Ermiyaas 32:24 - NABUWWA KEE MALIKWA

²⁴ « ‹Baabelon-mari Yarusalaam-magaala yabbixe'gidih, tet gasoosat xakabuh coox kee xeet tittin bagul heen. Addal teetik yan mari carbi kee qulul kee dalkâ-gadda yekkeeniih, tohuk gexxaamah ellecabol Baabelon malikil gaba ecee'kal maraaqan. Tah atu inteemiiy; away akah table'nnah, atu inxicca elle inte'nnal tekkeh.

Ermiyaas 32:24 ပူးပေါင်းရင်းမြစ်များ

2 Samuwel 20:15

Sarrak Yowab mari, «Sabaq kee kay mara too magaalal tani» 'yaanam yoobben waqdi, tokke fanah gexeeniih, magaala marot heen. Too magaalat maroh tan gasot xakabih ballaaqe tittak bagul heen. Gaso edde yaggilen gutqeenat magaalat maroh tan gasoosi yaggileenim faxen waqdi,

Yasaqya 37:33

Tonna leemiik YALLI, Assuuriyah-malikit takku-waytam koh warsaah iyyamaa, ‹Assuuriyah malik ta magaala macula. Gaysê-baxa elle maqalaamisa. Gob luk a magaalal maxayyoowa. Tet adda cula'gidih xeet tittin bagul mahaa.

Ermiyaas 16:4

Kaxxa dalka keenit ruubeyyooh; too dalkat ambaxelon. Keenih rookitaah ken yaagaqu waa mara mageyan. Raysa keenik guddaafah innah qangalaylak cabelon; yakkuqe num mageytima. Carbit rabe kee qululuh ambaxi akkelon. Lafa keenik haada kee garboh alluwwah maaqo akkele.

Ermiyaas 20:5

Oson buxal luk suggu 'yeenimiy edderra heenik tu macabaanay, inkih keenik beelon. Buxal luk suggu 'yen duyyek tu macabaanay keenik buubelon. Yuudâ-malikwa buxah addal luk sugte duyye inkih, kaadu isinni baaxo fan keenik beelon.

Ermiyaas 24:10

Duma ken kaxxa abbobtih ecee baaxoy away oson elle yaniinihiyyal saabo cabba haanam fanah, way carbiiy, way qululuuy, way kaadu dalka keenit ruubak, sella ken heeyyo› 'yaanam yok iyye» iyye.

Ermiyaas 29:17

Too marih tiyak yoo YALLAY Nabaamak Nabahiyya axcemii, Anu qeebi kee qulul kee dalka keenit ruubeyyo. Toome *sublâ-xayloy ankamme wayta ken abeyyo.

Ermiyaas 29:18

Carbi kee qulul kee dalkat qayyaawissa ken heeyyo. Kulli doolatay keenit tekkem tabalu waytahiyya inkih, taham waagissa heele. Fixixih ken elle abbixe baaxoy innih ken ruubehiyyal, taham akkih yable mari kaxxa wariggah wariggitele. Bursutan maray ilaq le ken abeyyo. Woo-marat tekkem siinit takkay axcuk, sinam abaaroh haysitan mara ken abeyyo.

Ermiyaas 32:25

Tonna'mmay YALLAW, Mulki le Dageltaw, Yarusalaam tanna le mabbuuxut tanim abalih, «Sahda sumaaqah hayya haay baqurê-baaxo ku qammih baxak xaamit» yok inteeh; toh abeh› 'yaanam exce» iyye.

Ermiyaas 32:28

Tonna leemiik, a magaala, Malik-Nabkadnessar kee kay qaskarih gabal heeyyo. Too mari qeebit tet abbixeleeh,

Ermiyaas 32:3

Kaa casbissem, Malik-Xidkiyak teneeh; kaa akah casbisem, YALLI iyyem warseemih sabbata. Ermiyaas Xidkiyak iyyemii, «YALLI, ‹Ama magaala Baabelon malik abbixele› 'yaanam iyyeh yaniih,

Ermiyaas 32:36

YALLAY Israayil doore Dagelta kinnihiyya qagseh iyyemii, «Ermiyaasow, atu away intaamah, ‹Yarusalaam mari carbi kee qulul kee dalka qayyaawissa ken hayta waqdi, Baabelon malikil gaba isinnih aceelon› 'yaanam inte. Toh kinnih immay toh lih axcem liyo.

Ermiyaas 32:5

Sarra Baabelon fanah seewah koo beelon. Anu tuk teena kok abam fanah wokkel elle sugetto. Baabelon-marat qeebi abtaanam faxxaanamah siinil mabictaay, nasri kaadu mageytan. Tahat yabtam yoo YALLA› 'yaanam kok iyye» 'yaanam kaak iyyeemih sabbatah, kaa yoxeeh yen.

Ermiyaas 33:4

Tonna'mmay yoo YALLAY Israayil doore Dagelta kinnihiyya kok axceemih: Yarusalaam magaalah mari, Baabelon-maray qeebi keenit abahiyyak megdebih edde gacaana'gidih, malikwâ qarwa kee raqqa 'ye marih qarwa yiggilen.

Ermiyaas 34:17

« ‹Tonna'mmay isin toh abteenik, hay, ta saaku, yooy YALLAH yani siinik axcemii: «Isinni mara ruubaay curri ken aba» siinik exce'mmay, yi yab cinteenih. Tahaysa isinnih dooritten curriyyat siinil ruubeyyo. Toh ma curriyyata inteenik, carbi kee dalka kee qulul rabtaana'gidih, siinil ruubu waa curriyyata. Baadal enna 'ya mari anu siinil baahem yaabbu waa waqdi, kaxxam wariggitele.

Ermiyaas 52:4

Xidkiya edde dardaare sagalhaytô-sanatat Nabkadnessar deqsita malikiy Baabelon amoytah yenehiyya qaskarak tu cabe'kal, Yarusalaam gaaduh gexe. Too sanatak tabanhaytoh alsak tabanhaytoh ayro, Yarusalaam magaalah afa gufeeniih; magaalak irol megdebih edde gacan arac haysitta heeniih, sarrak, magaalal yan mari akah awqe waa innah, dariifat maro teetik xisen.

Ermiyaas 52:6

Tohih sabbatah magaalal kaxxa qulul radeeh; ellecabol too sanatak fereyhaytoh alsak sagalhaytoh ayro ummatak maaqo tembexeeh, magaalal xagaanam waytinteh.

Ermiyaas 6:6

YALLAY Nabaamak Nabahiyya a malikwa amriseeh; Malikwak, «Coox irgiqay Yarusalaam-magaalat maroh tan gaso taggileeni'gidih, too gasot xakabuh coox kee xeet tittin bagul haa. A magaalah addal sinaamat mango xukko tekkeeh, tohuk gexxaamah tet digaaleyyo» iyye.

Yacedkel 14:21

YALLAY Mulki lehiyya iyyaamah, «Yarusalaam mara kee ken midir edde baysa'gidih, inni kaxxa digaala keenil ruubeyyo. Carbiiy qululuuy alluwwa kee dalka keenit ruubeyyo.

Yacedkel 21:22

Migdi gabat Yarusalaam 'yaanamih asta elle tan gaysê-baxa heele. Too waqdi, ‹Tet gidaarwa edde taggalu wayta gutqeyna bicisaay, qeebil tirtirisu waa mara bical hayisa. Culmeyna edde taggalu wayta gutqeyna xayyoosa. Ballaaqe tittak bagul hayisak eded bicisa. Megdebih edde gacan boodo bicisa› 'yaanam axcele.

Yacedkel 21:27

Baati temeeteh! Finqi yemeeteh! Ahaysa akah tani'nna bayseyyo. Takkay immay too baati, dardaarinnah doore num yamaatem fanah sugele. Usuk yamaatu waa saaku, too dardaarinna kay gabal heeyyo› 'yaanam iyya.

Yacedkel 26:8

Suur magaalak baddi afal raqtah tan mandarittel yan mari qeebit ambaxele. Nabkadnessar mari boodod dageleeh, bullaaqek megdebitte xiseloonuuh, eded bicselon. Gooba mangak gexxaamah siinik isinni dacrisak wadir sin biyaakelon.

Yacedkel 4:2

Yarusalaam marot heeloonum taybulle asta takke'gidih, too taswiirih a kabu kee woo kabul boodooda dagaay bullaaqe tittak bagul haak, eded bicis. Qaskar arooca kee megdebwa edde yaggilen mansafitte bicis.

Cabakkuk 1:10

Ta mari, malikwa qunxa intit yable mara kinnon. Kaxxa maray doolatat yanihiyyal qangi asalah rabaanah. Faxe gaso haanamah magaala cule ken kalaanam maxiqan. Magaalat maroh tan gasot ballaaqe massossa heenih teetil koreenih, tet abbixelon.

Zakariyya 1:6

Nabuwway yi naqoosah tanihiyya lih yaabak, ‹Ama marak maabina inxicaay, yi yab macinina keenik inxica› axcuk suge'mmay, sin kaxxa abbobti tohut baaqid mahanna. Tohih sabbatah gibdi biyaakah biyaakiten. «Toh yublen waqdi sin kaxxa abbobti, ‹YALLAY Nabaamak Nabahiyya ascubuk sugem abeeh; akah iyye'nnal, nek uma-caalat kee uma taamay abnehiyyah nee digaale› axcuk, isinni dambik toobiteenih, 'yaanam keenik inxic» kaak iyye.