyaasal obteeh kaak iyyemii,

Ermiyaas 32:43

Isin inkih, ‹A baaxo gaba kalteeh; Baabelon-malikih gabat raddek wadir, num sinniih lac sinni abur akkele› 'yaanam intaana'mmay, ahak sarra sinam baqurê-baaxo teetil xaamele.

Ermiyaas 32:8

Sarrak YALLI akah inxicca iyye'nnah, Sallúm-Canamiil casbit elle an malik qarih daarat yol yemeeteeh, ‹Yi qammih baxaw, Qanatot deqsita aracal liyo buqrê-baaxo xaamam faxak, atu yok xaamit. Cakkih kol tanik› yok iyye. Too waqdi tah YALLIH yab kinnim eexegeeh,

Ermiyaas 34:17

« ‹Tonna'mmay isin toh abteenik, hay, ta saaku, yooy YALLAH yani siinik axcemii: «Isinni mara ruubaay curri ken aba» siinik exce'mmay, yi yab cinteenih. Tahaysa isinnih dooritten curriyyat siinil ruubeyyo. Toh ma curriyyata inteenik, carbi kee dalka kee qulul rabtaana'gidih, siinil ruubu waa curriyyata. Baadal enna 'ya mari anu siinil baahem yaabbu waa waqdi, kaxxam wariggitele.